ფინანსთა სამინისტროს შემოსავლების სამსახურსა და იტალიის საგადასახადო ადმინისტრაციას შორის ურთიერთთანამშრომლობის მემორანდუმი გაფორმდა

ფინანსთა სამინისტროს შემოსავლების სამსახურსა და იტალიის საგადასახადო ადმინისტრაციას შორის ურთიერთთანამშრომლობის მემორანდუმი გაფორმდა

access_time2019-06-07 14:10:18

6 ივნისს, საქართველოს ფინანსთა სამინისტროს შემოსავლების სამსახურსა და იტალიის რესპუბლიკის საგადასახადო ადმინისტრაციას შორის ურთიერთთანამშრომლობის მემორანდუმი გაფორმდა. ამის შესახებ „კომერსანტს“ შემოსავლების სამსახურიდან აცნობეს. მემორანდუმს ხელი მოაწერეს იტალიის საგადასახადო ადმინისტრაციის უფროსის მოადგილემ ვალერიო ბარბანტინიმ და შემოსავლების სამსახურის უფროსმა ვახტანგ ლაშქარაძემ. 


ორმხრივი თანამშრომლობის შესახებ შეთანხმება თანამშრომლობის შემდეგ საკითხებს მოიცავს: გადასახადების ადმინისტრირება; გადასახადების თავიდან არიდების წინააღმდეგ ბრძოლა; პერსონალის განვითარება და ტრეინინგი; საერთაშორისო დაბეგვრა; საერთაშორისო კონტროლირებული ოპერაციების შეფასება (Transfer Pricing); კონტროლირებული ოპერაციების წინასწარი შეთანხმების პროცედურები (APA); ურთიერთშეთანხმების პროცედურები; ევროკავშირის კანონმდებლობა (acquis.). აღნიშნული, საგადასახადო ადმინისტრაციის მიერ საგადასახადო მოლოდინების (tax certainty-ის) გაზრდას და გადასახადის გადამხდელებისთვის სანდო გარემოს შექმნას შეუწყობს ხელს.


„ჩვენთვის ძალიან მნიშვნელოვანია ისეთ ქვეყანასთან თანამშრომლობა როგორიც იტალიაა, როგორც მოგეხსენებათ ის გახლავთ OECD-ის ქვეყანა, ეს არის ძალიან მაღალი დონის საგადასახადო ადმინისტრაცია და საკითხები რომლებიც ამ მემორანდუმში არის გათავალისწინებული მათ შორის ყველაზე მნიშვნელოვანი ჩვენთვის ეს არის გადასახადის გადახდისგან თავის არიდების მიმართულებები, ეს არის საერთაშორისო კონტროლირებადი ურთიერთობების ე.წ (APA) ხელშეკრულების მიმართულებები. ჩვენთვის ძალიან მნიშვნელოვანია ასეთი ტიპის საგადასახადო ადმინისტრაციასთან ურთიერთობა, მათი გამოცდილების გაზიარება, მომავალში, ჩვენთვის ერთ-ერთი დიდი წინგადადგმული ნაბიჯი იქნება, ასეთი ტიპის მემორანდუმები ძალიან წაადგება საქართველოს საგადასახადო ადმინისტრაციას“ - განაცხადა ვახტანგ ლაშქარაძემ.



შეხვედრას, იტალიის მხრიდან, ორმხრივი APA/MAP განყოფილების ხელმძღვანელი საიმონ დი ვაია, საერთაშორისო კონტროლირებული ოპერაციების შეფასების სპეციალისტი ანდრეა ჯირეტი, ხოლო შემოსავლების სამსახურიდან, სამსახურის უფროსის მოადგილეები კახა ცერცვაძე და მამუკა ტერაშვილი, ასევე საერთაშორისო ურთიერთობების, აუდიტის, იურიდიული და მეთოდოლოგიის დეპარტამენტის ხელმძღვანელი პირები ესწრებოდნენ.


შემოსავლების სამსახურის ხელმძღვანელი პირები დავების ეფექტური და დროული მოგვარების საერთაშორისო სტანდარტებს გაეცნენ. ამასთან საშუალო რგოლის მენეჯერებმა და სხვა თანამშრომლებმა სამუშაო შეხვედრის ფარგლებში, მოისმინეს ტრენინგი საერთაშორისო კონტროლირებული ოპერაციების შესახებ ურთიერთშეთანხმების პროცედურებისა (MAP) და საერთაშორისო კონტროლირებულ ოპერაციებთან დაკავშირებული წინასწარ შეთანხმებაზე (APA). მათ შორის საერთაშორისო კონტროლირებულ ოპერაციებთან დაკავშირებული წინასწარი შეთანხმების შესახებ მიიღეს ინფორმაცია და სამოქმედო გეგმა შეიმუშავეს.


შემოსავლების სამსახურს, ორმხრივი თანამშრომლობის ფარგლებში, იტალიის საგადასახადო ადმინისტრაცია, ექსპერტულ დახმარებას გაუწევს, ხოლო ფინანსურ და ნაწილობრივ ექსპერტულსაც აზიის განვითარების ბანკი (ADB). ასევე თანამშრომლობის ფარგლებში, გამოცდილების გაზიარების მიზნით, შემოსავლების სამსახურის თანამშრომლები იტალიის საგადასახადო ადმინისტრაციას ესტუმრებიან.






