„ფაინენშელ თაიმსი“ - რუსეთის საფრთხესთან გასამკლავებლად, საქართველოს დასავლეთისგან მეტი სამხედრო მხარდაჭერა სურს

„ფაინენშელ თაიმსი“ - რუსეთის საფრთხესთან გასამკლავებლად, საქართველოს დასავლეთისგან მეტი სამხედრო მხარდაჭერა სურს

access_time2020-02-23 17:10:46

რუსეთის საფრთხესთან გასამკლავებლად, საქართველოს დასავლეთისგან მეტი სამხედრო მხარდაჭერა სურს, – ამ სათაურით სტატიას ბრიტანული „ფაინენშელ თაიმსი“ აქვეყნებს. პუბლიკაციაში მოყვანილია საქართველოს საგარეო საქმეთა მინისტრის, დავით ზალკალიანის განცხადება, რომლის მიხედვითაც, „რუსეთი აძლიერებს შავი ზღვის რეგიონის სტრატეგიულ კონტროლს, რაზე საპასუხოდაც დასავლეთმა სამხედრო ინვესტიციები უნდა გაზარდოს“.

 

ზალკალიანის თქმით, აშშ-ისა და ევროკავშირის მხრიდან „მეტი ყურადღება და თანამშრომლობაა საჭირო“. ის ყურადღებას ამახვილებს იმ ფაქტზე, რომ „რუსეთი ოკუპირებულ ტერიტორიებზე რაკეტებისა და რადარების განთავსებას აგრძელებს“.

 

„ზალკალიანის ეს განცხადება ცხადყოფს, რომ ენერგორესურსებით მდიდარი სავაჭრო გზისთვის, რომელიც ევროკავშირის წევრი ორი სახელმწიფოს სანაპირო ზოლს მოიცავს, და ერთი მხრივ ევროპას აზიასთან, ხოლო მეორე მხრივ ხმელთაშუაზღვისპირეთს ახლო აღმოსავლეთთან აკავშირებს, ბრძოლა ძლიერდება“, – წერს „ფაინენშელ თაიმსი“.

 

ამის მაგალითად, გამოცემას მოჰყავს 2019 წელს საქართველოს წინააღმდეგ განხორციელებული კიბერთავდასხმა, რომელზე პასუხისმგებლობა აშშ-მა და გაერთიანებულმა სამეფომ რუსეთის სპეცსამსახურებს დააკისრეს.

 

„კიბერთავდასხმის შესახებ გამოხმაურებების გავრცელებამდე „ფაინენშელ თაიმსთან“ ინტერვიუში საქართველოს საგარეო საქმეთა მინისტრმა განაცხადა, რომ რუსეთი ოკუპირებული აფხაზეთის ტერიტორიაზე უახლეს სამხედრო ტექნიკას და ამუნიციას აგზავნის“, – წერს ბრიტანული გამოცემა.

 

„სტრატეგიულად ეს რეგიონი მართლაც ძალიან მნიშვნელოვანია და მას აკლია ევროკავშირისა და დასავლელი პარტნიორების ყურადღება, რაც საშუალებას აძლევს სხვებს, ეს დანაკლისი შეავსონ“,- აცხადებს დავით ზალკალიანი.

 

ბრიტანულ გამოცემასთან საუბრისას ზალკალიანი ამბობს, რომ რუსეთმა ოკუპირებულ აფხაზეთში ჰაერსაწინააღმდეგო სისტემა ეს -300 და უახლესი რადარები განათავსა, ხოლო ანექსირებულ ყირიმში უკვე უახლესი ეს-400 განალაგა.

 

„ეს რუსეთს აძლევს საშუალებას, შავი ზღვის მთელი პერიმეტრი, არამედ მისგან მოშორებით მდებარე ტერიტორიებიც აკონტროლოს“, – აცხადებს საქართველოს საგარეო საქმეთა მინისტრი.


