ჩინური მაღატექნოლოგიური კომპანიების თანამშრომლებს რეგულატორების მხრიდან გადაჭარბებული ყურადღება აშინებთ.
ეს საკითხი განსაკუთრებით აქტუალურია ქვეყნის მთავარი ინტერნეტ-გიგანტის Alibaba-ს წინაამღდეგ ღია შეტევის ფონზე. იმის შემდეგ, რაც კომპანიის მფლობელმა ჯეიკ მამ 2020 წლის ოქტომბერში ჩინეთის მთავრობა ღიად გააკრიტიკა, მის წინაამღდეგ სახელმწიფო მანქანა ამუშავდა.
გასულ შაბათს ჩინეთის ანტიმონოპოლურმა სამსახურმა ჩატარებული გამოძიების საფუძველზე Alibaba 2,8 მლრდ. დოლარით დააჯარიმა. ეს ჩინეთის ისტორიაში ყველაზე მაღალი კორპორაციული ჯარიმაა და ამავე დროს ცუდი ნიშანი ბიზნესისთვის. ამიერიდან მსოფლიო რეპუტაცია და საერთაშორისო გავლენა არაფერს ნიშნავს.
ბოლო პერიოდში რეგულატორები მაღალტექნოლოგიურ კომპანიების განსაკუთრებით მკაცრად აკონტროლებენ. ეს ახალი ტენდენციაა, რადგანაც აქამდე ამ სექტორზე რეგულირება თითქმის არ ვრცელდებოდა.
ჩინური IT-გიგანტები, ისეთები, როგორიცაა Tencent Music, შიშობენ, რომ შემდეგი შეტევის სამიზნეები შესაძლოა ისინი გახდნენ. ისინი ანტიმონოპოლური გამოძიებებისთვის ემზადებიან და ზოგჯერ მომგებიან გარიგებებზეა უარს ამბობენ.
Tencent Music-ის დამაარსებელი კომპანია Tencent ერთხელ უკვე დაჯარიმდა იმის გამო, რომ გარიგებების დადების წინ რეგულატორს ნებართვას არ ეკითხებოდა.
„სიმართლე გითხრათ, არა მგონია, რომ ჩვენ რეგულირების გამკაცრებისთვის რამენაირად მომზადება შეგვიძლია“ - განაცხადა Tencent Music-ს თანამშრომელმა.
თანაც მისი აზრით, სავარაუდოდ ჯარიმა კომპანიაზე დიდ გავლენას ვერ მოახდენს.
„ჩვენ ერთხელ უკვე დაგვაჯარიმეს და ამიტომაც ჩვენ სტრატეგიის გადახედვას და ახალ რეალობასთან მის მორგებას ვცდილობთ, თუმცა, ამისთვის ბევრი შესაძლებლობები არ გვაქვს“ - ამბობს ის,
გავლენიანი კომპანიების მხრიდან კონკურენციის წესებს დარღვევასთან საბრძოლველად ჩინეთს ანტიმონოპოლურმა სამსახურმა შტატები და სხვა რესურსები გაზარდა, რაც ამოცანის მასშტაბურობაზე და სერიოზულობაზე მეტყველებს. ასევე ანტიმონოპოლური გამოძიებების დაფინანსებაც მნიშვნელოვნად გაიზარდა.
გარდა ამის, მსხვილი ინტერნეტ-კომპანიებ ამიერიდან ვალდებულები არიან მთელი ინფორმაცია ყველა გარიგების თაობაზე რეგულატორს მიაწოდონ.
თუმცა, მონოპოლიზმის წინაამღდეგ რეალური ბრძოლა ამ შემთხვევაში სურათის მხოლოდ ნაწილია, მეორე ნაწილი კი პოლიტიკასთანაა დაკავშირებული.
პირველ რიგში დარტყმის ქვეშ ის კომპანიების ხვდებიან, ვინც დამოუკიდებლობა და საერთაშორისო აღიარება მოიპოვა, ეს კი დღევანდელ ჩინეთში საშიშია.
„მაღალტექნოლოგიური კომპანიების წინაამღეგ წამოწყებული შეტევები, რომელთა შემდეგ მათი მფლობელები თვეების მანძილზე არსად ჩანან - ოფიციალური პეკინის მხრიდან თავისი ძალაუფლებისთვის ნებისმიერი საფრთხის თავიდან აცილებაა“ - მიიჩნევს პრინსტონის უნივერსიტეტის პროფესორი აარონ ფრიდბერგი,
მისი თქმით, წარმოუდგენელი სიმდიდრეების კონცენტრაცია არა სახელმწიფო კორპორაციებს, არამედ კერძო პირების ხელში, ბაზრებზე მნიშვნელოვან გავლენას ახდენს. შესაბამისად, ეს პარტიისთვის გარკვეულ რისკებს ქმნის.
„ბოლო წლებში პარტია და მთავრობა ასეთ ადამიანებს სულ უფრო მეტად ავიწროვებს. ზოგს აქტივებს ართმევენ, ზოგს ჯარიმებით ასუსტებენ. როგორიც არ უნდა იყოს ყოველი კონკრეტული შემთხვევის დეტალები, საბოლოო მიზანია მკვეთრის სიგნალის გაგზავნა ბიზნესისთვის - პარტიაზე მაღლა არავინ დგას“ - მიიჩნევს ფრიდბერგი.
წყარო: Financial times
ჩინეთი