ჩვენ არ გვაქვს ცუდი შედეგები, 5%-იან ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ

ჩვენ არ გვაქვს ცუდი შედეგები, 5%-იან  ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ
access_time2019-11-19 20:10:10
„IRI- კვლევებს დიდ პატივს ვცემ მაგრამ იმ ხალხს ვინც საქართველოში სამუშაოებს ასრულებს მე მათი კვლევების არ მჯერა, რადგან შედეგები არასდროს გამართლებულა“ -ასე აფასებს საფინანსო-საბიუჯეტო კომიტეტის თავმჯდომარის პირველი მოადგილე პაატა კვიჟინაძე საერთაშორისო რესპუბლიკური ინსტიტუტის კვლევას, რომლის მიხედვითაც გამოკითხულთა 80% მიიჩნევს, რომ მათი უმთავრესი პრობლემებად უმუშევრობა, საცხოვრებელი ხარჯები და სიღარიბეა.   რატომ ვერ მიიღო მოსახლეობამ...

„საქართველოს ბანკი“- ახლო მომავალში ლარი იმ ნიშნულს დაუბრუნდება, რომელიც მის გაცვლით კურსს რეალურად ასახავს“

„საქართველოს ბანკი“- ახლო მომავალში ლარი იმ  ნიშნულს დაუბრუნდება, რომელიც  მის გაცვლით კურსს რეალურად ასახავს“
access_time2019-11-19 18:35:56
„საქართველოს ეკონომიკა ბოლო მონაცემებითაც აჩვენებს ისეთ შედეგებს, რომელიც მყარ საფუძველს იძლევა, იმისთვის რომ ლარი ახლო მომავალში დაუბრუნდება ნიშნულს, რომელიც რეალურად ასახავს მის გაცვლით კურსს“--ამის შესახებ „კომერსანტს“  „ საქართველოს ბანკის“ გენერალური დირექტორის მოადგილე სულხან გვალიამ განუცხადა.  მისივე განმარტებით,  ყველა კვლევაც ასე აჩვენებს, ლარის კურსი დაახლოებით 10%-ით მეტადაა გაუფასურებული. „აქვე, ერთმნიშვნელოვნად უნდა...

„ნამახვანი ჰესის მშენებლობა წყალტუბოს განვითარების გეგმას ჩააგდებს“

„ნამახვანი ჰესის მშენებლობა წყალტუბოს განვითარების გეგმას ჩააგდებს“
access_time2019-11-19 18:00:17
„როდესაც ქვეყანაში ისეთი პროექტების მშენებლობა გრძელდება, რომელიც გარემოს აზარალებს, ჩნდება ეჭვი, რომ მსგავსი დიდი პროექტების მეშვეობით ქვეყანაში ფული თეთრდება“- ამის შესახებ „კომერსატს“ არასამთავრობო ორგანიზაცია ”მწვანე ალტერნატივის” ბიომრავალფეროვნების კოორდინატორმა ირაკლი მაჭარაშვილმა განუცხადა. მისი თქმით, წყალტუბოს განვითარებაც შეიძლება ასეთ საკითხად მივიჩნიოთ თუ წინასწარ არ იქნა მისი დადებითი და უარყოფითი შედეგები...

ბრონქიტი -როგორ ავიცილოთ თავიდან გართულებები?

ბრონქიტი -როგორ ავიცილოთ თავიდან გართულებები?
access_time2019-11-19 14:30:24
ბრონქების ლორწოვანი გარსის ანთებას ბრონქიტი ეწოდება, რომელის ყველაზე ხშირი მიზეზიც ვირუსული ინფექციაა. კორონავირუსებს, რომლებიც ამ დაავადებას იწვევენ,ბევრი საერთო აქვთ გრიპისა და ატოპიური პნევმონიის გამომწვევ ვირუსთან. ერთი შეხედვით გარეგნულად სრულიად უწყინარი , თუმცა უკიდურესად სახიფათო არიან. გერმანელი სპეციალისტების გამოთვლით , ზამთრის სეზონზე მხოლოდ გერმანიაში გაციებისა და მისი გართულების შედეგად 12 ათასი ადამიანი იღუპება! ბრონქიტი ნამდვილად ეპიდემიად იქცა, რამდენადაც...

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?
access_time2019-11-19 16:10:05
„აქ არ იყო მთავარი მხოლოდ ის, რომ სტრატეგიულ პარტნიორს და „სოკარს“ არ ვაწყენინოთ, აქ მნიშვნელოვანი სოციალურ ეკონომიკური ფაქტორი იკვეთება. „სოკარი“ ცალსახად არის მნიშვნელოვანი ინვესტორი და ეს ფაქტორიც გასათვალისწინებელია, თუმცა ამით ეკოლოგიური მდგომარეობა არ უარესდება“, - ასე აფასებს  „ნავთობპროდუქტების იმპორტიორთა კავშირის“ თავმჯდომარე ვანო მთვრალაშვილი დიზელის საწვავზე „ევრო 5“ სტანდარტის ამოქმედების 2021 წლამდე გადავადებას. დიზელის ახალი „ევრო 5“ სტანდარტის...


მსგავსი სიახლეები

up