ინვესტორებს, რომლებიც რუსულ ბაზარზეა არიან ორიენტირებული, სიფრთხილე მართებთ, რადგან მოსკოვს შესაძლოა ახალი სანქციები დაუწესდეს. გერმანიის ხელისუფლებამ კრემლი ოპოზიციონერ ალექსეი ნავალნის მოწამლვაში თითქმის გახსნილად დაადანაშაულა და საერთაშორისო საზოგადოებას ამ ფაქტზე მკვეთრი რეაგირებისკენ მოუწოდა. თუმცა, ეს გაზსადენ „ჩრდილოეთ ნაკადი-2“ -ს ჯერ არ ეხება, მაგრამ შესაძლოა ზეწოლა არა ბერლინმა, არამედ ვაშინგტონმა გააძლიეროს. ეს კი რუსული ფასიანი ქაღალდების ყველა მფლობელს სერიოზულ საფრთხეს უქმნის.

მსოფლიო კრიზისის ფონზე, რუსეთთან მომუშავე ინვესტორები მოგებას იღებდნენ რუსული სახელმწიფო ობლიგაციების დაბალი ფასების და მაღალი პროცენტების წყალობით, მაგრამ დღეს სიტუაცია იცვლება და ბოლო თვეებში რუსული  ბაზრის ინდექსი 6%-ით დაეცა.

„როდესაც საუბარია რუსეთზე, სანქციების საფრთხე ყოველთვის არსებობს, თუმცა სავარაუდოდ უახელოეს პერიოდში ამის რისკი კიდევ გაიზრდება“, - მიიჩნევს BNP Paribas-ის ექსპერტი ლუის პეიშოტო.

ძირითადი მაჩვენებლები ადასტურებენ, რომ რუსეთს სოლიდური ფინანსური რეზერვი გააჩნია, რომელიც მას რთულ სიტუაციებში სტაბილურობის შენარჩუნებაში ეხმარება - ამაზე თუნდაც ის მეტყველებს, რომ ქვეყანა უკვე რამდენიმე წელია სანქციების პირობებში ცხოვრობს.

მსხვილი სახელწიფო კომპანიები, პირველ რიგში „გაზპრომი“. დიდ ფინანსებს ფლობენ და მათი გაკოტრება მოსალოდნელი არაა. „ჩრდილოეთ ნაკადი-2“-სთვის ამერიკის მიერ მიყენებული დარტყმის შერბილება შესაძლებელი სწორედ „გაზპრომის“ფულით გახდა. ამერიკული მასმედიის ცნობით, ვაშინგტონი ბრიუსელთან და ბერლინთან „ჩრდილოეთ ნაკადი-2“-თან მიმართებაში ნავალნის მოწამლვის გამო სასჯელის სახით სანქციების გამოცხადებასთან დაკავშირებით კონსულტაციებს ატარებს.

იმის გათვალისწინებით, რომ ევროპაში გაზის მოხმარების 40% რუსეთზე მოდის, „ჩრდილოეთ ნაკადი“-ს ამოქმედების შემთხვევაში რუსეთში ევროპისთვის ენერგომატარებლების ძირითადი მიმწოდებელი გახდება. კიოლნის ენერგეტიკის ინსტიტუტის გათვლებით, ამ შემთხვევაში გაზის ნაკადი ისეთი დიდი იქნება, რომ შესაძლოა ის 5%-თ გაიაფდეს.

„სანქციების გამკაცრების მუდმივი საფრთხის გამო, რუსეთის ბაზარი უახლოეს თვეებში დაძაბულ მდგომარეობაში იქნება. არავინ იცის როდის და რამდენად ძლიერი იქნება შეზღუდვები და ეკონომიკაზე ისინი რა გავლენას მოახდენენ“, - ამბობს ლუის პეიშოტო.

აშშ-ს თითქმის 6 თვე დასჭირდა იმისთვის, რომ სანქციები რუსეთს წინაამღდეგ სკრიპალების მოწამლვის გამო შემოიღო. გარდა ამისა, შემაფერხებელი ფაქტორი შესაძლოა ამერიკაში საპრეზიდენტო არჩევნები გახდეს.

• რა იქნება იმ შემთხვევაში, თუ არჩევნებში რუსეთის აქტიური კრიტიკოსი ჯი ბაიდენი გაიმარჯვებს?
• გააგრძელებს თუ არა ის ტრამპის კურსს, რომელმაც მიზნად „ჩრდილოეთ ნაკადი-2“-ის განადგურება დაისახა?

ამ პოლიტიკის გაგრძელება მთლიანად ევროპის დიდი ნაწილის და კერძოდ გერმანიის უკმაყოფილებას გამოიწვევს იმ შემთხვევაში, თუ ბაიდენი მათ სანქციებთან მიერთების აუცილებლობაში ვერ დაარწმუნებს. ტრამპმა ეს ვერ შეძლო, მოახერხებს თუ არა ბაიდენი - ძნელი სათქმელია.

ამ დაპირისპირებაში გერმანელები ეროვნულ სუვერენიტეტზე ლაპარაკობენ. გახდება თუ არა მათთვის ალექსეი ნავალნის მოწამლვის ფაქტი თუკი ყველაზე დიდი ზიანი „გაზპრომს“ მიადგება?

თუმცა, რუსული საგაზო მონოპოლია ყველა შემთხვევაში მსოფლიო მნიშვნელობის გიგანტი დარჩება, „ჩრდილოეთ ნაკადი-2“-ით თუ მის გარეშე.

forbes.com

თენგიზ აბლოთია