ფინანსთა სამინისტროს შემოსავლების სამსახურში მიმდინარე რეფორმების შესახებ ბიზნეს ასოციაციის წარმომადგენლებთან ონლაინ შეხვედრა გაიმართა

ფინანსთა სამინისტროს შემოსავლების სამსახურში მიმდინარე რეფორმების შესახებ ბიზნეს ასოციაციის წარმომადგენლებთან ონლაინ შეხვედრა გაიმართა

access_time2021-01-15 15:10:00

საქართველოს ფინანსთა სამინისტროს შემოსავლების სამსახური 2021 წელს საგადასახადო კანონმდებლობით გათვალისწინებული სიახლეებისა და დაგეგმილი რეფორმების გაცნობის მიზნით, ონლაინ ფორმატში შეხვედრებს იწყებს ბიზნესსექტორის წარმომადგენლებთან. ინფორმაციას შემოსავლების სამსახური ავრცელებს.



დღეს, პირველი ონლაინ სამუშაო შეხვედრა გაიმართა საქართველოს ბიზნეს ასოციაციის (BAG) წევრი კომპანიების წარმომადგენლებთან, სადაც ფინანსთა სამინისტროს შემოსავლების სამსახურის უფროსის მოადგილემ, მამუკა ბარათაშვილმა BAG-ის წევრებს გააცნო საგადასახადო კოდექსში განხორციელებული ცვლილებები, მათ შორის, ისეთი საკითხები, როგორიცაა: დაქირავებულ პირთა შესახებ ახალი ელექტრონული რეესტრი, დღგ-ის კვალიფიციური გადამხდელის პროგრამა, აგრეთვე, ზოგადად დღგ-ის რეფორმა და მის ფარგლებში პირველი იანვრიდან შესული სიახლეები.



როგორც შეხვედრაზე აღინიშნა, გლობალური პანდემიის შედეგად ეკონომიკაში შექმნილმა ვითარებამ, კიდევ უფრო მწვავედ გამოაჩინა პრობლემა, რომელიც უკავშირდება საგადასახადო რეგისტრაციის გარეშე საქმიანობასა და ეკონომიკური სუბიექტების მიერ დაქირავებულთა არასრულყოფილად აღრიცხვას და რომელმაც რიგ შემთხვევებში, გაართულა პანდემიის შედეგად მიზნობრივი სოციალური კომპენსაციის პაკეტების მიღება დაქირავებულთათვის.



სწორედ ამ პრობლემის მოგვარების მიზნით, საგადასახადო კანონმდებლობაში შევიდა ცვლილება, რომლის მიხედვითაც კომპანიების მხრიდან 2021 წლის პირველი თებერვლიდან სავალდებულო იქნება დაქირავებულ პირთა ახალი ელექტრონული რეესტრის შევსება.



მონაცემთა ახალი ბაზის ფორმირება ითვალისწინებს დაქირავებულ პირთა შესახებ სრულყოფილი ინფორმაციის თავმოყრას და შექმნილია სხვადასხვა ევროპული ქვეყნის პრაქტიკის შესაბამისად.



ცვლილების თანახმად, დამქირავებელი ვალდებულია დაქირავებული პირი, შრომითი ურთიერთობების დაწყებამდე დაარეგისტრიროს დაქირავებულ პირთა რეესტრში, რომელსაც აწარმოებს ფინანსთა სამინისტროს შემოსავლების სამსახური.




დაქირავებულ პირთა შესახებ ინფორმაცია ივსება დამქირავებლის მიერ ფინანსთა სამინისტროს შემოსავლების სამსახურის ვებგვერდზე (eservices.rs.ge), პირად ავტორიზებულ პორტალზე არსებულ სპეციალურ ჩანართში, სადაც მიეთითება დაქირავებულ ფიზიკური პირთა შესახებ ინფორმაცია (პირადი ნომერი, სახელი და გვარი, სქესი, მოქალაქეობა, დაბადების თარიღი, ტელეფონის ნომერი, სამუშაო განაკვეთი და სტატუსი). აქვე, აღვნიშნავთ, რომ დასაქმებულს საკუთარი ავტორიზებული გვერდიდან, ექნება შესაძლებლობა გადაამოწმოს დასაქმებულ პირთა რეესტრში მის შესახებ არსებული ინფორმაცია.



