საქართველოს ბანკმა მომხმარებელს ფაქტორინგი − ვაჭრობის ფინანსირების ერთ-ერთი ყველაზე მოქნილი პროდუქტის − ციფრულ ეკოსისტემაშიშესთავაზა. შედეგად, ბიზნესს შესაძლებლობა ეძლევა ოპერაციები განახორციელოს ონლაინ, თვალი ადევნოს მთელ ამ პროცესს და ჰქონდეს მუდმივად განახლებული ინფორმაცია.
ფაქტორინგი საქართველოს ბანკმა ჯერ კიდევ 2007 წელს, პირველმა დანერგა. მას ის უპირატესობა აქვს, რომ არ მოითხოვს დამატებით უზრუნველყოფას.
რა არის ფაქტორინგი?
ფაქტორინგი ინვოისების საფუძველზე დაფინანსების მიღებას გულისხმობს, ამისათვის არ მოითხოვება დამატებითი უზრუნველყოფა და თანხა გაიცემა მაშინაც კი, როცა საკრედიტო ლიმიტი ამოწურული გაქვთ.
ძირითადად, ფაქტორინგი გამოიყენება ისეთ ბიზნესსაქმიანობაში, როგორებიცაა: წარმოება, საბითუმო ვაჭრობა, დისტრიბუცია, მშენებლობა, ჯანდაცვა, ტრანსპორტირება და სხვა.
კიდევ რა სარგებელი მოუტანა ბიზნესს ფაქტორინგის გაციფრულებამ?
- თუ თითოეული ინვოისის დაფინანსებაზე კლიენტს (ზოგ შემთხვევაში დებიტორსაც) ბანკში მისვლა უწევდა, ახლა საკმარისი იქნება მხოლოდ ერთი ვიზიტი ხელშეკრულების გასაფორმებლად. დანარჩენი პროცედურების გავლა კი ონლაინაა შესაძლებელი
- ახალი ციფრულ ეკოსისტემაში გაჩნდა ფაქტორინგის ლიმიტის შესაძლებლობა (6 თვიანი), რომლის ფარგლებში ბიზნესი მარტივად და სწრაფად შეძლებს დაფინანსების მიღებას, შესაბამისად შემცირდა დაფინანსების მიღების დრო;
- კომპანიას ექნება ფაქტორინგის გვერდი ბიზნესინტერნეტბანკში, სადაც შეძლებს მისი მიმდინარე დაფინანსების ნახვას, ხოლო ფაქტორინგის პორტალზე პროცესების მონიტორინგს რისი საშუალებაც აქამდე არ ჰქონდა
ბიზნეს სუბიექტისთვის დებიტორის როლში:
- მარტივი ფორმით უზრუნველყოფს ინვოისების დადასტურებასა, ხოლო ბიზნესინტერნეტბანკში ახალი საბილინგო სისტემის მსგავსი ფუნქციონალით ინვოისების გადახდას.
- დებიტორის როლში მყოფ ბიზნესს ფაქტორინგი აძლევს გადახდის გადავადების შესაძლებლობას და ელექტრონული პლატფორმით ეს უფრო მარტივად მიიღწევა
დამატებითი სარგებელი ბიზნეს, რომელიც არ არის კავშირში გაციფრულებასთან:
ფაქტორინგის ფასი სხვა საკრედტირო პროდუქტებთან შედარებით უფრო ნაკლებია. მას საკრედიტო ხაზთან ან სესხთან შედარებით ის უპირატესობა აქვს, რომ შესაძლებელია უფრო მეტი დაფინანსების მიღება.
ფაქტორინგით სარგებლობა შესაძლებელია:
• სამუშაო კაპიტალის გასაზრდელად;
• ხელფასების გადასახდელად;
• ფულადი ნაკადების გასაზრდელად;
• მარაგების შესავსებად;
• ბიზნესის გაფართოებისთვის;
• ახალი ბიზნესის მიმართულების შესაქმნელად.
მიუხედავად ძირითადი ბიზნეს სექტორებისა, თუ ბიზნესი რეგულარულად ახდენს პროდუქციის მიწოდებას ან მომსახურების სერვისს, მაშინ მას შეუძლია გამოიყენოს ეს პროდუქტი ბიზნესის განსავითარებლად.
აღნიშნული სიახლით ბიზნესის წარმომადგენლებს შესაძლებლობა ექნებათ თითქმის ყველა პროცედურა ციფრულად შეასრულონ. ასევე, თუ ბიზნესი დაინტერესებულია ამ სერვისით, ბანკთან შეთანხმების შემდეგ, მას პირდაპირ ბიზნესინტერნეტ ბანკში გაუაქტიურდება ფაქტორინგული სერვისი და პროცესების მართვას ციფრულად განახორციელებს.
დამატებითი ინფორმაციისთვის შეგიძლიათ ეწვიოთ ბმულს:
(R)