საძინებლები ცალკე ოთახებში და განცალკევებული ცხოვრება, მელანია და დონალდ ტრამპების ოჯახში სიყვარულზე უკვე დიდი ხანია არ საუბრობენ.

ინსაიდერები პალმ-ბიჩიდან, სადაც ექს-პრეზიდენტის ოჯახი ცხოვრობს, მათი ცხოვრების დეტალებზე საუბრობენ. მათი თქმით წყვილის ცხოვრებაში არც ისე ბევრი ემოციაა დარჩენილი. დონალდ და მელანია ტრამპი მდიდრული რეზიდენციის სხვადასხვა ნაწილებში ცხოვრობენ და დროს ერთად თითქმის არ ატარებენ. თუმცა, განქორწინებაზე საუბარი არ არის და ამის სერიოზული მიზეზები არსებობს.

„მათ ორივეს საკუთარი ცხოვრება აქვთ, დღესასწაულებს და დაბადების დღეებსაც კი ცალ-ცალკე აღნიშნავენ. ძალიან იშვიათად ისინი ერთად ვახშმობენ, თუმცა, მცირე ხნით. დონალდი ძირითადად საქმიან პარტნიორებს და პოლიტიკოსებს გოლფის მოედანზე ან რესტორანში ხვდება, მელანია კი მთელ დროს 15 წლის შვილს ბერონს უთმობს და მარ-ა-ლარგოში სპა-ცენტრში დროს სასიამოვნოდ ატარებს“ - ამბობს ინსაიდერი.

ტრამპის გოლფ -კლუბის ყოფილი თანამშრომელიც მსგავს სურათს აღწერენ.

„არასდროს მინახავს, რომ დონალდი, მელანია, და ბერონი ერთად სადილობდნენ, ან ერთმანეთთან საუბრობდნენ. ეს სამეული ჩვეულებრივი ოჯახი არ არის. მაშინაც კი, როდესაც ისინი ერთ ოთახში არიან, ერთმანეთს თითქმის არ ესაუბრებიან“ - იხსენებს ის.

ყველა, ვინც ყოფილ პირველ ლედის იცნობს ამბობს იმას, რომ მელანიამ ძალიან კარგად იცის თუ რა სურს ცხოვრებისგან და თავისი ქორწინების უპირატესობებს ძალიან აფასებს.

„მას აქვს ერთი სუპერ-უნარი,  მას შეუძლია დონალდს თავი ძლიერ მამაკაცად აგრძნობინოს, და ეს მელანიას წინამორბედებზე ბევრად უკეთესად გამოსდის. ამის სანაცვლოდ, დონალდი მას ბევრ თავისუფლებას აძლევს და მელანიას ოჯახსაც გულუხვად უზრუნველყოფს“ - ამბობს წიგნის „ტრამპის ქალები“-ს ავტორი ნინა ბერლი.

ექს-პირველი ლედის მშობლები და მისი და ინესი მრავალი წელია მასთან ცხოვრობენ და მელანია თავისი დროის ძირითად ნაწილს სწორედ მათთან ატარებს. ამბობენ, რომ 51 წლის მელანიას თითქმის არ ჰყავს მეგობრები დათავისი ოჯახის და დიდი ხნის სტილისტის პიერ ერვეს გარდა ის თითქმის არავის ენდობა.

მისი ყოფილი მეგობარი სტეფანი უოლკოფი ქორწინებას დონალდ ტრამპთან „თითქმის იდეალურ გარიგებად“ აფასებს. მისი აზრით ეს რეალობა წლების მანძილზე არსებობს და სავარაუდოდ, არც საპრეზიდენტო უფლებამოსილების დასრულების შემდეგ შეიცვლებოდა რამე.

ინსაიდერების ინფორმაციით დონალდის იმიჯის ხათრით, მელანია ზოგჯერ ჩნდება საჯარო სივრცეში მეუღლესთან ერთად და ამის სანაცვლოდ ის დონალდის ძლევამოსილებას და სიმდიდრეს იყენებს.

არის ინფორმაცია, რომ გაყრის შემთხვევაში მელანიას 50 მლნ. დოლარის მიღება შეუძლია, თუმცა, ეს მხოლოდ ჭორია, რადგანაც მათ საქორწინო კონტრაქტის პირობები გასაიდუმლოებულია. ამბობენ, რომ მელანიამ მისი მეუღლის პრეზიდენტობა კარგად გამოიყენა და კონტრაქტის პირობები შვილის, ბერონის სასარგებლოდ შეცვლა მოახერხა.

აღსანიშნავია, რომ მას შემდეგ, რაც ტრამპი თეთრ სახლში გადაბარგდა, მელანი მას მხოლოდ რამდენიმე თვის შემდეგ შემოუერთდა - დაყოვნების მიზეზი ოფიციალურად გახდა ის, რომ ბერონს ნიუ-იორკში სასწავლო წელი უნდა დაესრულებინა.

ის თეთრ სახლში რამდენიმე თვის შემდეგ უკვე ახალი საქორწინო კონტრაქტით გამოჩნდა.

„მელანიასთვის მთავარია ფინანსური სტაბილურობა. ამიტომაც 99%-იანი ალბათობით ისინი არ გაშორდებიან. შოკირებული ვიქნები თუ ის ოფიციალურ გაყრას მოითხოვს“ - ამბობს ტრამპების ოჯახის დიდი ხნის ნაცნობიო როი კური.

თუმცა, სხვები აღნიშნავენ, რომ მელანიას არასათანადოდ შეფასება არ შეიძლება - ის მოჭადრაკესავით იქცევა, და დიდხანს ჩუმადაა, სანამ მორიგ ნაბიჯს გადადგამს.

მოამზადა თენგიზ აბლოთიამ 

წყარო: Focus.de