დამქირავებლის მიერ შესაბამისი რეესტრის შევსების წესის შესახებ, მომზადებულია დეტალური ვიდეო ინსტრუქცია, რომელიც განთავსებულია უწყების ვებგვერდზე:



https://www.rs.ge/LawNewsArchive?newsId=167



ფინანსთა სამინისტროს შემოსავლების სამსახურის უფროსის მოადგილემ, ასევე, დეტალურად განმარტა დღგ-ის გადამხდელად რეგისტრაციასთან დაკავშირებული ახალი მექანიზმი - „დღგ-ის კვალიფიციური გადამხდელის სტატუსი“, რომელიც საგადასახადო ადმინისტრირების პროცესის დახვეწას, თაღლითური სქემების რისკების მართვას, ასევე, არამიზნობრივად დღგ-ის რეგისტრაციისა და შესაბამისი დოკუმენტების არამართლზომიერად გამოწერის შემცირებას ისახავს მიზნად.
გარდა ამისა, ონლაინ შეხვედრაზე საუბარი შეეხო იმ სხვადასხვა სახის საგადასახადო შეღავათს, რომელიც ქვეყნის ეკონომიკაზე პანდემიის გავლენის შემცირებისა და მისი სტიმულირების მიზნით, ასევე, ბიზნესის ხელშეწყობისათვის, მთავრობის ანტიკრიზისული გეგმის ფარგლებში შევიდა საგადასახადო კოდექსში და ამოქმედდა მიმდინარე წლიდან.



როგორც ცნობილია, დღგ-ის კარში განხორციელებული მთელი რიგი ცვლილებების საფუძველზე:



• განისაზღვრა დღგ-ის გადამხდელად რეგისტრაციისა და რეგისტრაციის გაუქმების წესები;
• გაიწერა დღგ-ის ჩათვლის პირობები;
• დეტალურად განიმარტა ძირითად საშუალებებზე ჩათვლის მიღების წესი და დღგ-ის თანხის კორექტირების გარემოებები დღგ-ის გადამხდელად რეგისტრაციის/რეგისტრაციის გაუქმების ან ამ ძირითადი საშუალების მიწოდების შემთხვევაში.



დამატებული ღირებულების გადასახადით დაბეგვრასთან დაკავშირებული საკითხების შესახებ, დეტალური ინფორმაცია შეგიძლით იხილოთ ბმულზე:



https://matsne.gov.ge/ka/document/view/5070473?publication=0



როგორც აღინიშნა, დღგ-ის რეფორმა გააუმჯობესებს ქვეყნის საინვესტიციო გარემოს, არსებული კრიზისის ფონზე, ხელს შეუწყობს თანამშრომლობას საქართველოსა და ევროკავშირში მოღვაწე მეწარმეებს შორის, გაამარტივებს საგადასახადო ვალდებულებების შესრულებას, ასევე, შეამცირებს სადავო შემთხვევებს.



ონლაინ შეხვედრას, ასევე, დაესწრნენ ანალიტიკური დეპარტამენტის ხელმძღვანელი ზაალ ტყეშელაშვილი და ამავე დეპარტამენტის საგადასახადო რისკების მართვის სამმართველოს უფროსი ზაზა თაბაგარი.



მსგავსი ფორმატის შეხვედრები ბიზნეს სექტორთან გაგრძელდება – ნათქვამია ინფორმაციაში.






ბაიდენის პირველი სანქციები რუსეთის წინააღმდეგ

ბაიდენის პირველი სანქციები რუსეთის წინააღმდეგ
access_time2021-03-03 20:15:55
        აშშ-ს ახალმა პრეზიდენტმა რუსეთს ალექსეი ნავალნის მოწამლვის და დაპატიმრების გამო სანქციები დაუწესა.გადაწყვეტილების საფუძველი ამერიკის დაზვერვის სამსახურების დასკვნა გახდა, რომლის თანახმადაც მაღალი ალბათობით შეიძლება ითქვას, რომ 2020 წლის აგვისტოში რუსეთის სპეცსამსახურებმა ნავალნის წინაამღდეგ უკვე საყოველთაოდ ცნობილი მომწამლველი ნივთიერება „ნოვიჩოკი“ გამოიყენეს. პირველ რიგში პერსონალური სანქციები 7 რუსი მაღალჩინოსნის -...

