ფადი ასლი უცხოური ინვესტიციების შემცირებაზე: მეტირება, როდესაც ვხედავ რას უკეთებს ეს მთავრობა საქართველოს

ფადი ასლი უცხოური ინვესტიციების შემცირებაზე: მეტირება, როდესაც ვხედავ რას უკეთებს ეს მთავრობა საქართველოს

access_time2019-09-09 13:00:14

„ეს მთავრობა ყველაფერს აკეთებს იმისთვის, რომ საბოტაჟი მოუწყოს უცხოურ ინვესტიციებს და უცხოელ ინვესტორებს. მერე უკვირთ, რატომ გახდა დოლარი ასეთი ძვირი. ისინი ამბობენ, რომ ეს ყველაფერი ნორმალურია, მაგრამ  როგორ არის ეს ნორმალური?“ - ასე აფასებს ბიზნესმენი ფადი ასლი საქართველოში უცხოური ინვესტიციების შემცირებას.


სტატისტიკის ეროვნული სამსახურის წინასწარი მონაცემებით საქართველოში FDI  - 53.7%-ით შემცირდა.


წინასწარი მონაცემებით, ინვესტიციების მოცულობამ 2019 წლის II კვარტალში $187 მილიონი შეადგინა.


საქსტატის განმარტებით, შემცირების მიზეზს მაგისტრალური გაზსადენის მშენებლობის დასრულება წარმოადგენს. ორგანიზაცია ასევე აცხადებს, რომ შემცირების კიდევ ერთი მიზეზი არარეზიდენტი პირდაპირი ინვესტორის მიმართ ვალდებულებების შემცირება და რეინვესტიციების მოცულობის შემცირებაა.



ინვესტიციების შემცირება შეიმჩნევა ნიდერლანდებიდან, აზერბაიჯანიდან, თურქეთიდან, პანამიდან, ჩეხეთიდან და სხვა ქვეყნებიდან.


ბიზნესმენმა ფადი ასლიმ „კომერსანტთან“ საუბარში  ფაქტის შეფასებისას ხაზი გაუსვა იმას, რომ ხელისფულება უცხოელი ინვესრტორებისთვის არახელსაყრელ გარემოს ქმნის, რის გამოც არასტაბილურ დოლარს და შემცირებულ ეკონომიკურ ზრდას ვიღებთ.


„ყველაფერი უკან მიდის ამ ქვეყანაში. დღევანდელი ხელისუფლება ყველაფერს აკეთებს იმისთვის, რომ უცხოელი ინვესტორები გავიდნენ და საერთიოდ  არ შემოვიდნენ ქვეყანაში. ისინი ქსენოფობიურ პოლიტიკას ატარებენ თურქი, ებრაელი, ირანელი, არაბი და ჩინელი ინვესტორების მიმართ. იმ ინვესტორებსაც კი,  ვინც უკვე ოპერირებენ საქართველოში,  პრობლემები აქვთ. როგორ ელოდებიან ეკონომიკის განვითარებას?


ამას დამატებული, ეროვნული ბანკის რეგულაციებმა საშინელი გავლენა იქონია მშენებლობებზე და სამშენებლო ინვესტიციებზე.  მშენებლობებმა  91 პროცენტით იკლო,  უძრავი ქონება 63 პროცენტით შემცირდა. რა უნდა ვთქვა? ხელისუფლების წარმომადგენლები აფუჭებენ ყველაფერს ამ ქვეყანაში, მეტირება, როდესაც ვხედავ რას უკეთებს ეს მთავრობა საქართველოს. მათ არ იციან როგორ უნდა მართონ ქვეყანა. ბიძინა ივანიშვილი ფიქრობს, რომ ჭკვიანია, მაგრამ  ადამიანებზე მათი განზრახვებით არ უნდა მსჯელობდე, უნდა მსჯელობდე მათი საქმეების შედეგებით. რომ ვუყურებ, სად იყო საქართველო 7 წლის წინ და სად არის ახლა,  ძალიან ვბრაზდები.“ - აცხადებს ბიზნესმენი


სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 2019 წლის II კვარტალში 69.6 პროცენტი შეადგინა. ყველაზე მეტი პირდაპირი უცხოური ინვესტიცია ენერგეტიკის სექტორში განხორციელდა და 63.7 მლნ. აშშ დოლარს მიაღწია, რაც მთლიანი პირდაპირი უცხოური ინვესტიციების 34.0 პროცენტია. მეორე ადგილზე იმყოფება დამამუშავებელი მრეწველობის სექტორი 38.4 მლნ. აშშ დოლარით, ხოლო მესამეზე - სასტუმროების და რესტორნების სექტორი 28.1 მლნ. აშშ დოლარით.


მარიამ მორგოშია




კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...

აშშ-მა საფრანგეთს 1,3 მილიარდი დოლარის ღირებულების საქონელზე დამატებითი გადასახადები დაუწესა

აშშ-მა საფრანგეთს 1,3 მილიარდი დოლარის ღირებულების საქონელზე დამატებითი გადასახადები დაუწესა
access_time2020-07-11 11:00:22
აშშ-ის ხელისუფლებამ საფრანგეთს 1,3 მილიარდი დოლარის ღირებულების საქონელზე დამატებითი 25%-იანი გადასახადები დაუწესა. ინფორმაციას ამის შესახებ სააგენტო...

კუს ტბის საბაგირო გზამ მგზავრების მომსახურება განაახლა

კუს ტბის საბაგირო გზამ მგზავრების მომსახურება განაახლა
access_time2020-07-11 09:54:25
თბილისის მერიის ინფორმაციით, პანდემიის გამო ტრანსპორტზე დაწესებული შეზღუდვები მუნიციპალური ავტობუსებისა და თბილისის მეტროს შემდეგ, კუს ტბის საბაგირო გზისთვისაც მოიხსნა. საბაგირო გზა დღეიდან მგზავრებს ჩვეულ რეჟიმში...

მთავრობამ 11 საინვესტიციო პროექტი 0%-ით აითვისა

მთავრობამ 11 საინვესტიციო პროექტი 0%-ით აითვისა
access_time2020-07-10 20:20:38
საქართველოს აუდიტის სამსახურის 2019 წლის სახელმწიფო ბიუჯეტის შესრულების წლიურ ანგარიშში იმ საინვესტიციო პროექტების ჩამონათვალია მოცემული, რომელთა წლიური შესრულება ნულის ტოლი ან 70%-ზე დაბალი იყო. საინვესტიციო კრედიტების 0%-იანი ათვისება შემდეგ პროექტებს ჰქონდა: თბილისი-სენაკი-ლესელიძის საავტომობილო გზის ძირულა-არგვეთას მშენებლობა, ბიუჯეტი - 48. 8 მლნ ლარი, ათვისება 0%; რეგიონული განვითარების...


მსგავსი სიახლეები

up