ფიქტიური სამუშაო ადგილები და დამალული ხარჯები - აიპ-ებში ნათესავებს თანამდებობებზე აფორმებენ

ფიქტიური სამუშაო ადგილები და დამალული ხარჯები - აიპ-ებში ნათესავებს თანამდებობებზე აფორმებენ

access_time2019-05-12 10:05:40

ფიქტიური სამუშაო ადგილები - ა(ა)იპ-ებში ნათესავებს თანამდებობებზე აფორმებენ, რაშიც დიდი ფული იხარჯება. თუმცა ხელისუფლება ამ ამბავს მალავს. „კურიერი“ რამდენიმე არაკომერციული იურიდიული პირის ოფისში იმყოფებოდა.

გურჯაანის კულტურის ცენტრში მისულ გადამღებ ჯგუფს ოთახების დიდი ნაწილი დაკეტილი დახვდა. კაბინეტებს ბოქლომები ადევს. „რუსთავი 2-ს“ განუცხადეს, რომ ოფიციალურად გაფორმებული 80 ადამიანიდან უმეტესობა სამსახურში მხოლოდ იმის გამო არ არის, რომ კულტურულ საქმიანობას სოფლებში ეწევა.

გურჯაანის კულტურის ცენტრს, სადაც, ოპოზიციის მტკიცებით, ადამიანები ხელისუფლებას ფიქტიურად ჰყავს დასაქმებული და ხელფასს არაფრის კეთებაში უხდის, ახალი უფროსი ჰყავს. ვალერი შოშიაშვილმა არ იცის, რა თანხა იხარჯება ხელფასებზე.

ვალერი შოშიაშვილი 2018 წელს „ქართული ოცნების“ მიერ მხარდაჭერილი საპრეზიდენტო კანდიდატის, სალომე ზურაბიშვილის აქტიური მხარდამჭერი და არაერთი ხმაურიანი ინციდენტის მონაწილე იყო. ის დაუპირისპირდა ოპოზიციის მსვლელობას ველისციხეში. „ოცნების“ ხელისუფლებაში პოსტის დაკავებამდე შოშიაშვილი ჯერ თოფაძე მრეწველების სიით ცდილობდა პარლამენტში მოხვედრას, მანამდე კი ნინო ბურჯანაძის პარტიაში ირიცხებოდა.

ა(ა)იპ-ი ბიუჯეტიდან დაფინანსებული არაკომერციული იურიდიული პირია. 2011-დან 2015 წლებში ა(ა)იპ-ების რიცხვი ქვეყანაში იზრდება. ოპოზიციის თქმით, ხალხის ხარჯზე ახალი შავი ხვრელები იქმნება, სადაც მმართველი პარტია მის მიმართ კეთილგანწყობილ ადამიანებს ასაქმებს, სანაცვლოდ კი ისინი არჩევნებზე ხმებს „ქართული ოცნებისთვის“ კარდაკარ აგროვებენ.

2011 წლისთვის საქართველოში სულ 665 ა(ა)იპ-ი იყო, სადაც 32 ათასი ადამიანი მუშაობდა, 2015 წელს კი ეს რიცხვი გაიზარდა და დასაქმებულთა რიცხვმა 52 ათასს მიაღწია. მათი ხელფასი ხალხს 180 მილიონი ლარი დაუჯდა. ამ დროისთვის არსებულ მონაცემებს ხელისუფლება ოპოზიციას უმალავს.


საბიუჯეტო ორგანიზაციებში დასაქმებული შტატიანი თანამშრომლების შრომის ანაზღაურებაზე 2017 წელს 2 მილიარდ 23 მილიონ 300 ათასი ლარი დაიხარჯა. ხელისუფლებამ თვითმართველობების ა(ა)იპების დაფინანსებაზე 17 მილიონ 470 ათასი დახარჯა. ეს ციფრი არარეალურია, რადგან ამ წელს ა(ა)იპებში მხოლოდ სუბსიდიის სახით 300 მილიონი გადაირიცხა, საიდანაც ნახევარზე მეტი ხელფასი იყო.

ოპოზიცია ამტკიცებს, რომ ხელისუფლება მონაცემებს აყალბებს იმისთვის, რომ დაფაროს მისივე დანაშაული და საზოგადოებას დაუმალოს, როგორ ჩუქნის ხალხის ფულს მადლობის ნიშნად მმართველი პარტიის ერთგულ ადამიანებს.

დოკუმენტების დამუშავებით ოპოზიციამ დაადგინა, რომ საბუთების გაყალბების რეკორდი ხელისუფლებამ 2015 წელს მოხსნა, როდესაც ციფრები ისე შეცვალა, რომ შრომის ანაზღაურებაში 32 მილიონიანი დანაკლისი რჩება.

ხალხის ფულის პარტიულ აქტივისტებზე ხარჯვის გამო ოპოზიციამ პარლამენტში ფინანსთა მინისტრი დაიბარა. ირაკლი აბესაძე ამტკიცებს, რომ ვანო მაჭავარიანმა დეპუტატების მოტყუება სცადა, რადგან წარმოდგენილ ციფრებში თვითმმართველობის ა(ა)იპ-ებში დასაქმებულების ხელფასები გათვალისწინებული არ ყოფილა.

ხელისუფლების ოპონენტების თქმით, ა(ა)იპ-ები ნაცნობების, მეგობრების, ოჯახის წევრების და პარტიის აქტივისტების დასასაქმებლად ხელისუფლებისთვის ყველაზე საიმედო ადგილია, რადგან არც კონკურსის გამოცხადებაა საჭირო და არც გამოცდების ჩაბარება.


rustavi 2




„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up