FAO-ს გენერალური დირექტორი: პანდემიით გამოწვეულმა ეკონომიკურმა ვარდნამ და სამუშაოების დაკარგვამ ადამიანებს ჯანსაღ და საკმარის საკვებზე ხელმისაწვდომობა შეუზღუდა

FAO-ს გენერალური დირექტორი: პანდემიით გამოწვეულმა ეკონომიკურმა ვარდნამ და სამუშაოების დაკარგვამ ადამიანებს ჯანსაღ და საკმარის საკვებზე ხელმისაწვდომობა შეუზღუდა

access_time2020-10-30 23:00:00

FAO-ს გენერალური დირექტორი, კუ დონჟუ ღია წერილს აქვეყნებს. ინფორმაციას FAO ავრცელებს.


 

„2-4 ნოემბერს, გაეროს სურსათისა და სოფლის მეურნეობის ორგანიზაცია (FAO) „ევროპის 32-ე რეგიონულ კონფერენციას“ ატარებს, რომლის ვირტუალური მასპინძელი წელს უზბეკეთია. ღონისძიებაში მოწილე ქვეყნებს, მათ შორის საქართველოს მთავრობას, საშუალება ექნებათ, ჩაერთონ დისკუსიაში, თემაზე - თუ როგორ უნდა გარდავქმნათ აგრო-სასურსათო სისტემები, რომ მივაღწიოთ მდგრადობას როგორც რეგიონში, ასევე მთელ მსოფლიოში.


FAO-ს რეგიონულ კონფერენციაში მონაწილეობს FAO-ს წევრი ყველა ქვეყანა, ევროპისა და ცენტრალური აზიის რეგიონიდან: ლისაბონიდან ვლადივოსტოკამდე და არქტიკული წრიდან ცენტრალური აზიის პამირის მთებამდე. რეგიონი ძალიან მრავალფეროვანია და მასში შემავალი სასურსათო სისტემებიც რადიკალურად განსხვავებულია ერთმანეთისგან.


COVID-19-ის პანდემიამდეც, აგროსასურსათო სისტემების მდგრადობა ყურადღებას იპყრობდა რეგიონში, განსაკუთრებით, ჭარბწონიანობის ფონზე, რომელიც, 2019 წლის მონაცემებით, 23 პროცენტს შეადგენდა ევროპაში და 18-ს ცენტრალურ აზიაში. ასევე, შემცირებული იყო საკმარის საკვებზე ხელმისაწვდომობის მაჩვენებელი და საკვებში მიკრონუტრიენტების დეფიციტი კი - გაზრდილი.


პანდემიამ კვების პრობლემა კიდევ უფრო დაამძიმა. საკვები საკმარისად იწარმოება, მაგრამ ეკონომიკურმა ვარდნამ და სამუშაოს დაკარგვამ ადამიანებს ჯანსაღ და საკმარის საკვებზე ხელმისაწვდომობა შეუზღუდა. 



სურსათის წარმოებისა და მიწოდების ქსელი რეგიოინში კარგად მუშაობს, ძირითადად ფერმერების ხარჯზე, რომლებიც თავდაუზოგავად შრომობენ, რომ ჩვენთვის საკვები აწარმოონ, დამიუხედავად პანდემიის გამო შემოღებული შეზღუდვებისა და შექმნილი პრობლემებისა. ევროპისა და ცენტრალური აზიის ბევრ ქვეყანაში საოჯახო მეურნეობები აცხადებენ, რომ მათ გამოიყენეს საკუთარი დანაზოგები, რომ დაეფარათ საწარმოო ხარჯები. მათგან 85 პროცენტი აცხადებს, რომ მათი წამოების გადარჩენა მთლიანად დამოკიდებულია მთავრობის მხრიდან ხელშეწყობაზე, რათა დაფარონ მიმდინარე ხარჯები.


ამ კონტექსტში, საჭიროა შესაბამისი პოლიტიკის გატარება და საჯარო-კერძო სექტორების თანამშრომლობა, რათა შენარჩუნდეს სურსათის წარმოება და გაუმჯობესდეს აგროსასურსათო სისტემების მდგრადობა. ამასთან დაკავშირებული საკითხები, როგორებიცაა - სურსათის უვნებლობა, ბიომრავალფეროვნების კონსერვაცია და ციფრული ინოვაციები - რეგიონული კონფერენციის მთავარი თემები იქნება.


