FORBES: ბიზნესისთვის საუკეთესო ქვეყნების სიაში საქართველო 44-ე ადგილზეა

FORBES: ბიზნესისთვის საუკეთესო ქვეყნების სიაში საქართველო 44-ე ადგილზეა

access_time2018-12-20 18:05:28

Forbes ბიზნესისთვის საუკეთესო ქვეყნების ყოველწლიურ რეიტინგს აქვეყნებს.

 

ამის შესახებ მასალას forbes.ge აქვეყნებს.

 

ვებ-პორტალის მიხედვით, წინა წელთან შედარებით, საქართველოს პოზიცია 8 ადგილით გაუმჯობესდა და 161 ქვეყანას შორის 44-ე ადგილი დაიკავა.

 

გამოცემა აღნიშნავს, რომ საქართველოს ეკონომიკის მთავარი აქტივობა სოფლის მეურნეობის პროდუქტების, მათ შორის ალკოჰოლური სასმელების წარმოებაა.

 

ამასთან, საქართველოს დახასიათებაში ვკითხულობთ, რომ საქართველო იმპორტზე დამოკიდებული ქვეყანაა, რომელიც თითქმის ყველა პროდუქციას სხვა ქვეყნებისგან იძენს, მათ შორის ბუნებრივ გაზსა და ნავთობს.

 

"საქართველოს ელექტროენერგიის წარმოების დიდი პოტენციალი აქვს. ჰიდროელექტროსადგურების მშენებლობით, ქვეყანამ მუდმივი ენერგო-დეფიციტი აღმოფხვრა. დღეს საქართველო ბუნებრივი აირის იმპორტის კუთხით აზერბაიჯანზეა დამოკიდებული, ნაცვლად - რუსეთისა. საქართველოს სტრატეგიული გეოგრაფიული მდებარეობა აქვს, ისეთი პროექტები კი როგორიცაა მაგალითად, ბაქო-თბილისი-ყარსის რკინიგზა ქვეყანას მეტ პოტენციალს სძენს, როგორც სავაჭრო და სატრანსპორტო ჰაბს ევროპასა და აზიას შორის. 2006-07 წლებში, საქართველოს ეკონომიკა თითქმის 10%-ით იზრდებოდა, რაც უმეტესად გაზრდილი უცხოური ინვესტიციების დამსახურება იყო. თუმცა, 2008 წლის აგვისტოს ომისა და გლობალური ეკონომიკური კრიზისის შემდეგ, ქვეყანაში ეკონომიკის ზრდის ტემპი შენელდა. 2010 წლიდან ეკონომიკამ კვლავ ზრდის ტემპი აჩვენა, თუმცა FDI-ის მაჩვენებელი კვლავ არ აღემატება 2008 წლამდე არსებულ ტემპს. საქართველოში კვლავ მაღალია უმუშევრობის დონე. ამჯერად, ქვეყანა ეკონომიკური ზრდისთვის ინფრასტრუქტურული პროექტების დაჩქარებას, რეგულაციების გამარტივებასა და პროფესიული განათლების განვითარებას გეგმავს, რათა მეტი ინვესტიცია მოიზიდოს", - წერს Forbes.

 

ამასთან, გამოცემა აღნიშნავს, რომ საქართველოში ისტორიულ პრობლემას წარმოადგენდა გადასახადების მობილიზება. თუმცა 2004 წლიდან განხორციელებული რეფორმების შედეგად, ეს პრობლემა ნელ-ნელა აღმოიფხვრა და გამჭვირვალობის კუთხით საქართველოს მსოფლიო ბანკისგან ერთ-ერთი საუკეთესო შეფასება აქვს.

 

რაც შეეხება ქართული ოცნების მმართველობის პერიოდს, გამოცემა აღნიშნავს, რომ 2012 წელს ახალმა ხელისუფლებამ გააგრძელა კურსი, რომელიც ქვეყანაში დაბალ გადასახადებს, ნაკლებ რეგულაციებსა და ღია ბაზრის პრინციპს გააძლიერებდა.

 

Forbes-ის რეიტინგის შედგენისას ერთ-ერთი კრიტერიუმი ქვეყნის სხვადასხვა საერთაშორისო რეიტინგებში არსებული პოზიციებია. კერძოდ, საქართველოზე გამოცემას შემდეგი რეიტინგები აქვს მოყვანილი: ვაჭრობის თავისუფლება - მეოთხე ადგილი მსოფლიოში; მონეტარული თავისუფლება - 70-ე ადგილი მსოფლიოში; საკუთრების უფლების დაცვა - 74-ე ადგილი მსოფლიოში; ინოვაციები - 83-ე ადგილი მსოფლიოში; ტექნოლოგიები - 45-ე ადგილი მსოფლიოში; ინვესტორების დაცვა - მეორე ადგილი მსოფლიოში; კორუფცია - 43-ე ადგილი მსოფლიოში; პერსონალური თავისუფლება - 66-ე ადგილი მსოფლიოში; საგადასახადო წნეხი - მე-16-ე ადგილი მსოფლიოში.

წელს Forbes ბიზნესისთვის საუკეთესო ქვეყნად გაერთიანებულ სამეფოს ასახელებს, მას მოსდევს შვედეთი და ჰონგ-კონგი.

 

მიუხედავად იმისა, რომ საქართველოს პოზიცია წლევანდელ რეიტინგში გაუმჯობესებულია, Forbes საქართველოში ბიზნესის კეთებას უფრო ნეგატიურად აფასებს, ვიდრე ეს მაგალითად მსოფლიო ბანკის Doing Business-ის შემთხვევაშია, რომელშიც საქართველო მეექვსე ადგილს იკავებს. თუმცა, რეიტინგში საქართველო რეგიონის ყველა ქვეყანას უსწრებს: რუსეთი - 55-ე ადგილი, თურქეთი 57-ე ადგილი, აზერბაიჯანი 70-ე ადგილი, უკრაინა 77-ე ადგილი, სომხეთი 81-ე ადგილი, ყაზახეთი 65-ე ადგილი.


წყარო: forbes.ge 





მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-25 21:30:49
დღის Top-10 საინტერესო ამბავი 1.ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება საქართველოს მთავრობის № 520-ე დადგენილების ამოქმედების შემდეგ ახალი ცვლილებების დრო დადგა. ამჯერად, საქმე ეხება №385-ე...


მსგავსი სიახლეები

up