 

მისივე თქმით, „ამის გამო საქართველოს სჭირდება მეტი ყურადღება და თანამშრომლობა ევროკავშირისა და ნატო-ს მოკავშირეებთან, როგორც პოლიტიკურ და სამხედრო, ისე სოციალ-ეკონომიკურ სფეროში“.

 

„ფაინენშელ თაიმსი“ აღნიშნავს, რომ ყირიმის ანექსიის შემდეგ რუსეთმა მნიშვნელოვანად გააძლიერა შავი ზღვის ფლოტი, რამაც ნატო-ს უბიძგა რეგიონში პატრულირება გაზარდოს. სტატიაში ნათქვამია, რომ მოსკოვმა ასევე გააძლიერა სამხედრო წარმომადგენლობა ხმელთაშუაზღვისპირეთში, სირიაში ბაშარ ასადის დიქტატორული რეჟიმის მხარდაჭერის გაფართოებისა და ლიბიაში ინტერვენციის და ხალიფა ჰაფთარის დახმარების გზით.

 

სტატიის ავტორი ასევე ახსენებს მკითხველს, რომ რუსეთმა 2018 წლის ნოემბერში სამი უკრაინული ხომალდი და მეზღვაურები დააკავა, რის გამოც საერთაშორისო საზოგადოებამ რუსეთი გააკრიტიკა და მოსკოვს შავ ზღვაში კონტროლის გაფართოების მცდელობაში დასდო ბრალი.

 

პუბლიკაციაში ასევე ნახსენებია საქართველოსა და უკრაინის განცხადება, რომლითაც კიევმა და თბილისმა რუსეთი შავ ზღვაში სამძებრო-სამაშველო სამუშაოების შეფერხებაში დაადანაშაულეს.

 

„ფაინენშელ თაიმსის“ ცნობით, გასულ კვირას დავით ზალკალიანმა მოლდოველ და უკრაინელ კოლეგებთან ერთად წერილით მიმართა ევროკომისიას, რომელშიც სამი ქვეყნის მიერ გატარებულ რეფორმებზე იყო საუბარი.

 

„ამავე დროს, საქართველო, უკრაინა და მოლდოვა შეშფოთებულია, რომ ევროკავშირის სამეზობლო პროგრამების ფარგლებში, მათი დაფინანსება, შესაძლოა, შემცირდეს“, – ნათქვამია სტატიაში.

 

გამოცემასთან ინტერვიუში საქართველოს საგარეო საქმეთა მინისტრმა ევროკავშირის ინვესტიციების გაზრდისკენ მოუწოდა. მათ შორის ისეთ სფეროებში როგორიცაა, წყალქვეშა ელექტროენერგია, ოპტიკურ ბოჭკოვანი კაბელები და საბორნე მიმოსვლა საქართველოს პორტებთან.

 

„ეს იქნება ერთ-ერთი ეფექტური გზა ევროპისა და აზიის დამაკავშირებელი გზის შესამცირებლად“, – ამბობს დავით.ზალკალიანი.

 

ამავე ინტერვიუში ზალკალიანმა დაადასტურა, რომ საქართველო შეშფოთებულია აშშ-სა და თურქეთს შორის სირიისა და ანკარას მიერ რუსული ჰაერსაწინააღმდეგო სისტემის შეძენის გამო არსებული დაძაბულობით.

 

ზალკალიანის თქმით, საქართველო სიფრთხილით აკვირდება მოსკოვისა და ანკარას ურთიერთობებსაც, თუმცა როგორც საქართველოს საგარეო საქმეთა მინისტრი აცხადებს, თურქეთი კვლავ მტკიცედ უჭერს მხარს საქართველოს ნატო-ში გაწევრიანებისა და ტერიტორიული მთლიანობის აღდგენის ამბიციას.

 

„საბედნიეროდ, თურქეთის ეს პოზიცია არ შეცვლილა“, – განაცხდა ზალკალიანმა „ფაინენშელ თაიმსთან“ საუბრობს.

