ფილიპ შტაინჰაიმი - ქართველ მეფუტკრეებს ერთი ქოლგის ქვეშ გაერთიანებას ვურჩევთ, ერთი ბრენდის ქვეშ ექსპორტი უფრო მარტივია

ფილიპ შტაინჰაიმი - ქართველ მეფუტკრეებს ერთი ქოლგის ქვეშ გაერთიანებას ვურჩევთ, ერთი ბრენდის ქვეშ ექსპორტი უფრო მარტივია

access_time2019-11-13 23:00:54

ქართველ მეფუტკრეებს ერთი ქოლგის ქვეშ გაერთიანებას ვურჩევთ, რადგან ერთი ბრენდის ქვეშ ექსპორტიც უფრო მარტივია. ამის შესახებ გერმანიის საერთაშორისო თანამშრომლობის საზოგადოების (GIZ) წარმომადგენელმა ფილიპ შტაინჰაიმმა საქართველოს პირველი არხის გადაცემა „ბიზნესპარტნიორის“ ეთერში განაცხადა.


გადაცემაში საქართველოში უვნებელი და ხარისხიანი თაფლის წარმოებისა და მისი ევროკავშირში ექსპორტის პერსპექტივები განიხილეს.


გერმანიის საერთაშორისო თანამშრომლობის საზოგადოებამ (GIZ) ქართველი მეფუტკრეებისათვის უვნებელი და ხარსიხიანი თაფლის წარმოების სახელმძღვანელოც შეიმუშავა, რომლის პრეზენტაციაც 14 ნოემბერს გაიმართება. აღნიშნული პროექტის ხელმძღვანელის, ფილიპ შტაინჰაიმის მოსაზრებით, ქართულ თაფლს ევროკავშირის ბაზარზე პერსპექტივა იმ შემთხვევაში აქვს, თუ თაფლი უვნებელი და ხარისხიანი იქნება. GIZ-ის პროექტის ხელმძღვანელმა ორი ქართველი მეფუტკრის ევროსტანდარტებზე მორგებული თაფლი პირადად ჩაიტანა ბერლინში მწვანე კვირეულზე, სადაც პროდუქტი შესანიშნავად გაიყიდა.

„2016 წელს, როდესაც საქართველოდან ევროკავშირში საექსპორტოდ დაშვებული პროდუქტების სიას თაფლი დაემატა, ყველას დიდი მოლოდინი ჰქონდა, რომ თაფლის ექსპორტზე მოხვდებოდა, მაგრამ ორი წელი დასჭირდა იმას, რომ პირველი ქართული თაფლი ევროპაში გამოჩენილიყო. ბერლინის საერთაშორისო გამოფენაზე, „მწვანე კვირეულზე“ ორი ტიპის თაფლი მე ჩავიტანე. ამ თაფლს ტესტი გავლილი ჰქონდა. თუ ევროკავშირში თაფლის ექსპორტი გნებავთ, აუცილებლად ევროსტანდარტებს უნდა მიმართოთ, რომ თაფლი უვნებელი და ხარისხიანი იყოს“, – განაცხადა ფილიპ შტაინჰაიმმა.


მისი განმარტებით, ხარისხიანი თაფლის მიღებაში ქართველ მეფუტკრეებს იმ სახელმძღვანელოში თავმოყრილი წესები დაეხმარებათ, რომლის პრეზენტაციაც ხვალ იგეგმება. 40-გვერდიანი სახელმძღვანელოს საქართველოს გარემოს დაცვისა და სოფლის მეურნეობის მინისტრი ევროკავშირის ელჩთან ერთად წარადგენს. მისი ელექტრონული ვერსია კი, სამინისტროს ვებგვერდზე უკვე ხელმისაწვდომია.



