ფინანსთა მინისტრი ანგარიშფაქტურების გაყალბების საქმეზე - არა მარტო შემოსავლების სამსახურის, არამედ ნებისმიერი უწყების წარმომადგენელი დაუსჯელი არ დარჩება

ფინანსთა მინისტრი ანგარიშფაქტურების გაყალბების საქმეზე - არა მარტო შემოსავლების სამსახურის, არამედ ნებისმიერი უწყების წარმომადგენელი დაუსჯელი არ დარჩება

access_time2019-08-14 15:30:32

გამოძიების მასშტაბი ისეთია, რომ მე დარწმუნებული ვარ, თუ ვინმე გარეულია, დანდობა არ იქნება. არა მარტო შემოსავლების სამსახურის, არამედ ნებისმიერი უწყების წარმომადგენელს თუ ამ საქმესთან რაიმე არაკანონიერი შეხება ჰქონდა, დაუსჯელი არ დარჩება, - ამის შესახებ ფინანსთა მინისტრმა ივანე მაჭავარიანმა დიდი ოდენობით გადასახადისათვის თავის არიდების და უკანონო შემოსავლის ლეგალიზების ფაქტებზე დანაშაულებრივი სქემის კომენტირებისას განუცხადა, რომელიც ფინანსთა სამინისტროს საგამოძიებო სამსახურმა გამოავლინა .


მინისტრის თქმით, საქმე გვაქვს ყალბი ანგარიშფაქტურების გამოწერასთან, შესაბამისად, ამით არგადახდილი დღგ- ს ანგარიშზე დასმასთან.


როგორც მაჭავარიანი აცხადებს, მსგავსმა დანაშაულმა ბოლო წელიწადნახევრის განმავლობაში ფართო მასშტაბი მიიღო და შესაბამისი გამოძიება დაადგენს, იყვნენ თუ არა დანაშაულებრივ სქემაში ჩართულნი მოქმედი თანამდებობის პირები.



„ეს დანაშაული, რაც დღგ არსებობს იმ დროიდან არსებობს ყველა ქვეყანაში, მათ შორის ძალიან განვითარებულ ქვეყნებში. უბრალოდ ჩვენს შემთხვევაში, წელიწად ნახევრის წინ დაიწყო ამის მასშტაბში გაზრდის პროცესი. ბოლო 6 თვეა განსაკუთრებული სამუშაოები ჩატარდა, მანამდეც იყო რამდენიმე ასეთი საქმე ძიებაში, უბრალოდ ახლა მოხდა რამოდენიმე საქმის ერთმანეთთან დაკავშირება, რითაც გამოიკვეთა, რომ უფრო დიდი ჯგუფი იყო. გამოიკვეთა, რომ ეს სხვადასხვა ეპიზოდები ჯამში ერთი სქემის ნაწილია. ვინაობებს მე პირდაპირ ვერ გეტყვით, მაგრამ გეტყვით, რომ ზოგიერთი საქართველოში არ იმყოფება, ზოგიერთი შემოსავლების სამსახურის ყოფილი თანამშრომელი იყო და შესაბამისად, რაღაც ცოდნას ფლობდა.


რაც შეეხება იმას, არიან თუ არა საქმეში ახლანდელი თანამშრომლები ჩართული, მიმდინარეობს გამოძიება შემოსავლების სამსახურში. თუ გამოიკვეთა რომელიმე პირის მონაწილეობა ამ დანაშაულში, ყველა რესურსია იმის, რომ ეს გამოვკვეთოთ“, - აცხადებს მაჭავარიანი.


შეგახსენებთ, რომ ფინანსთა სამინისტროს საგამოძიებო სამსახურმა გამოავლინა და თავიდან აიცილა 100 მილიონ ლარამდე ყალბი აქტივის გამოყენების შესაძლებლობა. გამოძიება დაწყებულია 9 სისხლის სამართლის საქმეზე 53 პირის მიმართ, მათგან 38 პირი პატიმრობაში იმყოფება.







„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“
access_time2019-12-12 18:30:34
რადიო კომერსანტის გადაცემაში „ჩემი აუდიტორი“ „გრანთ თორნთონის“ მმართველმა პარტნიორმა ვახტანგ ცაბაძემ საფინანსო ბაზარზე არსებული ვითარება შეაჯამა. მისი თქმით, 2019 წელი აუდიტორული კომპანიებისთვის ზრდის წელი აღმოჩნდა, რაც ნაწილობრივ, ქვეყანაში ხელისუფლების მხრიდან განხორციელებული რეფორმების დამსახურებაა. „2018 წელთან შედარებით, 2019 წელს ბაზარი კიდევ უფრო გაიზარდა. 2018 წელს პირველად იყო,როცა პირველ და მეორე...

