Forbes: აშშ-ს კონგრესი „ჩრდილოეთ ნაკადი-2“-ს წინაამღდეგ ახალ სანქციებს აწესებს

Forbes: აშშ-ს კონგრესი „ჩრდილოეთ ნაკადი-2“-ს წინაამღდეგ ახალ სანქციებს აწესებს

access_time2020-06-29 20:00:07

მილსადენი „ჩრდილოეთ ნაკადი-2“, რომელიც რუსეთიდან გერმანიაში მიდის, აშშ-ს კონგრესის სამიზნე კიდევ ერთხელ, ამჯერად უკვე 2-პარტიულ საფუძველზე, გახდა.შტატების საკანონმდებლო ორგანომ ახალი სანქციების პაკეტის განხილვა დაიწყო, რომლის მიზანიცაა პროექტში მონაწილე კომპანიებზე ზეწოლის გზით მისი დასრულების ჩაშლა.


აშშ-ს კონგრესის წარმომადგენელთა პალატის წევრებმა რესპუბლიკელებმა ადამ კიზინგრემა, მაიკ ტერნერმა, დემოკრატებმა რუბენ გალიეგომ და დენი ჰეკმა „ჩრდილოეთ ნაკადი-2“-ს წინაამღდეგ სანქციების ახალი პროექტი შემოიტანეს.


ამ ინიციატივას განსაკუთრებული აღტაცებით კიევში შეხვდნენ, სადაც ახალი გაზსადენის ბლოკირებაში სასიცოცხლოდ არიან დაინტერესებულები.


უკრაინულმა „ნაფტოგაზმა“ და რუსულმა „გაზპრომმა“ საკამათო საკითხები სასამართლოებში უკვე გადაწყვიტეს, თუმცა „ჩრდილოეთ ნაკადი-2“ უკრაინისთვის მაინც პრობლემას წარმოადგენს. ამ პროექტის ამოქმედება უკრაინის გავლით ევროპაში გაზის მიწოდების გარდაუვალ შემცირებას, შესაბამისად, ქვეყნის საბიუჯეტო შემოსავლების შემცირებას გამოიწვევს. დღეს გაზის ტრანზიტისგან შემოსავლები მშპ-ს 10%-ს წარმოადგენს და უკრაინის მძიმე ეკონომიკური მდგომარეობის გათვალისწინებით, ეს საკმაოდ სოლიდური თანხაა.


ჯერ კიდევ 2019 წელს კონგრესმა სანქციების პირველი პაკეტი მიიღო, რითიც გაზსადენის მშენებლობა შეჩერდა მაშინ, როდესაც მარშრუტის დასრულებამდე მხოლოდ 160 კილომეტრია დარჩენილი.


ახალი კანონპროექტი წინამორბედის მიდგომას აგრძელებს. ამჯერად სანქციები ყველა კომპანიას შეეხება, რომელიც ამა თუ იმ ფორმით პროექტშია ჩართული. დოკუმენტში ეს საქმიანობაც განსაზღვრულია - „მილების მონტაჟი, სამშენებლო მოედნების მომზადება, საძირკვლების ამოთხრა, მონიტორინგი, ქვების ჩაყრა, მილების შედუღება“.



სანქციების ქვეშ ასევე სადაზღვევო რისკების შემფასებელი, დაზღვევის და გადაზღვევის მომსახურეობის მიმწოდებლებიც მოხვდებიან. ასევე პროექტისთვის ნებისმიერი სახის მანქანა-დანადგარების და ტექნოლოგიების მიწოდება აიკრძალება.დარტყმა ასევე ტესტირებას და სერტიფიცირებას შეეხება.ფაქტობრივად, შეზღუდვებს პროექტიდან ევროპული კომპანიების თითქმის მთლიანად გამოყვანა შეუძლია. კანონის მიღების შემდეგ მათ აშშ-ს ფინანსთა სამინისტროსგან მასშტაბიანი ჯარიმები ელოდება,რაც ამერიკასთან ყოველგვარი თანამშრომლობის საშუალების დაკარგვას ნიშნავს.რა თქმა უნდა, მათთვის „ჩრდილოეთ ნაკადი-2“ - თან თანამშრომლობა ძალიან მომგებიანია, თუმცა, არა გაცილებით უფრო მსხვილი და მნიშვნელოვანი ამერიკული ბაზრის დაკარგვის ფასად.


პროექტის კენჭისყრის ვადები ჯერ დადგენილი არაა, თუმცა, სავარაუდოდ, მის მიღებას წინაამღდეგობა არ შეხვდება.საინტერესო იქნება ამაზე ევროპის რეაქცია, რადგანაც, რუსების გარდა, ამ დოკუმენტით პირველ რიგში ევროპა ზარალდება.


„ჩრდილოეთ ნაკადი-2“-ს შტაბ-ბინა შვეიცარიის ქალაქ ცუგში მდებარეობს, მისი აქციების საკონტროლო პაკეტი „გაზპრომს“ ეკუთვნის. რუსულ ენერგოგიგანტს მსოფლიო გაზმოპოვების 15% ეკუთვნის. ის ნამდვილი მონსტრია.


