2020 წელს, ისევე როგორც ყოველთვის, არაერთი მილიარდერი ხმაურიან სკანდალში გაეხვა - ეს სკანდალები იყო როგორც საქმიანი, ასევე პირადი ხასიათის.
დონალდ ტრამპის გადასახადები
2020 წლის სექტემბერში გაზეთ The New York Times-მა დონალდ ტრამპის საგადასახადო დეკლარაციების გამოაქვეყნა და წარმოუდგენელი ფაქტები გამოავლინა.
საზოგადოების ყველაზე დიდი აღშფოთება იმან გამოიწვია, რომ 2016-2017 წლებში ტრამპმა მხოლოდ 750 დოლარის გადასახადები გადაიხადა. მანამდე კი, 20 წლის მანძილზე მის ბიზნესს ბიუჯეტში საერთოდ არაფერი არ შეჰქონდა იმის გამო, რომ მისი კომპანიები ზარალიანად ითვლებოდა.
Trump Organization-მა მოყვანილი ფაქტები უარყო და განაცხადა, რომ სინამდვილეში დონალდ ტრამპმა მილიონობით დოლარის საშემოსავლო გადაიხადა.
დღეს, გაზეთის მიერ მოყვანილ ფაქტებს აშშ-ს საგადასახადო სამსახური ამოწმებს. გამოცემის ცნობით, ტრამპის ჯამური ვალი 900 მლნ. დოლარს შეადგენს.
აშშ-ს ყველაზე მდიდარი შავკანიანი ბიზნესმენის პრობლემები
2020 წელს გაირკვა, რომ ამერიკის ყველაზე მდიდარი შავკანიანი ბიზნესმენი რობერტ სმიტი წლების მანძილზე, არაკანონიერი თაღლითური სქემის წყალობით, ბიუჯეტს ასობით მილიონ დოლარს უმალავდა.
ფედერალური ხელისუფლების ინფორმაციით, 2000-2015 წლებში მან ოფშორულ ანგარიშებზე 200 მლნ. დოლარზე მეტი გადაიტანა.
რობერტ სმიტმა თავისი დანაშაული აღიარა, დაგროვილი დავალიანება დაფარა, და 140 მლნ. დოლარის ჯარიმაც გადაიხადა. მან ასევე ჩვენებები თავისი კოლეგების წინაამღდეგ მისცა - მათ შორის საინვესტიციო ბანკ Goldman Sachs-ის ტოპ-მენეჯერები და ფონდ Vista Equity მფლობელი, მილიარდერის რობერტ ბროკმანი იყვნენ. უკანასკნელს 2 მლრდ. დოლარის გადასახადების დამალვა ბრალდება.
Luckin Coffee -ს გაყალბებული მონაცემები
ყავახანების ჩინურმა ქსელმა Luckin Coffee ჩინეთში Starbucks-ის გასწრება სხვადასხვა ფასდაკლებებით და ასევე Nasdaq-ზე აქციების განთავსებით დააპირა .
კომპანიის ინვესტორები შემოსავლების ზრდით კმაყოფილები იყვნენ, თუმცა, ზღაპარი საინვესტიციო კომპანიის Muddy Waters Research-ს განცხადების შემდეგ დასრულდა, რომელმაც ყავახანების ქსელი თაღლითობაში დაადანაშაულა.
2020 წლის აპრილში Luckin Coffee-მ აღიარა, რომ შიდა გამოძიება კომპანიის დირექტორის მიერ ფინანსური მონაცემების უხეში გაყალბება გამოავლინა. თვის ბოლოსთვის კომპანიის სამეურვეო საბჭოს თავჯდომარემ ჩარლს ჩჟენიაომ 1 მლრდ.დოლარი დაკარგა - Luckin Coffee-ს აქციების ფასების ვარდნამ მისი ქონება 800 მლნ. დოლარამდე შეამცირა.
კომპანიამ ასევე აშშ-ს ფასიანი ქაღალდების კომისიის მოთხოვნა დააკმაყოფილა და 180 მლნ. დოლარის ჯარიმა გადაიხადა.
