ზემო ფონიჭალაში, სარაგბო კომპლექსი აშენდება და რეკრეაციული სივრცე მოეწყობა. კრწანისის რაიონის გამგეობამ სამუშაოების შესრულებაზე ტენდერი გამოაცხადა.პროექტის თანახმად, სპორტული კომპლექსი 13 000 მ²-ზე განთავსდება. სამუშაოების ღირებულება 3 086 626 ლარია.
ზემო ფონიჭალაში, N7, N5 და N11 კორპუსების მიმდებარედ, 12 000-მ² -ზე მრავალფუნქციური, თანამედროვე სტანდარტების შესაბამისი სივრცეც მოეწყობა, სადაც საკონცერტო კუთხე, ამფითეატრი, საბავშვო და დასასვენებელი ზონები განთავსდება. ასევე, მოეწყობა სკეიტ პარკი, შინაური ცხოველების გასასეირნებელი ზონები, მწვანე ხეივნები და ველობილიკი.
კრწანისის რაიონის გამგებლის ლევან ჯაფარიძის თქმით, 2 წელში ზემო ფონიჭალაში დაახლოებით, 3 ჰა რეკრეაციული სივრცეა შექმნილი.