ისეთი ციფრული ტექნოლოგიების გამოყენება, როგორიცაა სატელიტური ფოტოების გადაღება, სენსორული და მობილური აპლიკაციები, რევოლუციური ცვლილებების შემომტანი იქნება ფერმერებისა და საოჯახო შინამეურნეობებისთვის, ისევე როგორც მომხმარებლებისთვის. ციფრულ ტექნოლოგიებს, სულ მცირე, შეუძლია სურსათის ჯაჭვის ოპტიმიზაცია, ბაზრებზე წვდომის გაზრდა, სურსათის დანაკარგების შემცირება, წყლის მენეჯმენტის გაუმჯობესება და მცენარეთა მავნებლებთან ბრძოლა.


COVID-19-ის პანდემიამდე თითქმის 690 მილიონ ადამიანს არ მიუწვდებოდა ხელი საკმარის საკვებზე, 2019 წლის მონაცემებით. FAO-ს უახლეს ანალიზზე დაყრდნობით, პანდემიამ შესაძლოა ამ სტატისტიკას კიდევ 132 მილიონი ადამიანი შემატოს მსოფლიოში. გარდა ამისა, 4.5 მილიარდ ადამიანზე მეტი სუალოდ  დამოკიდებულია აგროსურსათის წარმოებაზე, რათა გამოკვებოს საკუთარი ოჯახი.


პანდემიამ კიდევ უფრო მეტი მნიშვნელობა შესძინა  ფრაზას - არც ერთი ადამიანი არ დავტოვოთ უყურადღებოდ - 2030 წლის გლობალური მიზნების მთავარ პრინციპს. როგორც არასდროს, მთავრობები, საერთაშორისო ორგანიზაციები, კერძო სექტორი, სამოქალაქო საზოგადოება და აკადემიური სექტორი უნდა გაერთიანდნენ და ერთობლივი ძალებით მოახერხონ ამ მნიშვნელოვან გამოწვევებთან გამკლავება.


ძლიერი პარტნიორობა FAO-ს ინიციატივის ცენტრალური ასპექტია, რათა მოხდეს აგროსურსათის სისტემების მდგრადობის გაძლიერება და, საბოლოოდ, შიმშილისა და სიღარიბის დაძლევა. „კერძო სექტორის ჩართულობის ახალი სტრატეგიით“, FAO მიზნად ისახავს კერძო სექტორთან პარტნიორობას, ინოვაციების, ინვესტიციების, სამეცნიერო ექსპერტიზის გასაძლიერებლად.


FAO აქტიურად მუშაობს მსოფლიოს გარშემო, როგორც სტრატეგიული პარტნიორი ქვეყნებში სასოფლო-სამეურნეო და სასურსათო მიმართულების საკანონმდებლო ცვლილებებისა და ეფექტური პოლიტიკის შესამუშავებლად, ასევე ამ ცვლილებების დასანერგად და განსახორციელებლად.


FAO-ს „ევროპის 32-ე რეგიონული კონფერენცია“ მნიშვნელოვანი ღონისძიებაა, რომელზეც FAO-ს მოწოდებები მოქმედებებად უნდა გარდაიქმნას - ახალი იდეებად, ძლიერ პანტნიორობად და ახალ გზებად, რომ შევქმნათ უკეთესი წარმოება, უკეთესი ხელმისაწვდომობა საკვებზე, უკეთესი გარემო და სიცოცხლე.“ – ნათქვამია FAO-ს გენერალური დირექტორის ღია წერილში.




თეგები:
FAO



Die Welt: ამერიკა - პანდემიის მესამე ტალღის მოლოდინში

Die Welt: ამერიკა - პანდემიის მესამე ტალღის მოლოდინში
access_time2020-11-23 20:00:47
კორონაკრიზისი შტატებში ყოველდღიურად სულ უფრო და უფრო მწვავდება, თუმცა, პრეზიდენტი ტრამპი ტვიტერში კომენტარების წერით და გოლფის თამაშითაა დაკავებული. დემოკრატები სიტუაციის შემდგომი გამწვავების თავიდან არიდებას ცდილობენ, მაგრამ თეთრი სახლი ამ მცდელობების ბლოკირებას ახდენს.   ამერიკის ექთნების პროფკავშირის თავჯდომარე მერი ტერნერი შტატ მინესოტას ერთ-ერთ კლინიკაში მუშაობს და ეპიდემიოლოგიური ვითარებას თვალს ფრონტის წინა ხაზიდან ადევნებს.   ამ დღეებში...

