FDI-ს კლება და ლარის გაუფასურება ერთმანეთთან პირდაპირ კავშირშია - ლევან ვეფხვაძე

FDI-ს კლება და ლარის გაუფასურება ერთმანეთთან პირდაპირ კავშირშია - ლევან ვეფხვაძე

access_time2020-12-10 12:00:00

საქართველოს ბიზნესასოციაციის (BAG) აღმასრულებელი დირექტორისთვის პირდაპირი უცხოური ინვეტიციების მესამე კვარტლის მაჩვენებლები საკმაოდ დაბალია. როგორც „ბიზნესპარტნიორთან“ ლევან ვეფხვაძე აღნიშნავს, FDI-ს არსებული მოცულობა თითქმის მხოლოდ რეინვესტირების ხარჯზე გვაქვს. ამის ერთ-ერთ მიზეზად ვაფხვაძე გლობალურ პანდემიას ასახელებს, თუმცა, აქვე მკაფიოდ აღნიშნავს, რომ პირდაპირი უცხოური ინვესტიციები ბოლო წლების განმავლობაში ისედაც კლების ტენდენციით გამოირჩევა.



„პირდაპირი უცხოური ინვესტიციების მაჩვენებელზე ახლა გავლენას გლობალური პანდემია ახდენს. ფაქტია, როდესაც ასეთი გაურკვევლობაა, ინვესტორები არა მარტო საქართველოში, არამედ, გლობალურად არიან გაჩერებულები და ურჩევნიათ ნაღდი ფული მათთან დარჩეს, კრიზისის დროს ეს ურჩევნიათ, ვიდრე რაღაც ტიპის აქტივი. ამიტომაც მსოფლიო ბაზარზე აქტივობა არ არის.ზოგადად, 2017 წლის შემდეგ ჩვენ FDI-ის კლება გვაქვს. თუ ბოლო 2-3 წელია რაღაც არის შენარჩუნებული, ძირითადად რეინვესტირების ხარჯზეა. ესტონურ მოდელზე გადასვლამ გარკვეულწილად წაახალისა რეინვესტირება. ეს რომ გამოვრიცხოთ, კლება კატასტროფულია“,- ამბობს ვეფხვაძე.



BAG-ის აღმასრულებელი დირექტორი ფიქრობს, რომ FDI-ს კლება და ლარის გაუფასურება ერთმანეთთან პირდაპირ კავშირშია.



„ზოგადად, უცხოური ინვესტიციებისა და ლარის კურსის ვარდნის დინამიკას რომ შეხედოთ, ძალიან თანმხვედრია. თითქმის ერთია. კამათი შეიძლება წავიდეს იმაზე, თუ რომელი რისი წინაპირობაა, მაგრამ ფაქტია, ეს ყველაფერი დინამიკაში ერთმანეთს მიჰყვება. თუ ლარის კურსის გამო დაეცა FDI მაშინ ლარის კურსს უნდა მივხედოთ, თუ პირიქით ხდება, მაშინ FDI-ს უნდა მივხედოთ“,- ამბობს BAG-ის დირექტორი, ლევან ვეფხვაძე.




ცნობისთვის, სტატისტიკის ეროვნული სამსახურის ინფორმაციით, საქართველოში განხორციელებული პირდაპირი უცხოური ინვესტიციების მოცულობამ 2020 წლის III კვარტალში 302.6 მლნ. აშშ დოლარი შეადგინა, რაც 2019 წლის III კვარტალის დაზუსტებულ მონაცემებზე 23.6 პროცენტით ნაკლებია.



სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 2020 წლის III კვარტალში 66.8 პროცენტი შეადგინა. ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 128.3 მლნ. აშშ დოლარს მიაღწია, რაც მთლიანი პირდაპირი უცხოური ინვესტიციების 42.4 პროცენტია. მეორე ადგილზე იმყოფება ენერგეტიკის სექტორი - 37.1 მლნ. აშშ დოლარით, ხოლო მესამეზე - დამამუშავებელი მრეწველობის სექტორი 36.6 მლნ. აშშ დოლარით.



2020 წლის III კვარტალში შემცირება ძირითადად მოდის სასტუმროების და რესტორნების (28 მლნ. აშშ დოლარით), ტრანსპორტის (21 მლნ. აშშ დოლარით) და უძრავი ქონების (16 მლნ. აშშ დოლარით) სექტორებზე.



business-partner.ge







მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up