კვლევითმა კომპანია IFI CLAIMS Patent Services-მა შეადგინა შტატებში ინტელექტუალური საკუთრების რეგისტრაციის კუთხით 50 ლიდერი კომპანიის და 10 ლიდერი-ქვეყნის რეიტინგი.
ეს ძალიან მნიშვნელოვანი საკითხია, რადგანაც ყველა მეტ-ნაკლებად მნიშვნელოვანი გამოგონება ამერიკაში, როგორც ინოვაციების უმსხვილეს ბაზარზე, რეგისტრაციას აუცილებლად გადის.
კომპანიებს შორის შტატებში ყველა მეტი პატენტი IBM-მა დაარეგისტრირა, მეორე ადგილზეა Samsung, მესამეზე - Kia Motors. პირველ ათეულშია ასევე ჩინური Huawei.
გლობალურ ბაზარზე ვითარება განსხვავებულია - IMB მეორე ადგილზეა, ხოლო პირველზე - Samsung, რომელმაც მსოფლიო ბაზარზე IMB-ზე 2-ჯერ მეტი ინოვაცია დაარეგისტრირა.
გლობალური ლიდერების ხუთეულშია Canon, Microsoft და Bosch GmbH.
ჩინეთი ერთად-ერთი ქვეყანაა, რომელმაც აშშ-ში საპატენტო აქტიურობა მნიშვნელოვნად გაზარდა - 11%-ით 2019 წელთან შედარებით.
ამერიკულ ბაზარზე ყველაზე მეტი პატენტი თავად შტატებს აქვს - 164 379, შემდეგ მოდიან იაპონია - 52 421, სამხრეთ კორეა 22 400, და ჩინეთი - 18 792. ევროპულ ქვეყნებს შორის ამერიკაში დაპატენტების კუთხით ლიდერია გერმანია - 16 222 პატენტი. ათეულში ასევე ტაივანი (11 286), საფრანგეთი (6312), და ბრიტანეთი (5333) შედიან.
შტატებში გაცემული პატენტების რაოდენობა 2019 წელთან შედარებით 1%-თ შემცირდა - 355 923-დან 353 708-მდე.
არაამერიკული კომპანიებიდან შტატებში ყველაზე მეტი პატენტი Samsung Electronics-მა დაარეგისტრირა — 6415.
ათეულში Canon Inc., Microsoft, Intel, Taiwan Semiconductor, LG Electronics, Apple, Huawei Technologies და Qualcomm შედიან. ამ სიის ყველა მონაწილე - Taiwan Semiconductor და Qualcomm -ს გარდა, ტოპ-10-ში 2019 წელსაც შედიოდა.
ათეულის მიღმა Amazon დარჩა, თუმცა, ონლაინ-რითეილერმა პოზიციები მაინც გაიუმჯობესა - 2019 წელს კომპანია მე-15 ადგილზე იყო, ხოლო 2020-ში მე-11-ა.
მაჩვენებლები ძირითადად ელექტრონული კომპონენტების და ტექნიკის მწარმოებლებმა გაიუმჯობესეს. მაგალითად, Sharp-მა (32-ე ადგილი რეიტინგში) პატენტების რაოდენობა 22%-ით, Taiwan Semiconductor-მა (6) - 18%-ით, Huawei-მა (6) – 13%-ით.
პოზიციები ტრადიციული ბიზნესის წარმომადგენლებმა - General Motors-მა და ნავთობ-გაზის გიგანტმა Halliburton-მა დაკარგეს, თუმცა, ამავე დროს სამხრეთ კორეულმა ავტომწარმოებელმა Kia Motors-სმა დარეგისტრირებული პატენტების რაოდენობა 31%-ით, 1322-მდე გაზარდა. ამის წყალობით კომპანია 41-დან 24-ე ადგილზე გადაინაცვლა.
შტატებში ყველაზე მეტი პატენტი მონაცემთა ციფრული გადამუშავების დარგში დარეგისტრირდა. მეორე ადგილზეა ციფრული ინფორმაციის გადაცემა, მესამეზე - ნახევარგამტარი მოწყობილობები და უსადენო კავშირგაბმულობა.
ყველაზე სწრაფად ზრდადი სექტორია ბიოკომპიუტერული ტექნოლოგიები - ზრდამ 67% შეადგინა.
ასევე გაიზარდა პატენტების რაოდენობა ისეთ სექტორებში, როგორც აგროტექნოლოგია, მცენარეთა სელექცია, კვანტური გამოთვლები, ავტოპილოტების წარმოება, სატრანსპორტო ნავიგაცია, და 3D-ბეჭდვა.
forbes.ru
მოამზადა თენგიზ აბლოთიამ