ფინანსთა მინისტრის განცხადებით, 2020 წლის ბიუჯეტი მნიშვნელოვნად გაიზრდება და 14 მილიარდს გადააჭარბებს

ფინანსთა მინისტრის განცხადებით, 2020 წლის ბიუჯეტი მნიშვნელოვნად გაიზრდება და 14 მილიარდს გადააჭარბებს

access_time2019-09-27 20:00:11

ფინანსთა მინისტრის, ივანე მაჭავარიანის განცხადებით, 2020 წლის ბიუჯეტი მიმდინარე წლის ბიუჯეტთან შედარებით მნიშვნელოვნად გაიზრდება და 14 მილიარდს გადააჭარბებს.



როგორც მაჭავარიანმა ჟურნალისტებს განუცხადა, მომავალი წლის ბიუჯეტზე მუშაობა პრაქტიკულად დასრულებულია და ბიუჯეტის პროექტი საკანონმდებლო ორგანოს მომავალ კვირაში გადაეგზავნება. მისივე თქმით, მომავალი წლის ბიუჯეტი „ჩვენი შესაძლებლობებიდან გამომდინარე დაბალანსებული იქნება“.



„ბიუჯეტზე მუშაობა პრაქტიკულად დასრულებულია მთავრობის ნაწილში. ბოლო ორი კვირის განმავლობაში პრემიერ-მინისტრთან ერთად ყველა უწყებასთან, ყველა სამინისტროსთან გვქონდა ძალიან ინტენსიური განხილვები. ოფიციალურად მომავალ კვირას მთავრობის სხდომაზე მოხდება ბიუჯეტის წარდგენა და რასაკვირველია პარლამენტში გადაგზავნა. ბიუჯეტის პარამეტრებზე დეტალურად შემდეგი კვირიდან ვისაუბრებთ, მე თავად მინიმუმ ორჯერ მომიწევს პარლამენტის სხდომაზე გამოსვლა.




ბიუჯეტში დღეს ქვეყნის წინაშე მდგარი ყველა გამოწვევა იქნება გათვალისწინებული. ბიუჯეტს უყვარს სიტყვა დაბალანსებული. ხშირად ხმარობენ ამას და მისი არსი მდგომარეობს შემდეგში, არა მარტო ხარჯებით და შემოსავლებით არის დაბალანსებული, არამედ მსოფმხედველობრივად უნდა იყოს დაბალანსებული, რაც ნიშნავს, რომ ერთი მხრივ, ყველა ის სოციალური გამოწვევა, იქნება ეს პენსიონერები, შშმ პირები, მათი მოთხოვნები იქნება გათვალისწინებული, მაგრამ ამავდროულად კაპიტალურ დანახარჯებსაც თავისი მნიშვნელოვანი ადგილი უნდა ეკავოს, რადგან მხოლოდ კაპიტალური და ინფრასტრუქტურული დანახაჯებია იმის წინაპირობა, რომ ეკონომიკური განვითარება გაგრძელდეს და დაჩქარდეს. შესაბამისად, ამ კუთხით ჩვენი შესაძლებლობებიდან გამომდინარე, ბიუჯეტი დაბალანსებული იქნება. მგონია, რომ ამ ბიუჯეტს ექნება მხარდაჭერა როგორც პარლამენტში, ისე საზოგადოებაში,“-განაცხადა მაჭავარიანმა.



interpressnews.ge






ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up