რამდენიმე კვირის მანძილზე ბერლინში ბევრს საუბრობდნენ იმაზე, რომ ნავალნის მოწამლვის ფაქტი გერმანიის კანცლერს „ჩრდილოეთნაკადი-2“-ს თაობაზე პოზიციის შეცვლას აიძულებდა.
ეს თემა განსაკუთრებით იმის შემდეგგააქტიურდა, რაცგ ერმანელმა ექიმებმა დაადასტურეს, რომ რუსი ოპოზიციონერი სამხედრო დანიშნულების გაზით „ნოვიჩოკით“ მოწამლეს. თუმცა, ჯერ გაურკვეველია ანგელა მერკელი რუსული გაზსადენის მხარდაჭერაზე უარის თქმისთვის რამდენად მზადაა. სავარაუდოდ, ამ ეტაპზე გერმანიის მთავრობა მიიჩნევს, რომ გაზსადენი ერთია, ხოლო ოპოზიციონერის მკვლელობის მცდელობა - მეორე.
მეტიც , მას ამ საკითხში მხარს მთელი გერმანული პოლიტიკური ელიტა უჭერს.
„ჩრდილოეთ ნაკადი-2“-ს წინაამღდეგ „მწვანეთა პარტიის“ საპარლამენტო ფრაქცია გამოდიოდა - მისმა ლიდერმა ანალენ აბერბომ მამთავრობისგან ამ პროექტის შეჩერება მოითხოვა, და განაცხადა რომ „ჩრდილოეთ ნაკადი-2“ ევროპას ხლეჩს.
თუმცა, ბერბოკიდამ ისითანა პარტიელები სრულ მარტოობაში აღმოჩნდა - ეს იშვიათი შემთხვევა იყო, როდესაც პოლიტიკური მოწინაამღდეგეები რაღაც საკითხში გაერთიანდნენ.
სოციალ-დემოკრატიული პარტიის ერთ-ერთმა ლიდერმა, რეგიონ პომერანიას პრემიერ-მინისტრმა მანუელა შვეზიგმა განაცხადა, რომ გერმანიისთვის გაზი, როგორც გარდამავალი პერიოდის საწვავი, ძალიან მნიშვნელოვანია მანამდე, სანამ ქვეყანა საბოლოოდ სუფთა ენერგეტიკაზე გადავა.
„2022 წელს ჩვენ ატომურ ელექტროსადგურებს ვხურავთ, 2038-ში - ნახშირისას. გაურკვეველია, რამდენად შესაძლებელი იქნება ენერგიის ამ წყაროების ქარით და მზით ჩანაცვლება, ამიტომაც, გაზი აუცილებლად გვჭირდება“ - განაცხადა მან.
ქრისტიანულ-დემოკრატიული კავშირის დეპუტატმა იენსკეპენმა განაცხადა, რომ „ჩრდილოეთ ნაკადი-2“-ის მშენებლობაზე 10 მლრდ. ევრო უკვე დაიხარჯა, და მისი 97%-უკვე მზადაა.
„ასაშენებელია მხოლოდ 150 კილომეტრი. რატომ უნდა დალპეს ეს ყველაფერი უმოქმედოდ ზღვის ფსკერზე?“ - კითხულობს ის.
გავლენიანი გერმანელი პოლიტიკოსები მძიმე მდგომაროებაში აღმოჩნდნენ. მათ ნავალნის მოწამლვის გამო რუსეთის დასჯა სურთ, თუმცა „ჩრდილოეთ ნაკადი-2“-ის გაჩერებაც აშინებთ - ევროპაში გაზზე მოთხოვნა იზრდება, მათი რესურსები კი მცირდება. თანაც პროექტში მილიარდები სწორედ ევროპელმა ინვესტორებმა ჩადეს, და ამ კაპიტალს სწორედ ისინი კარგავენ.
მშენებლობას გაზპრომი ახორციელებს, თუმცა ინვესტიციების ნახევარი Royal Dutch Shell-მა, Engie-მ, და OMV-მა დადეს. აქედან გამომდინარე, პროექტის დაბლოკვის შემთხვევაში, გერმანიის მთავრობას ასობით მილიონი ევროს ჯარიმების და კომპენსაციების გადახდა მოუწევს.
გერმანია საკუთარი ენერგეტიკული ბაზრის უცხოური ინვესტიციებისთვის მიზიდულობის შენარჩუნებას ცდილობს.
„სხვა ქვეყნებისგან განსხვავებით, გერმანიას საკუთარი მსხვილი სახელმწიფო ენერგო კორპორაცია არ გააჩნია, ამიტომაც, ქვეყანა მთლიანად დამოკიდებულია კერძო კომპანიების საქმიანობაზე. მათ კი გამჭირვალე და სანდო რეგულაციები სჭირდებათ“ - განაცხადა ენერგეტიკის დარგში ექსპერტმა კირსტენვესტფალმა.
გერმანიის დამოკიდებულება „ჩრდილოეთ ნაკადი-2“-ის მიმართ, ანგელა მერკელმა მკაფიოდ ჩამოაყალიბა - ნავალნის მოწამლვა და გაზსადენი - ორი განსხვავებული საკითხია, და მათი აღრევა არ შეიძლება.
Financial times
თენგიზ აბლოთია
ნავალნი
