ფინანსთა სამინისტროს შემოსავლების სამსახური განცხადებას ავრცელებს

ფინანსთა სამინისტროს შემოსავლების სამსახური განცხადებას ავრცელებს

access_time2019-07-14 18:40:43

ფინანსთა სამინისტროს შემოსავლების სამსახური განცხადებას ავრცელებს, რომელსაც „კომერსანტი“ უცვლელად გთავაზობთ:


“საქართველოს ფინანსთა სამინისტროს შემოსავლების სამსახური ეხმაურება 13 ივლისს, ტელეკომპანია „რუსთავი 2-ის“ გადაცემა „შაბათის კურიერში“ გასულ მორიგ ცილისმწამებლურ და სიცრუეზე დამყარებულ სიუჟეტს, რომელიც ეხებოდა თამბაქოს ინდუსტრიას - კონკრეტულად კი უფილტრო სიგარეტზე აქციზის ზრდასა და თითქოსდა სახელმწიფო ბიუჯეტისთვის მიყენებულ ზარალს.


პირველ რიგში, გვსურს, სრული პასუხისმგებლობით განვაცხადოთ, რომ სიუჟეტში მოყვანილი რიცხობრივი მონაცემები, რომლებიც ამ სიუჟეტის ავტორთა მიერ წარმოდგენილია, როგორც მართლსაწინააღმდეგო ქმედებათა შედეგად, სახელმწიფოსთვის მიყენებული ფინანსური ზიანი, სინამდვილეში წარმოადგენს ფინანსთა სამინისტროს შემოსავლების სამსახურის მიერ, ტელეკომპანია „რუსთავი 2-ისთვის“ გაგზავნილი ოფიციალური ინფორმაციის უხეშ მანიპულაციას, არის სიცრუე და გახმოვანებულია საზოგადოების შეცდომაში შეყვანის მიზნით.


არ შეესაბამება სიმართლეს ის ფაქტიც, თითქოს 2018 წელს უფილტრო სიგარეტების არარეალურად დიდი რაოდენობის აქციზური მარკების გაცემის ფაქტთან გვაქვს საქმე. რეალურად, 2017 წელს 2016 წელთან შედარებით, უფილტრო სიგარეტზე აქციზური მარკების ზრდამ 110% შეადგინა მაშინ, როდესაც 2018 წელს 2017 წელთან შედარებით, ზრდა მხოლოდ 50%-ია.


ზოგადად, ცნობილი ფაქტია და ამას თამბაქოს ინდუსტრიაში მომუშავე ნებისმიერი კომპანიაც დაადასტურებს, რომ აქციზური მარკების მოთხოვნა და შესაბამისად გატანა, დამოკიდებულია მოთხოვნაზე და გამორიცხულია რომელიმე კომპანიამ გაიტანოს იმაზე მეტი აქციზური მარკა, ვიდრე ამ მარკის დაკვრის ქვემდებარე სიგარეტის მოთხოვნაა ბაზარზე.


ამასთან, აქციზური მარკების გაცემა არ არის პირდაპირ კავშირში აქციზის გადასახადთან იმავე პერიოდში, ვინაიდან აქციზის გადასახადის გადახდა ხდება არა აქციზური მარკის გაცემისას, არამედ მაშინ, როდესაც კომპანია აწარმოებს სიგარეტს და გაიტანს ბაზარზე გასაყიდად ან განახორციელებს სიგარეტის იმპორტს. ასევე, სამართლებრივად მარკების გაცემაზე უარის თქმის საფუძველი, არ არის მოსალოდნელი აქციზის გადასახადის ზრდა.

სიცრუეა ისიც, თითქოს, 2018 წლის დეკემბერში, აქციზური მარკები გაიცა მხოლოდ „თბილისის თამბაქოზე“. აღსანიშნავია, რომ აქციზური მარკები გასული წლის დეკემბერში, ასევე, გაიცა კომპანია „ოჯითიზე“, რომლის ხელმძღვანელს ეს ფაქტი სიუჟეტში არ უხსენებია.

ყოველგვარ დასაბუთებასაა მოკლებული განცხადება, თითქოს, სახელმწიფო ბიუჯეტმა არარსებული კორუფციული სქემით იზარალა 60 მლნ ლარით, რაც უბრალოდ აბსურდია, რისი დამტკიცებაც უმარტივესი არითმეტიკული კალკულაციითაა შესაძლებელი.


ასევე, სრული პასუხისმგებლობით ვაცხადებთ, რომ გარდა კომპანია „ოჯითისა“, თამბაქოს ბიზნესში მომუშავე არც ერთ სხვა კომპანიას, არ აქვს არანაირი დავალიანება სახელმწიფო ბიუჯეტის მიმართ და აქციზური მარკების გაყიდვით, 2018 წლის დეკემბერში, ბიუჯეტმა სრულად მიიღო ის თანხები, რომელიც მას ეკუთვნოდა”, - ნათქვამია განცხადებაში.





Glovo პარტნიორ კურიერებს ანაზღაურების ახალ სისტემას სთავაზობს

Glovo პარტნიორ კურიერებს ანაზღაურების ახალ სისტემას სთავაზობს
access_time2021-05-16 09:55:32
Glovo პარტნიორ კურიერებს ანაზღაურების ახალ სისტემას სთავაზობს: საათების მაქსიმალურად შემცირება და ბონუსების სტრუქტურის თითოეულ შეკვეთაში გადატანა - კურიერების უსაფრთხოება და ანაზღაურების უფრო სამართლიანი სტრუქტურა Glovo მსოფლიოს ერთ-ერთი წამყვანი მოთამაშეა მულტი კატეგორული მიტანის სერვისის ინდუსტრიაში. კომპანია 26-ზე მეტ ქვეყანაში ოპერირებს და თანამშრომლობს 25 000-ზე მეტ პატნიორ კურიერთან. Glovo უკვე ორ...

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ
access_time2021-05-15 15:51:59
ბათუმის განახლებულ საერთაშორისო აეროპორტში დღეს პირველი რეისი შეასრულა ყაზახურმა ავიაკომპანიამ „ეარ ასტანა", რომელმაც რეგულარული რეისების შესრულება განაახლა ალმათი - ბათუმი - ალმათის...

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

„2020 წელი ბაზრის საერთო მდგომარეობით კარგი იყო, თუმცა ზოგადად სადაზღვევო კომპანიებისთვის კარგი წელი არ ყოფილა“ - არდი

„2020 წელი ბაზრის საერთო მდგომარეობით კარგი იყო, თუმცა ზოგადად სადაზღვევო კომპანიებისთვის კარგი წელი არ ყოფილა“ - არდი
access_time2021-05-16 10:00:44
„2020 წელი ბაზრის საერთო მდგომარეობით კარგი იყო, თუმცა ამ კუთხით მაინც მინდა აღვნიშნო, ის რომ ეს გამოწვეული იყო ცალკეული, რამოდენიმე, კომპანიების წარმატებით, რომელმაც ჯამურად კარგი სურათი მოგვცა, თუმცა ზოგადად სადაზღვევო კომპანიებისთვის კარგი წელი არ ყოფილა” - ამის შესახებ რადიო კომერსანტის გადაცემაში „დაზღვევის დრო გიორგი ჩაჩუასთან ერთად“ არდის გენერალურმა დირექტორმა მიხეილ ჯაფარიძემ ისაუბრა. მისი თქმით, 2020 წელი „არდისთვის“ გამოწვევებით სავსე და ფინანსურად რთული წელი იყო....


მსგავსი სიახლეები

up