Forbes: ბრიტანეთის დედოფლის პირადი ქონება 400 მლნ. ფუნტია

Forbes: ბრიტანეთის დედოფლის პირადი ქონება 400 მლნ. ფუნტია

access_time2021-05-08 18:00:13

ბრიტანეთის დედოფლის ელისაბედ II-ს ქონება ექსპერტებმა 400 მლნ. ფუნტად შეაფასეს. ამ თანხაში ყველაზე დიდი წილი არა მიწებზე, უძრავ ქონებაზე ან ფასიან ქაღალდებზე, არამედ მსოფლიოში საფოსტო მარკების ერთ-ერთ ყველაზე ძვირადღირებულ კოლექციაზე მოდის, ის 100 მლნ. ფუნტი ღირს.



ბოლო წლებში ფართო საზოგადოებამ ბრიტანეთის დინასტიის სიმდიდრეზე და ფუფუნებაზე ადრინდელთან შედარებით გაცილებით მეტი ინფორმაცია მიიღო. ამას ხელი ტელესერიალმა „გვირგვინმა“ და პრინც ჰარის და მისი მეუღლის მეგან მარკლის ინტერვიუს ირგვლივ აგორებულმა აჟიოტაჟმა შეუწყო.



თუმცა, სამეფო ოჯახის ქონების ზუსტი რიცხვის დადგენა დღესაც საკმაოდ რთული ამოცანაა, ეს ინფორმაცია გასაიდუმლოებულია და დედოფალს, ისევე, როგორც მის მემკვიდრეებს კონფიდენციალურობის კუთხით მრავალი შეღავათები აქვს. ოფიციალური დოკუმენტები ოჯახის საკუთრების თაობაზე გრიფით „საიდუმლოა“, მათი შინაარსი კი 50-100 წლით დახურულია საზოგადოებისთვის. თუმცა, გაზეთ The Guardian-ის მიმომხილველმა დევიდ მაკლიუემ მსოფლიოს ყველაზე ავტორიტეტული დინასტიის ღირებულების შეფასება სცადა.

ბრიტანეთის მთავრობა სამეფო ოჯახის შენახვაზე წელიწადში 50 მლნ. ფუნტს გამოჰყოფს, რაც ქვეყანაში ძალიან ბევრ ადამიანს აღიზიანებს. მათ შორის უმრავლესობა მიიჩნევს, რომ სახელმწიფომ არ უნდა დააფინანსოს სამეფო ოჯახი რომელსაც საკუთარი სერიოზული შემოსავლები გააჩნია.



ქონებაში შედის ბინები, კომერციული ფართები და მიწის ნაკვეთები ლონდონის ცენტრში, რომლებისგანაც ელისაბედ II წელიწადში 21 მლნ. ფუნტის მოგებას იღებს. ასევე დაახლოებით ანალოგიური ტიპის საკუთრებას მისი შვილი, პრინცი ჩარლზი ფლობს. ეს არის დედოფლის და მისი შვილის საბაზო შემოსავლის წყარო, გარდა ამისა ამ საბაზო შემოსავლის წყალობით მიღებული კაპიტალების წარმატებული ინვესტირება სხვადასხვა აქტივებში კიდევ დამატებითი შემოსავალია. რა თქმა უნდა, ეს მოგება ბევრ ადამიანს ხმარდება, მაგალითად, ოჯახის სხვა წევრებს, თუმცა ინვესტიციებისგან მიღებული მოგებაც საკმაოდ სერიოზულია.



როდესაც საუბარია დედოფლის და ზოგადად დინასტიის შემოსავლებზე, ამ მაჩვენებელში არამატერიალური აქტივები არ შედის, ისეთები, როგორც, მაგალითად, ბრენდი, ან ოჯახის და მისი წევრების ცნობადობა. აქტივების ჩამონათვალში არც მრავალრიცხოვანი ძვირადღირებული საჩუქრებია, რომლებსაც დედოფალიც და მისი ოჯახის წევრებიც, რეგულარულად იღებენ.





ელისაბედ II ასევე საფოსტო მარკების 100 მლნ. ფუნტად შეფასებულ კოლექციას ფლობს, რომლის შეგროვებაც მამამისმა, მეფე გეორგმა დაიწყო. ის ძალიან აქტიური ფილატელისტი იყო, მაგალითად, 1904 წელს მაშინდელმა ბრიტანეთის მეფემ 140 ფუნტად მავრიკის კუნძულზე გამოშვებული მარკა შეიძინა, რომელიც დღეს 2 მლნ. დოლარი ღირს.



დინასტია ასევე 10-11 მლნ. ფუნტის ღირებულების ფერწერის შედევრების კოლექციას ფლობს.



სამეფო ოჯახის ქონების შეფასებას ართულებს ის, რომ ძნელი დასადგენია, რას ფლობს თავად დედოფალი პიროვნულად, რა ეკუთვნის მონარქიას, როგორც ინსტიტუტს და რა არის სახელმწიფო საკუთრება. ასევე პრობლემურია სასახლეების სტატუსიც, რომელთა რესტავრირება სახელმწიფოს ხარჯზე ხდება. ეს და მრავალი სხვა ფაქტორი რეალურ შეფასებას ართულებს, თუმცა ექსპერტთა ერთიანი აზრით დედოფლის პირადი ქონება 400 მლნ. ფუნტია.


forbes.ru

თენგიზ აბლოთია

თეგები:
ელისაბედ II



საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up