გაზსადენის მმართველი რამდენიმე მსხვილი კომპანიის კონსორციუმს წარმოადგენს.მათ შორისაა ფრანგული Engie, ავსტრიული OMV, ბრიტანული Shell, და გერმანული Uniper და Wintershall. მათ პროექტში დიდ ფული ჩადეს, და შესაძლოა ეს ინვესტიციები დაიკარგოს.


„ჩრდილოეთ ნაკადი-2“  რამდენიმე რუსული გაზსადენის ერთობლიობის ნაწილია და მისი რეალიზება 2014 წელს დაიწყო. იმ პერიოდში რუსეთსა და უკრაინას შორის მწვავე დაპირისპირება იყო.უკრაინის ხელისუფლება ჩამოიშალა და  მის ნაცვლად პროდასავლური მთავრობა ჩამოყალიბდა. ამას რუსეთმა ყირიმის ანექსიით უპასუხა.


რუსეთი ქვეყნებს შორის კავშირების გაწყვეტის მასშტაბებს კარგად აცნობიერებდა.ჯერ კიდევ საბჭოთა დროში აშენებულ გაზსადენზე უარის თქმა და გაზის ევროპაში ტრანსპორტირების ალტერნატიული მარშრუტების შექმნა დააპირა.


ერთი-ერთი პროექტი „სამხრეთ სადენი“იყო, რომელშიც მონაწილეობაზე უარი  იტალიამ განაცხადა. ის შემდეგ თურქეთმა ჩაანაცვლა. შედეგად „თურქული ნაკადი“ აშენდა.თუმცა, მილსადენების პროექტებს შორის მთავარი და ყველაზე სტრატეგიული სწორედ „ჩრდილოეთ ნაკადი-2“ არის, თუმცა, მისი რეალიზება გერმანიის გარეშე შეუძლებელი იქნებოდა.


თავად მილები უკვე არსებულ „ჩრდილოეთ ნაკადი-1“-ს პარალელურად მონტაჟდება, რამაც უკრაინული „ნაფტოგაზი“ იმაში დაარწმუნა, რომ პროექტის საბოლოო მიზანია უკრაინულ ტრანზიტზე უარის თქმაა.ვაშინგტონიც ამ პროექტს ასევე უყურებს და შესაბამის ზომებსაც იღებს.


მოსკოვის აზრით, ამერიკელების მიზანია რუსეთისთვის ევროპის ბაზარზე წვდომის შეზღუდვა და მის ნაცლად საკუთარი თხევადი გაზის გაყიდვების ზრდა.


წყარო: forbes.com

მოამზადა თენგი აბლოთიამ




„სამუშაო ადგილების შენარჩუნება, საკმაოდ რთული იქნება - ასე თუ გაგრძელდა, ბევრი კომპანია დატოვებს ბაზარს და სავაჭრო ობიექტებიც დაიკეტება“

„სამუშაო ადგილების შენარჩუნება, საკმაოდ რთული იქნება - ასე თუ გაგრძელდა, ბევრი კომპანია დატოვებს ბაზარს და სავაჭრო ობიექტებიც დაიკეტება“
access_time2020-09-26 20:00:53
„სავაჭრო კომპანიების 90%, დღეის მდგომარეობით, ზარალში იმყოფება,“- ამის შესახებ „აი სი არ ჯგუფის“ სამეთვალყურეო საბჭოს თავმჯდომარემ კახა ხაზარაძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ზუსტი პროგნოზის გაკეთება რთულია,...

პანდემია და სეზონური გრიპი - ევროპა საფრთხის წინაშეა

პანდემია და სეზონური გრიპი - ევროპა საფრთხის წინაშეა
access_time2020-09-26 18:00:13
ზაფხულის დასრულების შემდეგ, ევროპა მნიშვნელოვანი პრობლემისა და საფრთხის წინაშეა. აგვისტოს ბოლოდან კოვიდ19-ის შემთხვევებმა სხვადასხვა ქვეყანაში მნიშვნელოვნად იმატა. პანდემიას სეზონური გრიპიც ერთვის თან, რაც ჯანდაცვის სფეროს სპეციალისტების თქმით, რეალური საფრთხეა და საჭიროა...

პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ...

სექტემბერში საბანკო სექტორში განთავსებული არასაბანკო დეპოზიტების მოცულობა გაიზარდა

სექტემბერში საბანკო სექტორში განთავსებული არასაბანკო დეპოზიტების მოცულობა გაიზარდა
access_time2020-09-26 16:00:42
ეროვნული ბანკის ინფორმაციით, საბანკო სექტორში განთავსებული არასაბანკო დეპოზიტების მოცულობამ 2020 წლის პირველი სექტემბრისათვის 30.93 მლრდ ლარი შეადგინა, რაც 392.65 მლნ ლარით, ანუ 1.29%-ით მეტია პირველი აგვისტოსთვის არსებულ მაჩვენებელზე (გაცვლითი კურსის ეფექტის გარეშე 1.28%-ით მეტი). აგვისტოში, წინა თვესთან შედარებით, ადგილი ჰქონდა ვადიანი დეპოზიტების ზრდას 563.69 მლნ ლარით, ანუ 4.04%-ით (გაცვლითი კურსის ეფექტის გარეშე 4.05%-ით გაიზარდა), ხოლო მოთხოვნამდე დეპოზიტები 171.04 მლნ ლარით, ანუ...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...


მსგავსი სიახლეები

up