ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

access_time2019-01-19 21:30:38

ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება.

წყარო კურიერს უყვება, რომ პარტია ქართულ ოცნების ლიდერს სპეცსამსახურებმა გიორგი კვირიკაშვილის და მამუკა ხაზარაძის შეხვედრის ჩანაწერი მიუტანეს. შინაარსი ივანიშვილისთვის შოკისმომგვრელი აღმოჩნდა.

პრესა.ჯი-ს დამფუძნებელი კურიერს უყვება იმ აუდიო ფაილის შესახებ, რომელმაც 2018 წლის ზაფხულში ქვეყანაში ახალი პოლიტიკური რეალობა შექმნა.

სიტყვა ოლიგარქის მოსმენამ ბიძინა ივანიშვილი გააბრაზა. პარტია ქართულიოცნების თავმჯდომარეს გაუჩნდა განცდა, რომ მას შიდა გადატრიალებას უწყობდნენ. ამას დაემატა კიდევ ერთ ამბავი - ივანიშვილთან მისი გუნდის წევრები მივიდნენ და უთხრეს, რომ კვირიკაშვილი უცხოეთში შეხვედრებზე არაფორმალური მმართველობის პრობლემებზე ღიად ლაპარაკობს.

ის, რომ შიდა ხავერდოვან რევოლუციას უმზადებდნენ და მმართველობიდან ჩამოცილება იგეგმებოდა, ივანიშვილმა პოლიტიკაში დაბრუნებისთანავე თქვა. პირველი ინტერვიუში მან მიანიშნა, რომ, თუ მართვის სადავეებს ოფიციალურად სასწრაფოდ არ დაიბრუნებდა, იყო რისკი, რომ პარტიაზეც და ხელისუფლებაზეც გავლენები საბოლოოდ დაეკარგა.

თინა ხიდაშელი, რომელმაც ბიძინა ივანიშვილის გუნდში რამდენიმე წელი გაატარა, ოლიგარქის თამაშის წესებს კარგად იცნობს, ამიტომ არ უჭირს ახსნას, რატომ დაუპირისპირდა ივანიშვილი ქვეყნის ერთ-ერთ მთავარ ბანკირს, მამუკა ხაზარაძეს. 


ის ამბობს, რომ მიზეზი ფულია. 2020 წლის არჩევნების წინ ივანიშვილს ხაზარაძის ფულის ეშინია. თუ ხაზარაძე ოპოზიციას დააფინანსებს, მაშინ ივანიშვილის გუნდი არჩევნებზე მარცხისთვის არის განწირული.

კურიერს სანდრო წყარო ქართული ოცნებიდან უყვება, რომ მამუკა ხაზარაძე გიორგი კვირიკაშვილზე ფსონს ნამდვილად დებდა. წლების განმავლობაში ბანკირი ამერიკაში ქირაობდა ლობისტებს, რომლებიც ამერიკის მთავრობას არწმუნებდნენ, რომ კვირიკაშვილი სანდო და პროდასავლური ლიდერი იყო, რომელზეც დაყრდნობა შეიძლებოდა. ამ სვლით ხაზარაძე კვირიკაშვილისთვის ყიდულობდა იმუნიტეტს, რომ მისი გადაყენება არც ისე ადვილი ყოფილიყო და უმზადებდა პოლიტიკურ ნიადაგს დამოუკიდებელი თამაშისათვის.

ხაზარაძე-კვირიკაშვილის საიდუმლო შეთქმულების განცდა ივანიშვილს ანაკლიის პროექტმაც გაუძლიერა, როდესაც პრემიერად მუშაობის დროს კვირიკაშვილმა მამუკა ხაზარაძეს ქვეყნის მთავარი პროექტი ჩააბარა. 

სპეცოპერაცია ერთდროულად კვირიკაშვილის და ხაზარაძის წინააღდეგ 2018 წლის მაისში დაიწყო. ჯერ კვირიკაშვილს გადაგომა აიძულეს, შემდეგ კი მამუკა ხაზარაძის ბანკში შემოწმებაზე ფინანსური მონიტორინგის სამსახური შევიდა. 

ხაზარაძე პირველია და არა ბოლო, ვინც ივანიშვილის სამიზნე გახდა. TBC ბანკის საქმეს ისევ პროკურატურა იძიებს.