 

 

წყარო: პირველი არხი





„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში

„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში
access_time2020-08-09 15:01:24
ივნის-ივლისში გაყიდვები 5-7%-ით გაიზარდა - ამის შესახებ „ბიზნესპრესნიუსს“ „ბეკო საქართველოს“ გენერალურმა დირექტორმა მეჰმედ მელექმა განუცხადა.   „თუ 2020 წლის იანვარ-ივლისის მონაცემებს, წინა წლის 7 თვეს შევადარებთ, გეტყვით, რომ აქ გაყიდვების მხრივ სიტუაცია იგივე დონეზეა. ეს კი პანდემიის პირობებში კარგი მაჩვენებელია. ზაფხულში მაჩვენებლები უფრო დამაიმედებელია, მეტიც, იანვარ-ივლისში გაყიდვები 5-7%-ით გაიზარდა. გაყიდვების ზრდას ხელს უწყობს ისიც, რომ წელს 3 ახალი მაღაზია...

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი
access_time2020-08-09 20:00:07
ე.წ. დიდი ლოქდაუნისას გაუაფებული ბენზინი საერთაშორისო ბაზრებზე გაძვირების გზას დაადგა. კერძოდ, 29 ივლისის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი...

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა
access_time2020-08-09 18:00:10
  შვედეთმა თავისი ეკონომიკა 1980 წლის შემდეგ რეკორდული ვარდნისგან ვერ დაიცვა  - კარანტინზე და თვითიზოლაციაზე უარის თქმის მიუხედავად, ქვეყნის მშპ 2019 წლის ანალოგიურ პერიოდთან შედარებით 8,8%-ით შემცირდა  - ასეთია შვედეთის სტატისტიკის სამმართველოს მონაცემები.   პირველ კვარტალთან შედარებით ვარდნა თითქმის ანალოგიურია - 8,6%.   ასევე მკვეთრად დაეცა ექსპორტი და ამავე დროს მასშტაბური ფინანსური დახმარების პროგრამების მიუხედავად,...

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა
access_time2020-08-09 16:00:20
აფხაზეთში ნამდვილი კრიპტო-ციებ-ცხელებაა. ეს ძალიან მარტივად იხსნება - კერძოდ კი, ელექტროენერგიაზე ფანტასტიურად დაბალი ტარიფებით.   ერთი კილოვატი ელექტროენერგია აფხაზეთში 1 ცენტზე ოდნავ მეტი ღირს - დანარჩენი მსოფლიოსთვის წარმოუდგენელი ფასი. გასაგებია, რომ ის კრიპტოფერმებს იზიდავს, და მათი რაოდენობა მუდმივად იზრდება - მხოლოდ ბოლო 6 თვეში აფხაზეთში 100 ახალი კრიპტოფერმა გაიხსნა, ჯამურად კი მათი რაოდენობა 8000-ს აღწევს.   ისინი მიტოვებულ შენობებში,...

Facebook-ს აქციები რეკორდულად ძვირდება

Facebook-ს აქციები რეკორდულად ძვირდება
access_time2020-08-09 13:40:12
Facebook-ის აქციების ღირებულება რეკორდულ დონეზე  - 225, 8 დოლარამდე გაიზარდა - ეს უმსხვილესი კომპანიების მხრიდან სოციალურ ქსელში რეკლამაზე ბოიკოტის და კონგრესში მიმდინარე ანტიმონოპოლიური გამოძიების ფონზე ხდება. ყველა ამ უსიამოვნების მიუხედავად, სოციალური ქსელის აუდიტორია და მოგებაც პროგნოზირებულზე მეტად იზრდება. ამ ინფორმაციის გამოქვეყნების შემდეგ კომპანიის აქციები 7%-ით გაძვირდა. ანალიტიკოსები ვარაუდობენ, რომ წლის მანძილზე Facebook-ის...


მსგავსი სიახლეები

up