Forbes: 10-მა მილიარდერმა კორონავირუსის გამო 83,4 მლრდ. დოლარი დაკარგა

Forbes: 10-მა მილიარდერმა კორონავირუსის გამო 83,4 მლრდ. დოლარი დაკარგა

access_time2020-03-02 20:00:02

Forbes-მა იმ მილიარდერთა სია შეადგინა, რომლებიც გასულ კვირას კორონავირუსისგან ყველაზე მეტად დაზარალდნენ. რეიტინგში ვერ მოხვდა ვერც ერთი ჩინელი მეწარმე, იმის მიუხედავად, რომ სწორედ ჩინეთია ვირუსის სამშობლო. სავარაუდოდ, ამის მიზეზია ის, რომ ჩინელმა მილიარდერებმა ეპიდემიის შედეგები საკუთარ თავზე ბევრად უფრო ადრე იგრძნეს.


მსოფლიოს ყველაზე მდიდარი ადამიანები დაზარალდნენ პანიკის შედეგად, რომელიც ბაზრებზე კორონავირუსის სწრაფი გავრცელების შედეგად ატყდა. თებერვლის ბოლო კვირა იყო ყველა მძიმე ფინანსური ბაზრებისთვის 2008-2009 წლის კრიზისის შემდეგ.


ათმა უმსხვილესმა მილიარდერმა გასულ კვირას ჯამურად ჯამურად 83,4 მლრდ, დოლარი დაკარგა. რეიტინგის მეორე ათეულის დანაკარგებმა ასობით მილიონი დოლარი შეადგინა.ბოლო მონაცემებით, მსოფლიოში კორონავირუსით დაავადების 87 000 შემთხვევა დაფიქსირდა, დაღუპულთა რაოდენობა 3000-ს უახლოვდება.


ჩინეთის ფარგლებს გარეთ ვირუსის სწრაფმა გავრცელებამ გამოიწვია ეკონომიკაზე ნეგატიური გავლენაც, რაც გასულ კვირას მთელს მსოფლიოში აქციების სწრაფი გაყიდვის მიზეზი გახდა.ინდექსები Shanghai Composite და Euro Stoxx 50 დაეცა 5,2%-ით და 12,4%-ით, ხოლო აშშ-ს მთავარმა საბირჟო ინდექსმა Dow Jones-მა გასული პარასკევიდან დაკარგა 3500 პუნქტი და 12,4% - ეს არის ყველაზე ძლიერი ვარდნა 2008 წლის გლობალური კრიზისის შემდეგ.


ხუთშაბათს Dow Jones 1200 პუნქტით შემცირდ, რაც ნიუ-იორკის ბირჟის არსებობის ისტორიაში ყველაზე ძლიერი ერთჯერადი ვარდნა აღმოჩნდა.


მსოფლიოს უმდიდრესმა ადამიანმა - ჯეფ ბეზოსმა - გასულ კვირას 14,1 მლრდ. დოლარი დაკარგა. პარასკევს საღამოს ბეზოსის კაპიტალმა 113,6 მლრდ. დოლარი შეადგინა. ჩინეთში ქარხნების დახურვის გამო, Amazon-ს შესაძლოა საქონელი ყოველწლიური აქციისთვის (ივლისში)- ე.წ. Prime Day-სთვის დააკლდეს.უორენ ბაფეტის ქონება შემცირდა 9,8 მლრდ.-მდე და დღეისთვის 80,3 მლრდ. დოლარს შეადგენს. ფინანსისტმა ტელეარხ CNBC-ს განუცხადა , რომ კორონავირუსით გამოწვეული პანიკის გამო, ის სტრატეგიის შეცვლას არ აპირებს.



„ჩვენ ვყიდულობთ ბიზნესს 20-30 წლით და კორონავირუსი ვერ შეცვლის ჩვენს სტრატეგიას 20-30-წლიან პერსპექტივაში“ - განაცხადა ბაფეტმა.


ბოლო ნახევარი წლის მანძილზე აქციების სწრაფი ზრდის წყალობით Tesla-მ კაპიტალიზაციით Volkswagen-ს გაუსწრო, თუმცა, გასულ კვირას ელექტოკარების მწარმოებლის აქციები სწრაფად გაიაფდა - ილონ მასკის ქონება შემცირდა 8,9 მლრდ. დოლარით, 34,7 მლრდ.-მდე.


