უკრაინის საერთაშორისო ავიახაზები – FlyUIA ივლისი-აგვისტოს ფრენების განრიგს აქვეყნებს, საიდანაც ირკვევა, რომ ავიაკომპანია აგვისტოში კიევიდან (ბორისპოლის საერთაშორისო აეროპორტიდან) ფრენებს შეასრულებს როგორც თბილისის, ასევე ბათუმის მიმართულებით.
ავიაკომპანია საქართველოს ავაბაზარზე ოპერირებას 1-ელი ივლისიდანაც გეგმავდა, თუმცა საქართველოს მთავრობამ საერთაშორისო რეგულარული ფრენებზე შეზღუდვა 1-ელი აგვისტომდე გაახანგრძლივა.
თავად უკრაინა კი საერთაშორისო რეგულარული ფრენებისთვის ღიაა და ქვეყანა რეგულარული ფრენების აღდგენას ეტაპობრივად ცდილობს.
აღსანიშნავია, რომ ქვეყანაში მოქმედი რეგულაციების მიხედვით, უკრაინაში “მწვანე ზონის” ქვეყნებიდან ჩასული მგზავრი სავალდებულო კარანტინისგან ან თვითიზოლაციისგან თავისუფალია და ის ქვეყანაში გადაადგილებას სასაზღვრო გამშვები პუნქტების გავლის შემდეგ თავისუფლად შეძლებს. ხოლო “წითელი ზონის” ქვეყნებიდან ჩასული მგზავრი კი უკრაინაში სავალდებულო 14 დღიან კარანტინს დაექვემდებარება.
აღსანიშნავია, რომ საქართველო “მწვანე ზონაში” მყოფი ქვეყანაა და შესაბამისად საქართველოდან უკრაინაში ჩასული მგზავრი, თერმოსქრინინგის შემდეგ, სურვილისამებრ შეძლებს გადაადგილებას.
შეგახსენებთ, რომ FlyUIA საქართველო-უკრაინას შორის წლებია ოპერირებს. საყოველთაო კარანტინის პერიოდში ავიაკომპანია კიევი-თბილისი-კიევის მიმართულებაზე სპეცრეისიც განახორციელა და საქართველოსა და უკრაინის მოქალაქეები სამშობლოში დააბრუნა.
avianews.ge