„სოფლის მეურნეობის მინისტრი ამ გაიდლაინებს თაფლის ყველა მწარმოებელს გადასცემს. ეს თაფლით დაინტერესებულ პირებს თაფლი წარმოების პროცესის ყველა საფეხურს დეტალურად აუხსნის, თუ როგორ მოერიონ ფუტკრის დაავადებებს ანტიბიოტიკების გარეშე. ანტიბიოტიკებიან თაფლს ევროკავშირში ვერ გაყიდით, რადგან აკრძალულია“, – განმარტა ფილიპ შტაინჰაიმმა.


GIZ-ის პროექტის ხელმძღვანელი თვლის, რომ საქართველოში ანტიბიოტიკების გამოყენების პრაქტიკა საკმაოდ დიდია, მაშინ, როცა დაავადებებთან ბრძოლის ბუნებრივი მეთოდებიც არსებობს. ფილიპ შტაინჰაიმის ვარაუდით, დიდი ალბათობით, ქართველმა მეწარმეებმა არ იციან, რომ ანტიბიოტიკებიან თაფლს ევროკავშირის ბაზარზე ვერ გაყიდიან. მათი ცოდნის ამაღლების მიზნით ხვალინდელ პრეზენტაციაზე მეწარმეთა გადამზადებაც იგეგმება.


ფილიპ შტაინჰაიმი ქართველ მეფუტკრეებს ურჩევს, რომ საექსპორტო თაფლის სინჯები უცხოეთში აიღონ და თაფლის ექსპორტზე გატანა ერთი ქოლგის ქვეშ განახორციელონ.


„არის ე.წ. სწრაფი ტესტები, რომლითაც შეგვიძლია, თაფლი უცებ შევამოწმოთ და პირველადი შედეგი მივიღოთ. ექსპორტისთვის, რა თქმა უნდა, სრულყოფილი ტესტირება უნდა გავიაროთ, რაც საზღვარგარეთ არის ხელმისაწვდომი. ევროპაში, როგორც წესი, ტესტირებას თავად ბიზნესი უზრუნველყოფს და არა სახელმწიფო. თავად ბიზნესია დაინტერესებული, რომ სუფთა თაფლი ჰქონდეს. ბევრი ქართველი მეფუტკრე და ორგანიზაციაა გაერთიანებული და ჩვენი აზრით, უმჯობესია, კიდევ უფრო მეტი გაერთიანდეს ერთი ქოლგის ქვეშ. ევროპაში სახელმწიფო ითხოვს, რომ ერთი ასოციაცია იყოს და არა ათი ან თხუთმეტი, სადაც განხილვები მოეწყობა. ჩვენი რეკომენდაციაა, ქართველი მეფუტკრეები უფრო მეტად გაერთიანდნენ და ერთად იმუშაონ, რადგან ერთიანი ქოლგის ქვეშ, როდესაც თაფლი ერთი ბრენდით არის გაერთიანებული, ექსპორტიც უფრო მარტივია“, – განუცხადა ფილიპ შტაინჰაიმმა „ბიზნესპარტნიორს“.


1tv.ge






კომერციული ატაშეს თანამდებობა უქმდება

კომერციული ატაშეს თანამდებობა უქმდება
access_time2019-12-15 11:00:41
კომერციული ატაშეს თანამდებობა უქმდება და მის ნაცვლად, უცხო სახელმწიფოში ეკონომიკურ საკითხებზე საქმიანობის განხორციელება საქართველოს საგანგებო და სრულუფლებიან დესპანს დაეკისრება. შესაბამისი ცვლილებები „დიპლომატიური სამსახურის შესახებ“ კანონში შედის, რომლის ინიცირება 16 დეკემბრის ბიუროს სხდომაზე...