ლეონ ბლეკის კავშირები ჯეფრი ეფშტეინთან
ნოემბერში The New York Times-ში სტატია გამოაქვეყნა, რომელშიც ნათქვამი იყო, რომ საინვესტიციო ფონდის Apollo Management -ის მფლობელმა, მილიარდერმა ლეონ ბლეკმა 50 მლნ. დოლარი კონსულტაციებთვის ჯეფრი ეფშტეინს გადაუხადა.
ეფშტეინი 2019 წელს არასრულწლოვნებზე სექსუალური ძალადობის ბრალდებით დააპატიმრებს, რის შემდეგაც, უკვე ციხეში, მან თავი მოიკლა. აღმოჩნდა, რომ ლეონ ბლეკს მასთან საქმიანი კონტაქტები 2012-2017 წლებში ჰქონდა, როდესაც მოძალადე-მეწარმე დანაშაულში უკვე მხილებული იყო. თუმცა, მან დაზარალებულებთან შეთანხმებას მიაღწია და შტატ ფლორიდას ციხეში მხოლოდ რამდენიმე კვირა იჯდა.
ლეონ ბლეკმა გამოქვეყნებული ფაქტი აღიარა, და მის გამო ბოდიშიც მოიხადა - მისი თქმით, იმ დროს მან არ იცოდა, რომ ეფშტეინს სექსუალური ძალადობა ბრალდებოდა.
ჩინეთის მთავრობა ჯეკ მას წინაამღდეგ
2020 წლის ნოემბერში ჩინეთის ფინანსურმა რეგულატორმა ჰონკონგის და შანხაის ბირჟებზე კომპანია Ant Group-ის რეგისტრაცია გააუქმა - ეს მაშინ, როდესაც სულ რამდენიმე დღეში კომპანია 35 მლრდ. დოლარის აქციების გაყიდვას გეგმავდა.
Ant Group — ჩინური Alibaba-ს შვილობილი კომპანიაა, რომელიც ფულადი გზავნილების ბაზარზე მუშაობს. მისმა მფლობელმა, ჩინეთის უმდიდრესმა ადამიანმა ჯეიკ მამ რამდენიმე დღით ადრე ჩინეთის მთავრობა ინოვაციების ჩახშობაში დაადანაშაულა. კრიტიკაზე საპასუხოდ Ant Group-ის ბირჟებიდან მოხსნის გადაწყვეტილება პირადად ჩინეთის ხელმძღვანელმა ლი ცზიანპინმა მიიღო.
ჯეიკ მას უკმაყოფილების მიზეზი ჩინეთის ანტიმონოპოლური სამსახურის მიერ მისი კომპანიების წინაამღდეგ გამოძიების დაწყებამ გამოიწვია.
Wirecard და დაკარგული 2 მლრდ. დოლარი
გერმანული საგადამხდელო სისტემის Wirecard-ის გენერალურ დირექტორს მარკუს ბრაუნს მილიარდერთა სიაში მოხვედრის შანის ჰქონდა, თუმცა, ამას ხელი შეუშალა კომპანიის ბალანსზე მყოფი 2 მლრდ. დოლარის უეცარმა დაკარგვამ.
სკანდალმა კომპანიის აქციების ფასი ჩამოშალა, თავად ბრაუნმა კი თავი ციხეში ამოყო. მას არა 2 მლრდ. დოლარის მოპარვა, არამედ ინვესტორთა მოზიდვის მიზნით ფინანსური მაჩვენებლების ხელოვნური გაზრდა ბრალდება. ამჟამად ის მიუნჰენის ციხეში განაჩენს ელოდება.
გამოძიებამ კი დაადასტურა ფაქტი, რომ ხსენებული 2 მლრდ. დოლარი კი არ გაქრა, არამედ ბუნებაში არ არსებობდა.
Forbes.ru
მოამზადა თენგიზ აბლოთიამ