ფადი ასლი ბიძინა ივანიშვილს - “თქვენმა 7 წლიანმა მმართველობამ საქართველო დააბრუნა ძველ დროში, მოგვიტანა დიქტატურა, შიში, არასტაბილურობა, კრიმინალის მაღალი დონე და კორუფცია

ფადი ასლი ბიძინა ივანიშვილს - “თქვენმა 7 წლიანმა მმართველობამ საქართველო დააბრუნა ძველ დროში, მოგვიტანა დიქტატურა, შიში, არასტაბილურობა, კრიმინალის მაღალი დონე და კორუფცია"

access_time2019-08-21 12:00:50

ბიზნესმენი ფადი ასლი „ქართული ოცნების“ თავმჯდომარე ბიძინა ივანიშვილს ღია წერილით მიმართავს და მას მსოფლიოს ცნობილ დიქტატორებს ადარებს. ამასთან, ფადი ასლი ივანიშვილს ახსენებს, რომ ყველა დიქტატორის რეჟიმი ადრე თუ გვიან სრულდება.


ბიზნესმენი ღია წერილში იმ ვითარებაზე საუბრობს, რომელიც „ქართული ოცნების“ ხელისუფლებაში მოსვლის შემდეგ შეიქმნა. ფადი ასლი მოახლოებულ 2020 წლის არჩევნებსაც ეხება და ბიძინა ივანიშვილის მდგომარეობას პანიკურს უწოდებს. „ინტერპრესნიუსი“ საერთაშორისო სავაჭრო პალატის ეროვნული კომიტეტის საბჭოს თავმჯდომარის წერილს უცვლელად გთავაზობთ:


„ბატონო ბიძინა, გწერთ ამ წერილს, როგორც საქართველოს მოქალაქე, რომელსაც უყვარს ეს ქვეყანა და რომელმაც 23 წლის განმავლობაში ძალიან დიდი ფინანსები ჩადო ამ ქვეყნის კეთილდღეობისთვის. 2011 და 2012 წლებში მთავრობას სურდა პირადად თქვენთვის ზიანი მოეყენებინათ, მათ სცადეს თქვენი ქონების მითვისება, თქვენი ბიზნესები მიიყვანეს გაკროტებამდე და სწორედ ამიტომ თქვენ გადაწყვიტეთ პოლიტიკაში მოსულიყავით, როგორც თავად ამბობდით „ქვეყნის დიქტატურისგან განსათავისუფლებლად“. 2012 წლის ოქტომბრის არჩევნებში მე თქვენს პარტია „ქართულ ოცნებას“ დავუჭირე მხარი, რადგან მეჯერა, რომ ჩვენ ვიმსახურებდით გვეცხოვრა თავისუფალ და დემოკრატიულ ქვეყანაში.


თუმცა, სამწუხაროდ, როგორც კი ძალაუფლება მოიპოვეთ, მაშინვე მოწყდით რეალობას. თქვენს გარშემო შემოიკრიბეთ მსახურები, რომლებიც მხოლოდ იმას გეუბნებოდნენ, რაც თქვენთვის იქნებოდა სასიამოვნო მოსასმენი და არა იმას, რაც რეალურად ხდებოდა ქვეყანაში. ამ დროს კი ქვეყანა დიდი სიჩქარით უკან მიდიოდა.


თქვენი მმართველობის დროს, ეროვნული ვალუტა ამერიკული დოლარის წინააღმდეგ 1.62-დან გახდა 2.92. თქვენი მმართველობის დროს უცხოური პირდაპირი ინვესტიციები გაუტოლდა 2006 წლისას. თქვენი მმართველობის დროს კრიმინალმა იმდენად მოიმატა, რომ დღეს მოქალაქეებს ეშინიათ ღამით ზოგიერთ ქუჩაში გაიარონ. თქვენი მმართველობის დროს კორუფციამ კულმინაციას მიაღწია, რამეთუ ყოველდღე ვკითხულობთ პრესაში ახლად დანიშნული ჩინოვნიკების უკანონო გარიგებების შესახებ. თქვენი მმართველობის დროს მოხელეები ცდილობენ ბიზნესები წაართვან კეთილსინდისიერ მფლობელებს და მსხვილი კომპანიების წილი მიითვისონ. თქვენი მმართველობის დროს სახელმწიფომ შემოიღო ქსენოფობიური და დისკრიმინაციული პოლიტიკა სხვადასხვა ეროვნების მქონე ინვესტორებისა და ტურისტების მიმართ. თქვენი მმართველობის დროს სასამართლოებს წაერთვათ ლეგიტიმაცია კორუფციისა და მთავრობის ზეგავლენის გამო. თქვენი მმართველობის დროს ოპოზიციის წარმომადგენლები არიან წნეხის ქვეშ, გაკროტებულები და ზოგიერთი ციხეში ხელოვნურად შექმნილი საქმეებით ჩასმულები.


