მთელს მსოფლიოში COVID-19 -ის გავრცელებასთან ერთად ბანკების მომხმარებლებში და არამარტო, ფინანსურ მდგომარეობაზე ღელვა უფრო და უფრო იმატებს.ორშაბათს FDIC-მა (ფედერალური დეპოზიტების დაზღვევის კორპორაცია) საფინანსო ინსტიტუტებს მოუწოდა მომხმარებლების მდგომარეობის გათვალისწინება კორონავირუსის ფონზე, რაც ნიშნავს ჯარიმების მოხსნას, სესხების გადავადებას, ანაბრებიდან თანხების ადრეული განაღდების გადასახადის მოხსნას და ა.შ.
Forbes.ge-ს მიხედვით, მსოფლიოს რამდენიმე ბანკი უკვე ატარებს ღონისძიებებს კორონავირუსით დაზარალებულებისთვის ფინანსური სიძნელეების თავიდან ასარიდებლად.
ამერიკის ბანკი
ამერიკის ბანკს არ შეუქმნია კორონავირუსის წინააღმდეგ დახმარების ვებგვერდი, თუმცა Forbes-სთვის მიწოდებული ინფორმაციის მიხედვით შეყოვნებული ხელფასების შემთხვევაში ბანკი კლიენტების მდგომარეობას ითვალისწინებს.
„ჩვენ ვაკვირდებით მოვლენების განვითარებას და ყოველთვის მზად ვართ, რომ ჩვენს კლიენტებს მხარი დავუჭიროთ შემოსავლის დაკარგვისა და ფინანსური სიძნელეების პერიოდში. ყველა თანამშრომელი, რომელსაც პირდაპირი შეხება აქვს ჩვენს კლიენტებთან სპეციალურად არიან დატრენინგებული შესაბამისი დახმარების აღმოსაჩენად კლიენტებისთვის და მათი უნიკალური პერსონალური საჭიროებებისთვის. ჩვენი მუდმივი პრაქტიკის ნაწილია, ის რომ დაყოვნებული ხელფასების შემთხვევაში კლიენტის მდგომარეობას ვითვალისწინებთ“- ნათქვამია ბანკის განცხადებაში.
Capital One
მომხმარებლებისთვის გაგზავნილ ელექტრონულ შეტყობინებაში Capital ONE-მა მათ მოუწოდა, ციფრული საშუალებების გამოყენებისკენ. მომხარებელები, რომლებიც ფინანსურ სიძნლეებს წააწყდნენ კორონავირუსის გამო, მომხმარებლები ბანკს უკავშირდებიან ცხელი ხაზით უკავშირდებიან. თუმცა შეტყობინებაში რამე სახის კონკრეტულ შეღავათზე საუბარი არ ყოფილა.
Capital One-ი სააგენტოსთან აცხადებს, რომ მომხმარებლები კონსულტაციის საშუალებას მიიღებენ - მინიმუმის გადახდის დახმარება, სესხის გადანაწილება, დამატებითი გადასახადის შემცირება.
Chase
Chase ბანკში აცხადებენ რომ „ყველაფერი კეთდება შესაძლებლობის ფარგლებში“, რათა ფილიალები მუდმივად ღია და დეზინფიცირებული იყოს, ქოლ-ცენტრები და მობილური აპლიკაციები კი უწყვეტად და შეუფერხებლად მუშაობდეს.წლების მანძილზე ქარიშხლებისა და ხანძრების შედეგად დაზარალებულებისთვის ბანკმა შეამცირა პროცენტები, გადახდის ვადები შეცვალა და კრედიტები გაახანგრძლივა. ამ ეტაპზე ბანკი ყველა შემთხვევას ცალ-ცალკე განიხილავს.
Citibank
ყოველთვიური გადასახადის გაუქმება როგორც მუდმივი კლიენტებისთვის, ასევე მცირე ბიზნესის წარმომადგენლებისთვის, ჯარიმების გაუქმება ადრეული განაღდებისთვის, ბანკირები არასამუშაო დროსაც მუშაობენ, ხოლო საკრედიტო ბარათების მფლობელებს შეუძლიათ ლიმიტის გაზრდა - ეს ის ღონისძიებებია, რასაც Citibank-ი მომხმარებლებს სთავაზობს.იპოთეკური სესხის მომხმარებლებს შეუძლიათ ბანკის დახმარების პროგრამით ისარგებლონ.
Fifth Third Bank
ბანკმა კორონავირუსით დაზარალებულების დახმარების ვებგვერდი შექმნა.„ჩვენ ორიენტირებული ვართ ჩვენი თანამშრომლებისა და კლიენტების უსაფრთხოებაზე და ბიზნესის ხანგრძლივობაზე, კრიტიკულად საჭირო სერვისები მუდმივად იქნება ხელმისაწვდომი. თუ რომელიმე ფილიალი დაიხურება, დამატებითი ლოკაციის შესახებ მოხმარებელი ინფორმირებული იქნება.“ - ნათქვამია ვებგვერდზე გამოქვეყნებულ განცხადებაში.
PNC Bank , US Bank-ი და Wells Fargo - კორონავირუსის გამო პოტენციური ფინანსური სიძნელეების მქონე ხალხს დაკავშირებას სთხოვს, რა შემთხვევაშიც კლიენტების, რომელთაც სესხების გადახდა უჭირთ ბანკის თანამშრომლების მხრიდან დახმარება.
Forbes.com
მარიამ მორგოშია