საერთაშორისო სარეიტინგო სააგენტომ Fitch Ratings-მა 2023 წლისთვის გლობალური მშპ-ს ზრდის პროგნოზი 1,4 პროცენტამდე შეამცირა.
„გლობალური მთლიანი შიდა პროდუქტის ზრდის პროგნოზები 2023 წლისთვის კვლავ შემცირდა, რადგან ცენტრალური ბანკები აძლიერებენ ბრძოლას ინფლაციის წინააღმდეგ და ჩინეთის უძრავი ქონების ბაზრის პერსპექტივა უარესდება.
მომავალ წელს აშშ-ის მშპ-ს ზრდა 0,5 პროცენტიდან 0,2 პროცენტამდე შემცირდა“, - ნათქვამია სარეიტინგო კომპანიის პრესრელიზში.
Fitch პროგნოზით ევროზონის მშპ 0,2 პროცენტით გაიზრდება, ნაცვლად 0,1 %-ისა. ორგანიზაციის ინფორმაციით, ეროვნული რეგულატორების მიერ ძირითადი განაკვეთების ზრდა არის გადამწყვეტი ფაქტორი, რომელიც აფერხებს აშშ-სა და ევროზონის ეკონომიკის ზრდას.
Fitch-ში ასევე ვარაუდობენ, რომ ჩინეთის ეკონომიკური აღდგენა შეზღუდულია კორონავირუსის შედეგად შემოღებული შეზღუდვებითა და უძრავ ქონებაზე ფასების გაჭიანურებული ვარდნით. შესაბამისად მოსალოდნელია, რომ ზრდა ამ წელს 2,8 პროცენტამდე შენელდება. მაგრამ აღდგება მხოლოდ 4,1 პროცენტამდე 2023 წელს და არა 4,5 პროცენტამდე, როგორც მანამდე ფიქსირდებოდა.