“არემჯის“ და საქართველოს ტექნიკურ უნივერსიტეტს შორის- წარმატებული თანამშრომლობა გრძელდება

“არემჯის“ და საქართველოს  ტექნიკურ უნივერსიტეტს  შორის- წარმატებული თანამშრომლობა გრძელდება
access_time2021-03-03 18:00:37
კომპანია „არემჯის“  აღმასრულებელმა დირექტორმა თორნიკე ლიპარტიამ, საქართველოს ტექნიკური უნივერსიტეტის ახლადარჩეულ რექტორ  დავით გურგენიძესთან გაცნობითი სახის  შეხვედრა გამართა. მხარეებმა 3 წლიანი თანამშრომლობის შედეგები განიხილეს და სამომავლო გეგმებზე ისაუბრეს, რომელიც კომპანიის მხრიდან სტუდენტებისთვის სხვადასხვა პროგრამების შეთავაზებას და საქართველოს ტექნიკური უნივერსიტეტის მხარდაჭერას ითვალისწინებს. 2017 წელს „არემჯისა“ და...

WIZZAIR ფრენების აღდგენაზე: უპასუხისმგებლობა იქნება რომელიმე კონკრეტული მიმართულების დასახელება

WIZZAIR ფრენების აღდგენაზე: უპასუხისმგებლობა იქნება რომელიმე კონკრეტული მიმართულების დასახელება
access_time2021-03-03 19:00:25
ჯერჯერობით უცნობია, რა მიმართულებებით აღადგენს ფრენებს ქუთაისის საერთაშორისო აეროპორტიდან WizzAir-ი. როგორც „ბიზნესპარტნიორთან“ დაბალბიუჯეტური ავიაკომპანიის კორპორაციული კომუნიკაციების ხელმძღვანელი, ანდრაშ რადო განმარტავს, ეს ფრენების განახლების შემდეგ ბაზარზე არსებულ ვითარებაზე იქნება დამოკიდებული.     „უპასუხისმგებლობა იქნება ახლა რომელიმე კონკრეტული მიმართულება რომ დავასახელო. ვნახოთ, როდის აღვადგენთ ფრენებს და რა შეზღუდვები იქნება ამა თუ იმ ქვეყანაში ამ...

Mastercard-ისა და Carrefour-ის, სოციალური კამპანია დასრულდა - SOS ბავშვთა სოფლის 100 ბენეფიციარს საჩუქრები უკვე გადაეცა

Mastercard-ისა და Carrefour-ის, სოციალური კამპანია დასრულდა - SOS ბავშვთა სოფლის 100 ბენეფიციარს საჩუქრები უკვე გადაეცა
access_time2021-03-03 15:00:33
      გასულ თვეში, Mastercard-მა და Carrefour-მა ახალ სოციალური კამპანია წამოიწყეს, რომელიც, COVID-19-ის კიდევ ერთ გამოწვევასთან, ონლაინ სწავლებასთან გამკლავებას გულისხმობდა, ხოლო, მეორე მხრივ, უკონტაქტო გადახდის პოპულარიზაციის გზით, ვირუსის გავრცელების რისკების შემცირებას ისახავდა მიზნად. შეგახსენებთ, რომ გასული წლის მარტიდან მოყოლებული, თითქმის ერთი წლის განმავლობაში, სკოლები და უნივერსიტეტები ონლაინ სწავლების მეთოდით სარგებლობდნენ. სიტუაცია...

სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად

   სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად
access_time2021-03-03 13:00:06
ტურიზმის სექტორში მომუშავე კომპანიებმა, მათ შორისაა სტუმროების ქსელი „ინნ ჯგუფი“, ტურ კომპანია კლარკ რობინსონი, სასტუმროების ფედერაცია, „კა მენეჯმენტ გრუპი“, ტურ. კომპანია „კამერტონ თრეველი“, ტურ. კომპანია „იბერია ტურს პლიუსი“ და რამდენიმე სხვა,  ტურიზმის დარგის სწრაფი აღდგენისთვის საჭირო...


მსგავსი სიახლეები

up