თქვენი მმართველობის დროს თავისუფალი მედია არის დამუნჯებული, შეშინებული ან უბრალოდ გაკოტრებული.


თქვენი მმართველობის დროს საქართველომ დაკარგა სანდო ქვეყნის რეპუტაცია საერთაშორისო ასპარეზზე. ძალიან მოკლედ რაც შემიძლია რომ ვთქვა არის, რომ თქვენმა 7 წლიანმა მმართველობამ საქართველო დააბრუნა შევარდნაძის დროში, მოგვიტანა დიქტატურა, შიში, არასტაბილურობა, კრიმინალის მაღალი დონე და კორუფცია. როგორც გავიგე, თქვენ გიყვართ ფილოსოფიური წიგნების კითხვა. მე გირჩევდით, რომ იკითხოთ ნაკლები ფილოსოფია და უფრო მეტი ისტორიის წიგნი, რათა თავად აღმოაჩინოთ, თუ როგორ სრულდება დიქტატორების რეჟიმები.



აღვნიშნავ რამდენიმეს: მუამარ კადაფი, სადამ ჰუსეინი, ადოლფ ჰიტლერი, ბენიტო მუსოლინი, პოლ პოტი, იდი ამინი, მობუტუ, ჩაუშესკუ, მილოშევიჩი, ჟან-კლოდ დიუვალიე, ფერდინანდ მარკოსი, ჰოსნი მუბარაქი, ფულხენსიო ბატისტა, ანტონიუ დი სალაზარი, ალფრედო სტრესნერი, ბენ ალი.


ამ დიქტატორების უმეტესობა იყო თქვენზე უფრო მდიდარი, თქვენზე უფრო დიდხანს ჰქონდათ ძალაუფლება, ისინი თქვენზე უფრო ძლიერად აკონტროლებდნენ და მართავდნენ ქვეყანას და ამის მიუხედავად, ისინი მაინც გადააყენეს.


ბატონო ბიძინა, თქვენი პანიკა სრულიად გასაგებია ჩემთვის. ჩვენ ორივემ ვიცით, რომ 2020 წლის ოქტომბრის არჩევნების წაგების შემთხვევაში, ძალიან დიდი ალბათობაა იმის, რომ თქვენი წლების განმავლობაში ჩადენილი არაერთი დანაშაულისთვის პასუხი გაგებინონ.


მე უბრალოდ დათვლაც კი არ შემიძლია იმ ადამიანების, რომლებიც წლების განმავლობაში მოდიოდნენ საერთაშორისო სავაჭრო პალატაში დოკუმენტაციებით იმის დასადასტურებლად, თუ როგორ ძალავდნენ თქვენი წარმომადგენლები მათ ბიზნესებს.


თქვენთვის 2020 წლის არჩევნების მოგება გადარჩენა-არ გადარჩენის საკითხია, და მე მესმის თქვენი. ფაქტებზე დაყრდნობით ვიცი, რომ არ მოგერიდებათ სხვადასხვა არალეგალური გზით არჩევნებში გამარჯვება. იქნება ეს თაღლითობა, ამომრჩეველთა მოსყიდვა, ზეწოლა ბიზნესებზე, ოპოზიციის წარმომადგენლებზე ფიზიკური გასწორება ან სრულიადაც ლიკვიდაცია.


ბატონო ბიძინა, შეგიძლიათ ენდოთ გამოცდილ ადამიანს, რომ გზა, რომელსაც თქვენ ადგხართ მხოლოდ თქვენი დამარცხებისკენ მიყავხართ.


ვშიშობ, შესაძლებელია უკვე გვიანიც კი არის თქვენთვის რაციონალური გზების განხილვა, რომ ეს ყოველივე თავიდან აიცილოთ, თუმცა ნამდვილად გირჩევდით, რომ მაინც იფიქროთ ამაზე.


და ამ წერილს დავასრულებ ბიბლიიდან ციტატით, რომელიც ეძღვნებოდა იესო ქრისტეს: „ვინც აიღებს მახვილს, მახვილითვე დაიღუპება“ (მათეს სახარება 26, 26:52)“- ნათქვამია ბიზნესმენის ღია წერილში.






თეგები:
ფადი ასლი



საქართველოში პირველი 24/7 აუთსორსინგული ქოლ ცენტრი K•Call-ი რუსთავში ახალ ფილიალს ხსნის

საქართველოში პირველი 24/7 აუთსორსინგული ქოლ ცენტრი K•Call-ი რუსთავში ახალ ფილიალს ხსნის
access_time2019-09-15 17:00:43
კომპანია K•Call-ი ქოლ ცენტრის მომსახურებას დისტანციურად ახორციელებს 24 საათიან რეჟიმში და მათი საქმიანობა ძირითადად გულისხმობს კომპანიებისთვის ხარჯების შემცირებასა და რესურსების სწორად გადანაწილებას. კომპანია აქტიურად თანამშრომლობს როგორც მცირე, ისე საშუალო და მსხვილ ბიზნესებთან.  K•Call -ი წარმოადგენს მარკეტინგული კომპანია  Sales Partner...