სავარაუდოდ, კორონავირუსი ჩაშლის კომპანიის სწრაფ განვითარების სტრატეგიას - კერძოდ, ეპიდემიის გამო 2 კვირით დაიხურა Tesla-ს ქარხანა შანხაიში. სწორედ ის საწარმო, რომელიც იანვრის დასაწყისში ცეკვა-ცეკვით თავად მასკმა გახსნა.


Microsoft-ის აქციების ღირებულება, რომელიც ბოლო თვეების მანძილზე დამაჯერებლად იზრდებოდა, გასულ კვირას სწრაფად შემცირდა. იმის შემდეგ, რაც კომპანიამ გააფრთხილა ინვესტორები, რომ ჩინეთში შექმნილი სიტუაციის გამო ვერ მოახერხებს  კვარტალური გაყიდვების გეგმის შესრულებას, ტექნოლოგიური გიგანტის ღირებულება 53 მლრდ.-ით, ხოლო თავად ბილ გეითსის ქონება - 6,6 მლრდ.-ით შემცირდა.


თუმცა, ამის მიუხედავად, ის მილიარდერთა რეიტინგში მე-2 ადგილს ინარჩუნებს.


ევროპაში მილიარდები დაკარგეს მოდის ინდუსტრიის მაგნატებმა ამანსიო ორტეგამ და ბერნარ არნომ. ტანსაცმლის და ტექსტილის 33% დღეს ჩინეთში იწარმოება. ეპიდემიამ ჩინეთში დაარღვია მიწოდების ჯაჭვი როგორც ლუქს-კლასის, ასევე მასობრივი ტანსაცმლის ბრენდების წარმოებაში.


ბერნარ არნომ დაკარგა 7,4 მლრდ. მისი კომპანიის LVMH-ს აქციების ფასების ვარდნის შედეგად ამჟამად მისი ქონება შეადგენს 97,8 მლრდ. დოლარს.ესპანელმა მილიარდერმა, ბრენდ Zara-ს მფლობელმა ამანსიო ორტეგამ დაკარგა 6,1 მლრდ. დოლარი, ამჟამად მისი ქონება 70,9 მლრდ. დოლარს შეადგენს.


რეიტინგში ვერ მოხვდნენ ჩინელი მილიარდერები, რადგანაც მათმა კაპიტალმა შემცირება ბევრად უფრო ადრე -ჯერ კიდევ იანვარში, კორონავირუსის გაჩენის პირველ კვირებში დაიწყო.


წყარო:forbes.ru

თენგიზ აბლოთია





Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...

დღის top 10 საინტერესო ამბავი

დღის top 10 საინტერესო ამბავი
access_time2021-04-22 21:00:01
15 -ამდე ბიზნესასოციაციის მიმართვა ირაკლი ღარიბაშვილს - კერძო სექტორი პრემიერთან შეხვედრას ითხოვს   დარგთაშორისი საინიციატივო ჯგუფის წარმომადგენელმა შოთა ბურჯანაძემ განაცხადა, რომ კერძო სექტორთან კომუნიკაციის სურვილი პრემიერმა მსხვილი ბიზნესის წარმომამდგენლებთან...

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს
access_time2021-04-22 17:15:51
„დავა არ დასრულებულა, ის მიმართავს კანონით მისთვის მინიჭებულ ყველა საშუალებას რათა გააგრძელოს თავისი უფლებების დაცვა.“, - ამის შესახებ ინფორმაცია „კომერსანტს“  რომან ფიფიას წარმომადგენელმა მიაწოდა. საქმე ეხება  ინგლისის სასამართლოში BGEO PLC ჯგუფის წინააღმდეგ დაწყებულ სასამართლო პროცესს, რომელიც დღეს საქართველოს ბანკის ჯგუფის განცხადებით BGEO GROUP სასრაგებლოდ დასრულდა. ფიფიას წარმომადგენლის ინფორმაციით, „BGEO Group Limited“ გამოიყენა ფინანსური ზეწოლა, რომელიც მოსარჩელისგან...


მსგავსი სიახლეები

up