Bloomberg: 2021 წელს ნავთობგადამუშავების მსოფლიო ლიდერი ჩინეთი გახდება

Bloomberg: 2021 წელს ნავთობგადამუშავების მსოფლიო ლიდერი ჩინეთი გახდება
access_time2020-11-23 18:00:49
მე-19 საუკუნის ბოლოდან დღემდე მსოფლიო ლიდერი ნავთობგადამუშავების დარგში აშშ იყო - პირველად, ასწლეულების მანძილზე ეს რეალობა იცვლება და პირველ ადგილზე ჩინეთი გადის. სავარაუდოდ, ეს უკვე 2021 წელს მოხვდება. საერთაშორისო ენერგეტიკული სააგენტოს ინფორმაციით, პეკინი ნავთობგადამამუშავებელ სიმძლავრეებს აქტიურად ზრდის და ამ ბაზარზე ლიდერობისთვის ემზადება. კერძოდ, ჩინეთში 4 ნავთობგადამამუშავებელი ქარხანა შენდება, მაშინ, როდესაც შტატებში პირიქით, იხურება -...

ნათია მეზვრიშვილმა თანამდებობა დატოვა

ნათია მეზვრიშვილმა თანამდებობა დატოვა
access_time2020-11-23 15:44:28
მთავრობის ადმინისტრაციის უფროსი ნათია მეზვრიშვილი თანამდებობას ტოვებს. ამის შესახებ ნათია მეზვრიშვილი სოციალურ ქსელში წერს.    "13-წლიანი უკიდურესად საინტერესო და გამოწვევებით სავსე საქმიანობის შემდეგ, დღეს დავტოვე საჯარო სამსახური. მინდა მადლობა გადავუხადო თითოეულ საჯარო მოხელეს, რომლებთან ერთადაც ბევრი წელი გავატარე. მადლობა ყველას - მთავრობაში, პარლამენტში, პოლიტიკაში თუ პოლიტიკის მიღმა, საერთაშორისო პარტნიორებს, არასამთავრობო ორგანიზაციებს, ჟურნალისტებს და...

კარანტინის შემდეგ, კომპანიების 25%-მა საქმიანობა ვერ აღადგინა

კარანტინის შემდეგ, კომპანიების 25%-მა საქმიანობა ვერ აღადგინა
access_time2020-11-23 16:00:45
კარანტინის შემდეგ, კომპანიების 25%-მა ვერ განაახლა საქმიანობა, - ასეთია ინვესტორთა საბჭოს და EBRD-ს მიერ მომზადებული კვლევის შედეგები. მათგან 51%-მა დახურული საზღვრები საქმიანობის განახლების ძირითად შემაფერხებელ მიზეზად დაასახელა. ეს პრობლემა ყველაზე მნიშვნელოვანი სირთულეა არა მხოლოდ ტურიზმთან დაკავშირებული, არამედ თითქმის ყველა სხვა სექტორისთვისაც. შემდეგი ორი მნიშვნელოვანი შეფერხება ეხებოდა მოთხოვნის შემცირებას (20%) და რეგულაციებს (10%).  საქმიანობის განახლების ყველაზე დაბალი...

კომერციული ბანკების მოგება 101,548 მლნ ლარით გაიზარდა

კომერციული ბანკების მოგება 101,548  მლნ ლარით გაიზარდა
access_time2020-11-23 13:00:56
კომერციულმა ბანკებმა 2020 წლის ოქტომბერი 166,189 მლნ ლარის წმინდა მოგებით დაასრულეს.   ეს კი წინა თვესთან შედარებით, 101,548 მლნ ლარით მეტია. სექტემბერში ბანკების წმინდა მოგება 64,641 მლნ ლარს შეადგენდა.   ეროვნული ბანკის ვებ-გვერდზე გამოქვეყნებული სტატისტიკის მიხედვით, 2020 წლის ოქტომბერში კომერციული ბანკების მიერ ჯარიმა/საურავებიდან მიღებულმა შემოსავალმა 5,516 მლნ ლარი; საკონვერსიო ოპერაციებიდან მიღებულმა წმინდა მოგება/ზარალმა -3,257 მლნ ლარი...


მსგავსი სიახლეები

up