აშშ-ს ეკონომიკა 2020 წლის მე-2 კვარტალში რეკორდული 32,9%-ით ჩამოიშალა - ეს მაშინ, როდესაც პირველი კვარტლის ბოლოს, უკვე კარანტინის დროს, ვარდნამ 5% შეადგინა - იუწყება აშშ-ს ვაჭრობის სამინისტრო.
უწყების მოხსენებაში ნათქვამია, რომ ეს მხოლოდ წინასწარი მონაცემებია, რომლებშიც ჯერ არაა გათვალისწინებული რამდენიმე ფაქტორი. საბოლოო მონაცემები 27 აგვისტოს გამოქვეყნდება.
თუმცა, შესაძლო მცირე კორექტირების მიუხედავად, აშკარაა, რომ ასეთი ეკონომიკური ვარდნა შტატებში არც დიდ დეპრესიას, არც მეორე მსოფლიო ომს და არც 2008-2009 წლების კრიზისის არ გამოუწვევია.
მაგალითად, 2008 წლის კრიზისის დრო, ყველაზე ცუდი თვე აგვისტო იყო, როდესაც ვარდნამ 8,4% შეადგინა.
თუმცა, დღევანდელი ვარდის სიმძიმის მიუხედავად, ექსპერტები უარესს ელოდნენ - მაგალითად, Dow Jones-ის მიერ გამოკითხული ეკონომისტების და ფინანსისტების საერთო აზრით, ამერიკის ეკონომიკა 34,7% უნდა დაცემულიყო.
„ეს ძალიან ღრმა და ბნელი ხვრელია, ჩვენ უკვე გამოვდივართ, მაგრამ ბევრი დრო დაგვჭირდება“ - მიიჩნევს Moody's Analytics-ის ანალიტიკოსი მარკ ზანდი.
აშშ-ში ყველაზე მკვეთრად სამომხმარებლო და ჯანდაცვითი ხარჯები შემცირდა, ამავე დროს პირადი შემოსავლები სახელმწიფო მხარდაჭერის წყალობით გაიზარდა.
კერძოდ, საანგარიშო პერიოდში ჯამური კერძო შემოსავალი 42,1%-ით გაიზრდა და 1,5 ტრლნ. დოლარი შეადგინა.
ეკონომიკის აღდგენის ტემპები კორონავირუსით დაინფიცირების შემთხვევების ზრდამ შეაფერხა.
ეპიდემიის ახალი აფეთქება, რომელიც ამერიკის ხელისუფლების ვირუსთან ბრძოლის უუნარობას ადასტურებს აჩვენებს, რომ აშშ-ს ეკონომიკა, სავარაუდოდ, სხვა ქვეყნებზე ნელა აღდგება, და პირველ რიგში ეს იმ ქვეყნებს ეხება, რომლების ვირუსს უკეთესად გაუმკლავდნენ.
რაც უფრო დიდხანს გაგრძელდება ეპიდემია ვაქცინის გარეშე, მით უფრო დიდხანს ეკონომიკა კრიზისამდელ დონეს ვერ დაუბრუნდება.
„ჩვენ ვიცით, რომ ეკონომიკური აქტიურობა მაისში და ივნისში ძალიან გაიზარდა, რამაც მე-3 კვარტალში ძლიერი ზრდის წინაპირობა შექმნა. თუმცა, ინფიცირების ახალმა აფეთქებამ ეკონომიკაზე ძლიერი ნეგატიური გავლენა მოაცდინა, შესაბამისად, უახლოეს პერიოდში სწრაფი ეკონომიკური ზრდა ნაკლებად სავარაუდოა“ - განაცხადა Capital Economics-ის ექსპერტმა ენდრიუ ჰანტერმა.
Forbes.ru