დააკავებენ თუ არა ქვეყნის ერთ-ერთ მთავარ ბანკირს, ამ კითხვაზე მკაფიო პასუხი არ არის. თაროზე შემოდებული საქმით ივანიშვილმა ხაზარაძე გაანეიტრალა. მამუკა ხაზარაძემ კი, მძიმე ბრალდებებზე პასუხის ნაცვლად, გაჩუმება არჩია.





„დღეს კონსტიტუციური კანონი პირველი მოსმენით არ ჩავარდნილა, რადგან კონსტიტუციის ცვლილების მისაღები ქვორუმი არის 100“ - ზვიად კორძაძე

„დღეს კონსტიტუციური კანონი პირველი მოსმენით არ ჩავარდნილა, რადგან კონსტიტუციის ცვლილების მისაღები ქვორუმი არის 100“ - ზვიად კორძაძე
access_time2019-11-14 21:35:43
...

მამუკა ხაზარაძის მიმართვა ბიზნესმენებს

მამუკა ხაზარაძის მიმართვა ბიზნესმენებს
access_time2019-11-14 21:45:32
საზოგადოებრივი მოძრაობა „ლელოს“ დამფუძნებელმა  მამუკა ხაზარაძემ პარლამენტის წინ აქციაზე გამოსვლისას ბიზნსმენებს მიმართა და აღნიშნა, რომ „დღეიდან ყველამ ძალიან მწყობრი ნაბიჯებით ეს ქვეყანა უნდა გამოვიყვანოთ არსებული მდგომარეობიდან“. მინდა მოვუწოდო ჩემ ძმებს, ჩემ მეგობრებს, ბიზნესმენებს. ძმებო ასეთი ტყუილების ქვეყანა არ გამოვა, ვერც ბიზნესი გაიხარებს, ვერაფერი ვერ გაიხარებს . მე ვიცი რა მდგომარეობაში გვიწევდა შრომა და მუშაობა 30 წლის განმავლობაში. ყველა...

15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის ახალ სტანდარტებზე გადადის

15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის ახალ სტანდარტებზე გადადის
access_time2019-11-14 18:40:11
საქართველოს ბიზნეს ასოციაციასა (BAG) და საქართველოს სტატისტიკის ეროვნულ სამსახურს შორის სამუშაო შეხვედრისას საქსტატის აღმასრულებელმა დირექტორმა გოგიტა თოდრაძემ ასოციაციის წევრი კომპანიების წარმომადგენლებს ეროვნულ ანგარიშთა სისტემის (ეას) ახალი მეთოდოლოგია წარუდგინა. შეხვედრას ესწრებოდა ასოციაციის პრეზიდენტი, სოსო ფხაკაძე და აღმასრულებელი დირექტორი, ლევან ვეფხვაძე. მიმდინარე წლის 15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის (ეას) ახალ...

თინა ხიდაშელი: სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად

თინა ხიდაშელი: სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად
access_time2019-11-14 18:05:57
სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად - წერს სოციალურ ქსელში ორგანიზაცია „სამოქალაქო იდეის“ დამფუძნებელი თინათინ ხიდაშელი.    1.საჯაროდ მიმართოს იმ 8 დეპუტატს ვინც დატოვა უმრავლესობა დაბრუნდნენ, რადგან სწორედ მათი პოზიცია არის თანხვედრაში პარტიის ხაზთან - მხარს ვუჭერთ 2020 პროპორციულ არჩევნებს. შესაბამისად, ისინი უნდა დარჩნენ პარტიაში.   2. პარტიიდან უნდა გარიცხოს ყველა, ვინც დღეს პარტიის...

აშშ-ის საელჩო - გული გვწყდება, რომ დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი

აშშ-ის საელჩო - გული გვწყდება, რომ დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი
access_time2019-11-14 17:49:00
ჩვენ გული გვწყდება, რომ მიუხედავად ოპოზიციური პარტიების მხარდაჭერისა, დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი, - ამის შესახებ ნათქვამია საკონსტიტუციო ცვლილებების კენჭისყრასთან დაკავშირებით, საქართველოში აშშ-ის საელჩოს განცხადებაში. როგორც განცხადებაშია აღნიშნული, ამერიკის საელჩომ თავის დროზე დადებითად შეაფასა პარტია „ქართული ოცნების“ მიერ განცხადებული განზრახვა, 2020 წელს სრულ პროპორციულ...


მსგავსი სიახლეები

up