„სახელმწიფო შესყიდვებისა და ტენდერის გამოცხადების დროს, რეალური კონკურენცია უნდა არსებობდეს“

 „სახელმწიფო შესყიდვებისა და ტენდერის გამოცხადების დროს, რეალური კონკურენცია უნდა არსებობდეს“
access_time2019-12-15 12:00:58
რადიო „კომერსანტის“ გადაცემაში „ბიზნესი და სამართალი“ ნინო ლიპარტიასთან ერთად თბილისის სააპელაციო სასამართლოს ადმინისტრაციული პალატის მოსამართლემ, ხატია არდაზიშვილმა სახელმწიფო შესყიდვებზე, შესყიდვების პროცესში დისკვალიფიკაციასა და მის შედეგებზე ისაუბრა. „სახელმწიფო შესყიდვები ძალიან რთული და საინტერესო თემაა.შესყიდვა...

„საყოველთაო ჯანდაცვის პროგრამა ყველა მთავრობის წყევლაა, მისი გაუქმება პოლიტიკური თვითმკვლელობის ტოლფასია“

„საყოველთაო ჯანდაცვის პროგრამა  ყველა მთავრობის  წყევლაა, მისი გაუქმება პოლიტიკური თვითმკვლელობის ტოლფასია“
access_time2019-12-15 10:00:50
რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ PMC კვლევითი ცენტრის დირექტორმა, გიორგი ხიშტოვანმა ქართულ ეკონომიკაში არსებული მდგომარეობა შეაფასა და 2020 წლის პერსპექტივები ისაუბრა. მისი თქმით, ლარის გამყარებაზე დადებითი როლი რამდენიმე ფაქტორმა ითამაშა. გიორგი ხიშტოვანი საზოგადოების მხრიდან ეროვნული ბანკის მიმართ ნდობის გაზრდაზე საუბრობს და ამბობს,რომ ლარის გამყარება ეკონომიკურ მაჩვენებლებში არსებულ კონკრეტულ ცვლილებებთან არ არის...

მესტიის ყოფილი საპრეზიდენტო რეზიდენცია აუქციონზე 7.5 მლნ ლარად გაიყიდა

მესტიის ყოფილი საპრეზიდენტო რეზიდენცია აუქციონზე 7.5 მლნ ლარად გაიყიდა
access_time2019-12-14 15:00:33
კამპანია „100 საინვესტიციო შეთავაზება ბიზნესს“ ფარგლებში, მესტიის ყოფილი საპრეზიდენტო რეზიდენცია ელექტრონულ აუქციონზე ცოტა ხნის წინ გაიყიდა. აუქციონის საწყისი ფასი 1 840 000 ლარი იყო, თუმცა ვაჭრობის შედეგად ყოფილი რეზიდენცია 7 510 000 ლარად გაიყიდა. რეზიდენცია კომპანია „აი ღვინის სახლმა“ იყიდა. კომპანიის  მფლობელი ყოფილი სპორტსმენი და მოქმედი ბიზნესმენი ბენო ქაშაკაშვილია.   ქაშაკაშვილი „ქართული ოცნების“ ერთ-ერთი მსხვილი შემომწირველია . ბიზნესმენმა...

საქართველოში პირველი ხის კენწეროების ბილიკი მოეწყობა

საქართველოში პირველი ხის კენწეროების ბილიკი მოეწყობა
access_time2019-12-14 11:00:58
ლაგოდეხის დაცულ ტერიტორიებზე საქართველოში პირველი, ხის კენწეროების ბილიკი მოეწყობა, პროექტირების სამუშაოები უკვე დასრულებულია. ხის კენწეროების ბილიკები მოიცავს კოშკურებს, საჰაერო ბილიკს, ხიდებს, საგანმანათლებლო და საინტერპრეტაციო ინტერაქტიულ პორტალებს. მსგავსი ბილიკები მხოლოდ მსოფლიოს წამყვან ეროვნულ პარკებშია. ბილიკი, წინასწარი გათვლებით 1 წლის განმავლობაში 60 000 – 100 000 ადამიანის მასპინძლობას შეძლებს. პროექტის მიხედვით, ბილიკი წრიული იქნება და მისი სიგრძე 500 მეტრი...


მსგავსი სიახლეები

up