ბათუმში, „ფარფურის“ მაღაზიათა ქსელი ცოტა ხნის წინ გამოჩნდა. ქსელის მეპატრონეებმა რამდენიმე დღის წინ ფარნავაზ მეფის 139 ნომერში, მეორე ფილიალი გახსნეს.
როგორც „კომერსანტს“ მარკეტის დირექტორმა დავით ბუქიძემ განუცხადა, სახელწოდება „ფარფური“ დამფუძნებლის - მერაბ ფარტენაძის იდეა იყო და მას მარკეტინგული გათვლა არ ჰქონია და ჰიპერმარკეტების ქსელ „კარფურთან“ კავშირში არ არის.
„სახელწოდება „ფარფური“ დამფუძნებლის იდეა იყო. ჰიპერმარკეტ „კარფურთან“ კავშირში არ არის. რაც შეეხება დაინტერესებას, საკმაოდ მაღალია - მომხმარებლები კმაყოფილები არიან, მოსწონთ ფასები, პროდუქცია.
ჩვენ კონკურენციით არ ვსარგებლობთ. დაბალი ფასები გამოწვეულია მომწოდებლების მიერ ჩვენთვის გაკეთებული ფასდაკლებებით. როგორსაც ჩვენ გვიკეთებენ, ანალოგიურ ფასდაკლებას ვუკეთებთ მომხმარებლებს. „ - განმარტავს დავით ბუქაძე.
„ფარფურისთვის“ პრიორიტეტული საკითხი სოციალური პასუხისმგებლობა აღმოჩნდა. რის საფუძველზეც მაღაზიათა ქსელის დამფუძნებლის ინიციატივით მარკეტი უკიდურეს გაჭირვებაში მყოფი პირებს უფასო პურითა და სხვადასხვა პროდუქციით ეხმარება.
“ფარფურის“ დამფუძნებელი გაჭირვებული ადამიანების დასახმარებლად თანხას პირადი ბიუჯეტიდან გამოჰყოფს. მარკეტი კი ამ პროექტის განხორციელებაში ეხმარება.“- განაცხადა მარკეტის დირექტორმა.
მაღაზიათა ქსელი „ფარფური“ სამომავლოდ ჯერ ისევ ბათუმში, ხოლო შემდგომ სრულიად საქართველოს მასშტაბით გეგმავს ფილიალების დამატებას. როგორც „კომერსანტს“ დავით ბუქაძემ განუცხადა, მათი მიზანი სხვა ქსელებთან კონკურენცია არ არის და შესაბამისად არც ფასები შეიცვლება.
„ფარფურის“ რიგით პირველი ფილიალი ბათუმში, აეროპორტის გაზატკეცილზე N228-ში მდებარეობს.
ანი ცარციძე