ფატმა ჯერენ იაზგანი - საქართველო არის ერთ-ერთი ქვეყანა, რომელსაც კორონავირუსით არც ერთი გარდაცვლილი არ ჰყავს და ვიმედოვნებ, რომ მომავალშიც არ ეყოლება

ფატმა ჯერენ იაზგანი - საქართველო არის ერთ-ერთი ქვეყანა, რომელსაც კორონავირუსით არც ერთი გარდაცვლილი არ ჰყავს და ვიმედოვნებ, რომ მომავალშიც არ ეყოლება

access_time2020-03-31 23:00:22

მინდა, მადლობა გადავუხადო საქართველოს მთავრობას, საქართველოს მოსახლეობას, რომლებმაც იმოქმედეს ძალიან სწრაფად და რომლებიც იცავენ წესებს, რათა ეს პანდემია საქართველოში კონტროლის ქვეშ მოექცეს, – ამის შესახებ საქართველოში თურქეთის ელჩმა, ფატმა ჯერენ იაზგანმა საქართველოს პირველ არხთან ინტერვიუს დროს განაცხადა.

 

„საქართველო არის ერთ-ერთი ქვეყანა, რომელსაც ამ დრომდე კორონავირუსით არც ერთი გარდაცვლილი არ ჰყავს და ვიმედოვნებ, რომ მომავალშიც არ ეყოლება. ვფიქრობ, რომ მთავრობა პრობლემას ძალიან კარგად უმკლავდება. ზომები, რომლებსაც ყველა მთავრობა მიმართავს, საკმაოდ ჰგავს ერთმანეთს. თავდაპირველად, თურქეთში ეს დაიწყო მოქალაქეებისადმი მოწოდებით, რომ შეზღუდონ გადაადგილება, დარჩნენ სახლში“, – აღნიშნა ელჩმა.

თურქეთის ელჩმა ასევე ისაუბრა იმ შეზღუდვების შესახებ, რომელიც თურქეთში დაწესდა.

 

„აშკარაა, რომ ჯანდაცვის სისტემას გამოწვევასთან გამკლავებაში დახმარება უნდა გავუწიოთ. სამწუხაროდ, როდესაც ნებაყოფლობითმა იზოლაციამ და კარანტინმა არ იმუშავა, ჩვენს მთავრობას ასევე მოუწია გარკვეული ზომების მიღება, მათ შორის 65 წელს გადაცილებული მოქალაქეებისთვის გარეთ გასვლის აკრძალვა, რადგან ისინი რისკ-ჯგუფს წარმოადგენენ. ასევე, შეზღუდვები დაუწესდა საზოგადოებრივ ტრანსპორტს, ჩვენ შევზღუდეთ ქალაქებს შორის გადაადგილება, რაც თურქეთში მყოფ საქართველოს მოქალაქეებსაც შეეხოთ. ქალაქიდან ქალაქში გადასაადგილებლად საჭიროა სპეციალური ნებართვა, შემოღებულია ტრანსპორტით გადაადგილების განსაკუთრებული წესი. მთავრობა აკონტროლებს ყველა მუნიციპალიტეტის შესასვლელსა და გასასვლელს. თურქეთის შინაგან საქმეთა სამინისტრომ უკვე განაცხადა, რომ თუ ამ წესებს მოქალაქეები არ დაიცავენ, შეზღუდვები კიდევ უფრო გამკაცრდება“, – განაცხადა თურქეთის ელჩმა.

 

1tv.ge





„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას
access_time2020-05-26 12:00:56
ამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის. აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება. „ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ...

სასტუმრო „ბორჯომი-ლიკანი“ ღია აუქციონზე გაიყიდება

სასტუმრო „ბორჯომი-ლიკანი“ ღია აუქციონზე გაიყიდება
access_time2020-05-26 14:30:16
„საპარტნიორო ფონდი“ სასტუმრო „ბორჯომი – ლიკანში“ ინვესტორის შემოყვანას პოსტკრიზისულ პერიოდში გეგმავს.ფონდის აღმასრულებელი დირექტორი ამბობს, რომ აქტივი ღია აუქციონზე გაიყიდება, თუმცა ამისთვის შესაფერისი გარემო უნდა იყოს. ლიკანში მდებარე სასტუმროს გაყიდვა ფონდმა გასულ წელს დეკემბერში სცადა, თუმცა 37,5 მლნ ლარად გამოტანილ სასტუმროს მყიდველი არ გამოუჩნდა. თუმცა, როგორც ჩანს პროცესი ამით არ დასრულებულა. დღეს დავით საგანელიძემ თქვა, რომ „საპარტნიორო ფონდს“ და ერთ-ერთ მსხვილ...

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...


მსგავსი სიახლეები

up