„გვაქვს ფასების ყოველდღიური ზრდა, ადამიანები შედიან მაღაზიაში, აფთიაქში და ხედავენ ყოველდღიურად გაზრდილ ფასებს, ძალიან გთხოვთ პასუხისთვის ეროვნული ბანკისკენ ხელს ნუ გაიშვერთ, რადგან ბანკი და მთავრობა შეთანხმებულად მოქმედებს მოქალაქეების საზიანოდ“, - ამ ტექსტით მიმართა „ევროპული საქართველოს“ წევრმა, ზურაბ ჭიაბერაშვილმა ნათი თურნავას. სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.
„ქალბატონო ნათია ვიდრე კორონა კრიზისი დაიწყებოდა ფასების ზრდა იყო უმწვავესი პრობლემა თითოეული მოქალაქისათვის და ეს კიდევ უფრო გამწვავდა ამ კრიზისის პერიოდში. ჩვენ გვაქვს ფასების ყოველდღიური ზრდა, ადამიანები შედიან მაღაზიაში, აფთიაქში და ხედავენ ყოველდღიურად გაზრდილ ფასებს, ძალიან გთხოვთ პასუხისთვის ეროვნული ბანკისკენ ხელს ნუ გაიშვერთ, რადგან ბანკი და მთავრობა შეთანხმებულად მოქმედებს მოქალაქეების საზიანოდ, ზუსტად იმიტომ რომ არ ამცირებთ გადასახადებს, არ ტოვებთ ფულს ხალხში ,რომ ეკონომიკამ ნელ - ნელა წილი წამოიღოს ამ უმძიმეს პირობებში, ყველაზე კარგად ეკონომიკას ლარის კურსი ასახავს რომელიც დღითიდღე გვეცლება ხელიდან, ორჯერ არის გაუფასურებული ბოლო 8 წლის განმავლობაში არასწორი ეკონომიკის გამო და ლარის კურსს პირდაპირი ზეგავლენა აქვს ფასებზე. ეს არის იმხელა ტვირთი რომელსაც ჩვენი მოქალაქეები პრაქტიკულად ვერ ეწევიან. მე დავდივარ ოთხ მუნიციპალიტეტში ლაგოდეხში, ყვარელში. ახმეტაში, თელავში და ერთერთი ყველაზე მთავარი თემა უმუშევრობის შემდეგ არის ზუსტად ის რომ მოქალაქეებს აშინებთ ფასები.
ბოლოს სრულიად გაუგებარია, ჩვენი მოქალაქეებისათვის როგორ ხდება ის რაც მათ სჭირდებათ იმაზე ფასები განუსაზღვრელად იზრდება. კახეთში რთველია და მათ ყურძნის ფასი აწუხებთ, იმაზე რაზეც ფასი არასოდეს იზრდება, მეტიც თქვენი ხელისუფლების პირობებში არა მარტო ლარმა დაკარგა მსყიდველუნარიანობა არამედ ყურძნის ფასი 80 თეთრზე ჩავიდა რაც სრულიად გაუგონარი ფაქტია“, - განაცხადა ჭიაბერაშვილმა.