Facebook-ის აქციების ღირებულება რეკორდულ დონეზე  - 225, 8 დოლარამდე გაიზარდა - ეს უმსხვილესი კომპანიების მხრიდან სოციალურ ქსელში რეკლამაზე ბოიკოტის და კონგრესში მიმდინარე ანტიმონოპოლიური გამოძიების ფონზე ხდება.

ყველა ამ უსიამოვნების მიუხედავად, სოციალური ქსელის აუდიტორია და მოგებაც პროგნოზირებულზე მეტად იზრდება. ამ ინფორმაციის გამოქვეყნების შემდეგ კომპანიის აქციები 7%-ით გაძვირდა.

ანალიტიკოსები ვარაუდობენ, რომ წლის მანძილზე Facebook-ის აქციების ფასმა შესაძლოა 300 დოლარს გადააჭარბოს, რაც დღევანდელ მაჩვენებელზე 18%-ით მეტია. ამას ხელს პირველ რიგში აუდიტორიის ზრდა და ონლაინ-ვაჭრობის განვითარება შეუწყობს.

კარანტინის პერიოდში  Facebook-ის ყველა სერვისების, მათ შორის Instagram, Messenger და WhatsApp-ის მომხმარებელთა რაოდენობამ 3.14 მლრდ.-ს, ხოლო უშუალოდ სოციალური ქსელი ყოველდღიურ მომხმარებელთა - 12%-ით გაიზარდა და  1,79 მლრდ.-ს მიაღწია.

ამავე დროს რეკლამის დამკვეთების რიცხვმა,  ხსენებული ბოიკოტის მიუხედავად, 9 მლნ.-ს გადააჭარბა.

კომპანიის შემოსავალი 3 თვის მანძილზე 11%-ით გაიზარდა, და 18,7 მლრდ. დოლარს მიაღწია, მაშინ როდესაც პროგნოზი 17,4 მლრდ. დოლარი იყო. სუფთა მოგებამ 2019 წელთან შედარებით 98%-ით მოიმატა და 5,18 მლრდ. დოლარი შეადგინა, მოგებამ თითო აქციაზე 1,8 დოლარი შეადგინა, მაშინ, როდესაც მოლოდინი 1,4 დოლარი იყო,

პანდემიამ ონლაინ-ბიზნესი გააქტიურდა, რაც სოციალური ქსელის ზრდას უფრო მდგრადს და სტაბილურს გახდის - ნებისმიერი ბიზნეს-კომპანია, რომელიც ონლაინ-რეჟიმში აქტიურად მუშაობს, Facebook-ის პოტენციური კლიენტების სიაში ავტომატურად ხვდება.

მარკ ცუკერბერგის თქმით, მსოფლიოში 180 მლნ. კომპანია  Facebook-ს კლიენტებთან კავშირების დასამყარებლად იყენებს.

კომპანიის განვითარების ერთ-ერთი მამოძრავებელი ძალა ონლაინ-მაღაზიები გახდება - ცუკერბერგის თქმით, სერვისი Facebook Shops აქტიურად იზრდება, ხოლო WhatsApp Business-ს უკვე 50 მლნ.-ზე მეტი მომხმარებელი ჰყავს.

უკვე წელიწადზე მეტია, რაც კონგრესი Facebook, Google, Amazon და Apple-ს მიმართ ანტომონოპოლიურ გამოძიებას აწარმოებს - მათ ბაზარზე დომინანტური მდგომარეობის ბოროტად გამოყენება ბრალდება.

როგორც ჩანს, Facebook-ს ეს დიდ პრობლემებს არ უქმნის, თუმცა, სოციალური ქსელის მაჩვენებლების ასეთივე ტემპებით ზრდას მე-3 კვარტალში ნაკლებად მოსალოდნელია - კარანტინის მოხსნის შედეგად ბევრ ქვეყანაში სოციალური ქსელის და მისი სერვისების მიმართ აჟიოტაჟური ინტერესი კლებულობს.

კომპანიის მენეჯმენტის პროგნოზით, მე-3 კვარტალში მომხმარებელთა რაოდენობა ან მცირედით გაიზრდება, ან უცვლელი დარჩება.

მე-3 კვარტალში Facebook-ის შემოსავალი სავარაუდოდ, 7,7%-ით გაიზრდება.

რეკლამის მსხვილი შემკვეთების მხრიდან ბოიკოტის შესაძლო დასრულების შემთხვევაში, შემოსავალი 10%-ით გაიზრდება.

თუმცა, კომპანიის დირექტორის დევიდ ვენერის თქმით, 100 მსხვილ დამკვეთზე სარეკლამო შემოსავლების მხოლოდ 16% მოდის, რაც 2019 წელზე ნაკლებია. სარეკლამო შემოსავლების ძირითადი წყაროა მცირე და საშუალი ბიზნესი - მოგების ¾ სწორედ მათზე მოდის.

rbc