2022 წლის 15 ნოემბერი ფიზიკურ პირთა ქონებაზე/მიწაზე და საწარმოს/ორგანიზაციის მიწაზე ქონების გადასახადის გადახდის სავადო თარიღია, — ამის შესახებ ინფორმაციას საქართველოს შემოსავლების სამსახური ავრცელებს.
ქონების (მათ შორის მიწის) გადასახადის გადამხდელი ფიზიკური პირები ვალდებული არიან, ქონების გადასახადი გადაიხადონ არა უგვიანეს 15 ნოემბრისა. შემოსავლების სამსახურის ინფორმაციით, 2017-2020 წლების სტატისტიკით გადასახადის გადამხდელთა რაოდენობის ყოველწლიურად იზრდება.
ქონების გადასახადის გადამხდელი ფიზიკური პირების რაოდენობა და გადახდილი გადასახადების მოცულობა წლების განმავლობაში ასეთი იყო:
2017 წელი - 108 677 — 46 078 395.9 ლარი
2018 წელი - 117 610 — 48 783 020.3 ლარი
2019 წელი - 130 661 — 56 201 861.6 ლარი
2020 წელი - 140 855 — 56 125 218.7 ლარი
რაც შეეხება იურიდიულ პირებს, მათი რაოდენობა და გადახდილი გადასახადების მოცულობა წლების განმავლობაში ასეთი იყო:
2017 წელი - 42 072 — 348 676 162.2 ლარი
2018 წელი - 41 542 — 392 393 524.8 ლარი
2019 წელი - 43 042 — 418 123 026.3 ლარი
2020 წელი - 42 516 — 377 540 709.9 ლარი
შეგახსენებთ, რომ თუ თქვენი და თქვენი ოჯახის წევრების შემოსავალი გასული 2021 წლის მიხედვით აღემატებოდა 40 000 ლარს და თქვენ ან თქვენი ოჯახის წევრები საქართველოს ტერიტორიაზე ფლობთ დასაბეგრ ქონებას, ან შემოსავლის ოდენობის მიუხედავად თქვენ ან თქვენს ოჯახის წევრ(ებ)ს გაქვთ დასაბეგრი მიწა, წარმოგეშვებათ ფიზიკური პირის ქონების გადასახადის წლიური დეკლარაციის წარდგენის ვალდებულება. საქართველოს საგადასახადო კოდექსით დადგენილი გადასახადების გადახდისას, მიუხედავად ტერიტორიული ერთეულისა და გადასახადების ქვესახეობისა, მათ შორის ფიზიკური პირის ქონებაზე წლიური გადასახადის გადახდისას, საკმარისია მხოლოდ ერთიანი სახაზინო კიდის -10 100 1000 მითითება.