ვასილ სოფრომაძე - არ ვაპირებ საგანგებო სიტუაციების სამსახურის მოთხოვნის შესრულებას და სასამართლოში სარჩელი შემაქვს

ვასილ სოფრომაძე - არ ვაპირებ საგანგებო სიტუაციების სამსახურის მოთხოვნის შესრულებას და სასამართლოში სარჩელი შემაქვს
access_time2019-09-15 13:30:08
არ ვაპირებ საგანგებო სიტუაციების სამსახურის მოთხოვნის შესრულებას და სასამართლოში სარჩელი შემაქვს,- ამის შესახებ ბიზნესმენი ვასილ სოფრომაძე ვიდეომიმართვაში საუბრობს, სადაც სახანძრო უსაფრთხოების საკითხზე მისი კომპანიის მიმართ განხორციელებულ მოქმედებებს განიხილავს. ბიზნესმენი ხელისუფლებას ურჩევს, ეს თუ ის ნორმა ევროპული გამოცდილებიდან აიღოს და არა საბჭოთა კავშირის წესებიდან. „ფრესკოს“ ყველა ობიექტი მიღებულია ექსპლუატაციაში კანონის დაცვით. ამ ხნის...

როგორ ააშენა Alibaba-ს დამფუძნებელმა მრავალმილიარდიანი ბიზნესი ჩინეთში

როგორ ააშენა Alibaba-ს დამფუძნებელმა მრავალმილიარდიანი ბიზნესი ჩინეთში
access_time2019-09-15 16:00:15
Alibaba Group-ის დამფუძნებელმა ჯეკ მამ 10 სექტემბერს, 55-ე დაბადების დღეს, დატოვა მის მიერ შექმნილი ტექნოლოგიური გიგანტის დირექტორთა საბჭოს თავჯდომარის პოსტი... მილიარდერმა, რომელიც ჯერ იყო ინგლისური ენის მასწავლებელი, მანამდე კი - ენერგიულ ბიჭი, რომელიც ქუჩაში დასდევდა ინგლისურენოვან ტურისტების ენის შესწავლისთვის, შეასრულა დავოსის ეკონომიკური ფორუმის დროს მიცემული დაპირება - „სამყარო იმდენად მშვენიერია, რომ არ მესმის, რატომ უნდა ვიყო მუდამ...

ახალგორელები საოკუპაციო ადმინისტაციის ხელმძღვანელს მიმათავენ

ახალგორელები საოკუპაციო ადმინისტაციის ხელმძღვანელს მიმათავენ
access_time2019-09-15 14:00:32
ახალგორის მოსახლეობა  ე.წ. სამხრეთ ოსეთის პრეზიდენტს ანატოლი ბიბილობს თხოვნით მიმართავს არ დაიხუროს საზღვარი საქართველოსთან. წერილში ნათქვამია, რომ ეს გზა აუცილებელია ახალგორელებისთვის. „ჩვენს რაიონში არის ბერვი ონკოდაავადებული და მათი უმრავლესობა მკურნალობს თბილისში. არიან ავადმყოფები, რომლებსაც ესაჭიორებათ სასწრაფო ოპერაცია. შეუძლებელია ყველა პრობელმის ჩამოთვლა. ჩვენ ვერ მიგვაქვს ჩვენი ხმა ადგილობრივ ხელმძღვანელობამდე და...

მეთიუ ბრაიზა: ვფიქრობ, საქართველოს მთავრობა საკმარისად ჭკვიანია, ისწავლოს 2003 და 2007 წლების გაკვეთლებიდან, თუ როგორ რეაგირებს აშშ

მეთიუ ბრაიზა: ვფიქრობ, საქართველოს მთავრობა საკმარისად ჭკვიანია, ისწავლოს 2003 და 2007 წლების გაკვეთლებიდან, თუ როგორ რეაგირებს აშშ
access_time2019-09-15 18:00:01
ამერიკის შეერთებული შტატების ყოფილმა დიპლომატმა, სახელმწიფო დეპარტამენტის ყოფილმა მაღალჩინოსანმა მეთიუ ბრაიზამ თბილისში ყოფნის დროს „ინტერპრესნიუსს“ ვრცელი ინტერვიუ მისცა. ინტერვიუში ბრაიზამ ბევრ სხვადასხვა თემაზე ისაბრა, მათ შორის, ნატოს ყოფილი გენერალური...


მსგავსი სიახლეები

up