Facebook მოზარდებს შორის, განსაკუთრებით 13-17 წლის ასაკის კატეგორიაში, პოპულარობას კარგავს. ამ ასაკობრივი სეგმენტის წარმომადგენლები სულ უფრო მეტად გადადიან Instagram-ზე და TikTok-ზე, ხშირად Snapchat-ს სტუმრობენ.

Facebook-ის შიდა კვლევები სოციალური ქსელის მიერ მიღებული ზარალის მასშტაბებს ცხადყოფენ. მასმედიაში გაჟონილი დოკუმენტაციის თანახმად, სოციალურ ქსელს მოზარდების მოზიდვა სულ უფრო მეტადჭირს. 2019 წლიდან Facebook-ის 13-17 წლის მომხმარებელთა რაოდენობა 13%-ით შემცირდა, სავარაუდოდ, უახლოეს 2 წელიწადში ამ სეგმენტში დანაკარგი 45%-ს მიაღწევს. ეს სერიოზული დარტყმაა სოციალური ქსელისთვის. პირველ რიგში, ეს Facebook-ის მომხმარებელთა მთლიან რაოდენობას შეამცირებს, მეორეც, ეს კატეგორია რეკლამის თვალსაზრისით ერთ-ერთი ყველაზე მომგებიანია კომპანიისთვის.

თუმცა, შიდა კვლევა არა მხოლოდ მოზარდებს ეხება. უახლოესი წლების მანძილზე 20-30 წლის მომხმარებელთა რაოდენობაც  4%-ით შემცირდება. ყველაზე ცუდი კი ისაა, რომ ზოგადად სოციალური ქსელების ყველაზე აქტიური მომხმარებლები სწორედ ახალგაზრდები არიან.

დასკვნა მარტივია, - Facebook ახალგაზრდა აუდიტორიას სწრაფად კარგავს.

კომპანიის მენეჯმენტი ამ პრობლემას კარგად აცნობიერებს და თავისი აუდიტორიის დაბერებას რეალური პრობლემად აღიქვამს.

რატომ ტოვებს ახალგაზრდობა Facebook-ს?

შიდაკვლევების თანახმად, სოციალურ ქსელს საკმაოდ ცუდი რეპუტაცია აქვს. ახალგაზრდები მიიჩნევენ, რომ პლატფორმა მოძველდა და ძირითადად საშუალოზე ასაკოვან ადამიანებზეა გათვლილი.

თანაც, ბოლო წლებში Facebook-ის იმიჯი დაზარალდა სკანდალების გამო, რომლებიც პირადი ცხოვრების პატივისცემის დეფიციტთან და მოზარდების ფსიქოლოგიაზე ნეგატიურ გავლენასთანაა დაკავშირებული.

1 წლის მანძილზე 18 წლამდე ასაკის ადამიანთა რეგისტრაციის მაჩვენებელი 26%-ით შემცირდა. ამ პრობლემასთან გამკლავებისთვის ქსელის მენეჯმენტი ახალ პროდუქტების გამოშვებას, სწორედ ამ აუდიტორიის მოსაზიდად გეგმავს. მაგრამ მათ ესმით, რომ ეს ბრძოლა მძიმე იქნება. Facebook-ის მიერ შემუშავებულ ზომებს შორისაა კონკურენცია LinkedIn-თან და მომხმარებლებისთვის პროფესიული კონსულტაციების მიღებისა და საკუთარი რეზიუმეების განთავსების საშუალების მიცემა. ასევე მიდის მუშაობა ალგორიტმზე, რომელიც ახალ ამბებს, ახალგაზრდა აუდიტორიისთვის შეარჩევს.

Facebook-ის პოპულარობა ეცემა, თუმცა, მის საკუთრებაში მყოფი Instagram პოპულარობის მწვერვალზეა, მაგრამ მარკ ცუკერბერგს და მის გუნდს ეს არა მშვიდებს - შიდა კვლევებმა აჩვენა, რომ მოზარდების აქტიურობა Instagram-შიც 2020 წელთან შედარებით 13%-ით შემცირდა. გათვლების თანახმად, მოზარდები 2-3-ჯერ მეტ დროს TikTok-ში ატარებენ, ეს კი სამომავლოდ პრობლემებს აუცილებლად გამოიწვევს.

წყარო: letemps.ch

ავტორი: თენგიზ აბლოთია