გერმანიაში ინდექსი DAX —  გერმანული ეკონომიკის ბარომეტრი - უკვე 4%-ით, საფრანგეთს ძირითადი საბირჟო ინდექსი CAC- 40 კი 3,3%- ით შემცირდა და ამა წლის მარტ-აპრილის დონეს მიუახლოვდა.

საფონდო ინდექსების ვარდნა მთელს ევროპაში მიმდინარეობს.

რა არის ეს? შეშინებული ტრეიდერების გადაჭარბებული რეაქცია? ესეც, ოღონდ არა მხოლოდ ეს. საქმე იმაშია, რომ საფონდო ბაზარმა დაინახა ის, რასაც მოსახლეობა ჯერ ვერ ამჩნევს - ევროზონა პანდემიის მეორე ტალღის ეპიცენტრშია და ეკონომიკური ზარალი პირველ ტალღაზე ბევრად უფრო მძიმე იქნება.

ბრიტანელებს თვითკრიტიკა ძალიან უყვართ და ამიტომაც ისინი გულწრფელად ფიქრობენ, რომ ვირუსი ბრიტანეთში განსაკუთრებთ ბობოქრობს, პოლიტიკური ვითარება კი ქაოტურია, მაგრამ ევროპაში ყველაფერი გაცილებით უფრო ცუდადაა.

საფრანგეთში ყოველდღიურმა ინფიცირებამ 50 000-ს მიაღწია, გავრცელება სრულიად უკონტროლო გახდა და შესაბამისად, მაკრონს მკაცრი შეზღუდვების შემოღება მოუწია. გერმანიამ პანდემიის პირველი ტალღა შედარებით რბილად გადაიტანა, თუმცა, მეორე ტალღამ მას მთელი ძალით დაარტყა, შესაბამისად, ქვეყანაში იკეტება რესტორნები და ბარები.

ესპანეთი და იტალიაც სერიოზულად დაზარალდნენ, ხოლო ცენტრალურ ევროპაში, სადაც პირველმა ტალღამ ძალიან რბილად ჩაირა, დღეს ვითარება გაცილებით უფრო რთულია. კორონავირუსი ჩეხეთში და პოლონეთშიც ბობოქრობს.

ევროპა მეორე ტალღის ეპიცენტრშია, თუმცა, ზამთარი ჯერ არც კი დაწყებულა.

ეკონომიკური დანაკარგები ძალიან მძიმე იქნება. პანდემიის გავლენა წარმოების შემცირებაზე და უმუშევრობის ზრდაზე საშინელი იქნება და ამას 3 ძირითადი მიზეზი აქვს. გერმანია ევროპის ეკონომიკის ლოკომოტივია და ის სრულ თვითიზოლაციას უახლოვდება. როდესაც ქარხნები გაჩერდება, ეს ძრავიც გაჩერდება.

იგივე გზით მიდის საფრანგეთი, ევროზონის მეორე ეკონომიკა, ესპანეთი, მე-4 ეკონომიკა, უკვე იქ არის.

ასევე დაზარალდებიან  საბერძნეთი, ესპანეთი, პორტუგალია და იტალია, რომელთა ეკონომიკა ძალიან დამოკიდებულია ტურიზმზე. მაგალითად, ტურიზმზე ესპანეთის მშპ-ს 18%, ხოლო ესპანეთის 15% მოდის.

დღეიდან ცხადია, რომ ერთი ჩავარდნილი ტურისტული სეზონის ნაცვლად, ისინი უკვე ორს მიიღებენ. სულ ცოტა ხანში მთელი ტურისტული ინფრასტრუქტურა დაიხურება, შემდეგ კი რესტორნები,პლიაჟის ბარები და სასტუმროები.

პირველ ტალღასთან შედარებით, უარესობა იმაში იქნება, რომ სახელმწიფოების მხრიდან რეაგირება გაცილებით უფრო სუსტი იქნება. ევროპის ცენტრალურ ბანკს ფული უკვე გაუთავდა. ევროკავშირის მიერ შემქნილი აღდგენითი ფონდი  (Coronavirus Recovery Fund) დღევანდელი გადასახედიდან სრულიად არასაკმარისი იმისთვის, რომ კორონავირუსით დაზარალებულ ეკონომიკას აღდგენაში დაეხმაროს.

თანაც ფულის გამოყოფა მხოლოდ მომავალ წელს დაიწყება, ხოლო ზოგიერთმა ქვეყანამ, მაგალითად, ესპანეთმა. დაკრედიტებაზე უარი ცუდი პირობების გამო განაცხადა.

ღრმა რეცესიის მოლოდინში პოლიტიკური ცხოვრებაც თითქმის პარალიზებულია. საბოლოოდ ამის შედეგი რა იქნება?  ის, რომ პანდემიის მეორე ტალღა მსოფლიო ეკონომიკას ძლიერ დარტყმას მიაყენებს, თუმცა, ყველაზე მეტად სწორედ ევროპა დაზარალდება.

ბაზრები პანიკაში არ არიან, ისინი უბრალოდ რეალობას ასახავენ - ევროზონა უმძიმეს მდგომარეობაშია.

წყარო: spectator.co.uk