საოჯახო სასტუმროებისთვის წყლის საფასურის გადახდის ახალი წესი 2020 წლის 1-ლი იანვრიდან ამოქმედდება

საოჯახო სასტუმროებისთვის წყლის საფასურის გადახდის ახალი წესი 2020 წლის 1-ლი იანვრიდან ამოქმედდება
access_time2019-12-12 18:00:33
2020 წლის 1-ლი იანვრიდან, სემეკის დადგენილების თანახმად საოჯახო სასტუმროებისთვის წყლის საფასურის გადახდის ახალი წესი - ე.წ ჰიბრიდული ტარიფი ამოქმედდება, - ამის შესახებ ინფორმაციას GWP ავრცელებს. როგორც ცნობილია, გადახდის ახალი წესი მხოლოდ იმ ტიპის საოჯახო სასტუმროებზე ვრცელდება, სადაც მფლობელი თავად ცხოვრობს ბინაში, პარალელურად აქირავებს ბინას ტურისტებზე და უწევს მათ მომსახურებას. „სემეკის ახალი დადგენილების მიხედვით 2020 წლის 1-ლი იანვრიდან ამ ტიპის...

Chatham House: დაიშლება თუ არა ბრიტანეთი?

Chatham House: დაიშლება თუ არა ბრიტანეთი?
access_time2019-12-12 20:00:05
დაიშლება თუ არა გაერთიანებული სამეფო? თუ შოტლანდიის ეროვნული პარტია მიაღწევს თავის მიზანს -ასეც იქნება. ეს პარტია 85 წელი იბრძვის შოტლანდიის დამოუკიდებლობისთვის და სწორედ დღეს, ისე, როგორც არასდროს, ის ახლოსაა წარმატებასთან.შოტლანდიური სეპარატიზმის გაღვივება ბრექსიტის თაობაზე ამ მხარის მოსახლეობის განსხვავებულმა პოზიციამ გამოიწვია.მთლიანად ბრიტანეთში ევროკავშირიდან გასვლას 52% ემხრობა, მაშინ როდესაც შოლტანდიაში 62%-მა ხმა ევროგაერთანებაში დარჩენას...

„სალომე ზურაბიშვილი იქნება ჩვენი ქვეყნის ღირსეული პრეზიდენტი“

„სალომე ზურაბიშვილი იქნება ჩვენი ქვეყნის ღირსეული პრეზიდენტი“
access_time2019-12-12 14:30:05
„არც ჯარი გვაქვს, არც იარაღი და არც გვექნება, არც ის ეკონომიკური ძალიან დიდი პოტენციალი, რომ დავიპყროთ, თუნდაც, რეგიონი“, - ეს სალომე ზურაბიშვილის მორიგი სკანდალური განცხადებაა. საქართველოს პრეზიდენტის ნათქვამი საზოგადეობის დიდმა ნაწილმა შეურაცხყოფად მიიღო და მთავრსარდლისგან მობოდიშება მოითხოვა.  აღსანიშნავია რომ პრეიზდენტს „ქართული ოცნების“  წევრებიც...

„პროდუქციის გაიაფებაზე არც ვილაპარაკოთ და არც ვიოცნებოთ“

„პროდუქციის გაიაფებაზე არც ვილაპარაკოთ და არც ვიოცნებოთ“
access_time2019-12-12 15:00:44
„თებერვლის ბოლოს თუ იქნება ის მოცემულობა, რომ  ლარის კურსი  2.70-ის მიდამოებში იქნება,მაშინ შეიძლება ფასები გადაიხედოს“-ამის შესახებ „კომერსანტს“ „საქართველოს დისტრიბუტორთა ბიზნეს ასოციაციის“ თავმჯდომარე ივა ჭყონიამ განუცხადა. როგორც  ჭყონია განმარტავს,კომპანიებს გარკვეული მარაგები აქვთ, რომელიც  ნაყიდი საკმაოდ მაღალ კურსზეა, შესაბამისად,...


მსგავსი სიახლეები

up