ევროპის საინვესტიციო ბანკი (EIB) აგრძელებს მცირე და საშუალო ზომის საწარმოების მხარდაჭერას საქართველოში

ევროპის საინვესტიციო ბანკი (EIB) აგრძელებს მცირე და საშუალო ზომის საწარმოების მხარდაჭერას საქართველოში

access_time2016-05-27 14:54:07

 

ევროპის საინვესტიციო ბანკმა (EIB) ბანკ რესპუბლიკას მიკრო, მცირე და საშუალო ზომის საწარმოების დასაფინანსებლად, 22.5 მილიონი ევროს ოდენობის საკრედიტო ხაზი გამოუყო, რაც წარმოადგენს ჯამში 45 მილიონი ევროს ოდენობის დამტკიცებული სესხის პირველ ტრანშს.


„საქართველოს ეკონომიკური ზრდის, დასაქმებისა და პოლიტიკური სტაბილურობისთვის უდიდესი მნიშვნელობა აქვს მძლავრ მიკრო, მცირე და საშუალო ზომის საწარმოთა სექტორს. ევროპის საინვესტიციო ბანკის მიერ შეღავათიანი პირობებით გამოყოფილი საკრედიტო ხაზი უზრუნველყოფს იმ კომპანიების უკეთეს წვდომას ფინანსებზე, რომლებიც სირთულეებს აწყდებიან თავიანთი საქმიანობის დაფინანსებაში.“ - განაცხადა ევროპის საინვესტიციო ბანკის აღმოსავლეთის პარტნიორობის ქვეყნების საკრედიტო ოპერაციების მიმართულების ვიცე-პრეზიდენტმა ლასლო ბარანიაიმ.


ევროპის საინვესტიციო ბანკის სესხით დაფინანსდება საქართველოში ვაჭრობის და კომერციის სფეროში მოქმედი მიკრო, მცირე და საშუალო საწარმოები; მათ  უფრო ფართო წვდომა ექნებათ დაფინანსებაზე და უკეთ დაიკმაყოფილებენ საინვესტიციო და საბრუნავი კაპიტალის საჭიროებებს. ეს კი საბოლოოდ ხელს შეუწყობს საქართველოს კერძო სექტორის გაძლიერებას. სწორედ ამ მიზნებს ემსახურება ევროპის საინვესტიციო ბანკის საკრედიტო ხაზი.  აღნიშნული პროექტის მიზნები სრულ ჰარმონიაშია საქართველოსა და ევროკავშირს შორის გაფორმებულ ასოცირების ხელშეკრულებასთან, რომელიც მოიცავს ღრმა და ყოვლისმომცველ თავისუფალი ვაჭრობის შეთანხმებას.



საკრედიტო ხაზი ასევე ხელს შეუწყობს ევროპის საინვესტიციო ბანკსა და ბანკ რესპუბლიკას შორის  წარმატებული თანამშრომლობის გაგრძელებას. 2010 წელს ევროპის საინვესტიციო ბანკმა ბანკ რესპუბლიკას 35 მილიონი ევროს ოდენობის კრედიტი გამოუყო. 


მიმდინარე ხელშეკრულების შედეგად მიკრო, მცირე და საშუალო საწარმოების სექტორის დაფინანსების მოცულობა 172 მილიონი ევრომდე გაიზრდება. ევროპის საინვესტიციო ბანკის საკრედიტო ოპერაციების მთლიანი მოცულობა კი 820 მილიონ ევროს მიაღწევს. მათ შორისაა ურბანული რეკონსტრუქციის მხარდაჭერის (გასულ წელს წყალდიდობის მიერ მიყენებული ზარალის შემდეგ) და ქვეყნის სასიცოცხლო ინფრასტრუქტურის გაუმჯობესების პროექტები. მიკრო, მცირე და საშუალო ზომის საწარმოთა სექტორის მხარდაჭერასთან ერთად, ევროპის საინვესტიციო ბანკს საქართველოში დაფინანსებული აქვს პროექტები ტრანსპორტის, წყლის და ენერგეტიკის სექტორებში.

ევროპის საინვესტიციო ბანკის შესახებ:

ევროპის საინვესტიციო ბანკი - ევროკავშირის ბანკი, აფინანსებს პროექტებს საქართველოში, აღმოსავლეთ პარტნიორობის ქვეყნებში ევროკავშირის მანდატის ფარგლებში, 2014-2020 წლებში მანდატი ითვალისწინებს აღმოსავლეთ სამეზობლოსთვის 4.8 მილიარდი ევროს ფარგლებში ადგილობრივი კერძო სექტორისთვის, სოციალური და ეკონომიკური ინფრასტრუქტურისა და კლიმატის ცვლილებების სფეროში პროექტების დაფინანსებას, რომლებიც წარმოადგენს მნიშვნელოვან ინტერესს როგორც ევროკავშირის, ისე აღმოსავლეთ სამეზობლოსთვის. დამატებით, ბანკმა გააჩნია 3 მილიარდი ევროს მოცულობის სამეზობლოს ფინანსური რესურსი, რათა მხარი დაუჭიროს მეზობელ ქვეყნებს.

ბანკ რესპუბლიკისთვის გამოყოფილი საკრედიტო რესურსი აღნიშნული მანდატის ნაწილია და გაიცემა ევროკავშირის პოლიტიკური რისკის გარანტიის ქვეშ.

ევროპის საინვესტიციო ბანკის მიზანია გაზარდოს საქართველოს მხარდაჭერა მას მერე, რაც 2014 წლის ივნისში ხელი მოეწერა ევროკავშირსა და საქართველოს შორის ასოცირების შეთანხმებას, რომელიც მოიცავს ღრმა და ყოვლისმომცველ თავისუფალი ვაჭრობის შეთანხმებას. შეთანხმება მნიშვნელოვნად აღრმავებს პოლიტიკურ და ეკონომიკურ კავშირს ევროკავშირთან, აღმოსავლეთ პარტნიორობის ფარგლებში.

 

 



ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა

ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა
access_time2020-02-19 17:05:52
1 აშშ დოლარის ოფიციალური ღირებულება 2.8422 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0209 ლარი შეადგინა. რაც შეეხება ევროს, მისი კურსი 3.0701 ლარია. მაშინ, როცა დღეს მოქმედი კურსი 3.1010 ლარს შეადგენდა. შესაბამისად, ევროს ცვლილებამ 0.0309...

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა
access_time2020-02-19 17:00:28
საავტომობილო გზების დეპარტამენტმა ნაკისრი ვალდებულებების შეუსრულებლობის გამო უცხოურ კომპანია TODINI COSTRUZIONI GENERALI S.p.A.-სთან ხელშეკრულება მეორედ გაწყვიტა. თავდაპირველად მაშინ, როდესაც კომპანიამ სამტრედია-გრიგოლეთის მესამე ლოტზე სამუშაოები არაჯეროვნად შეასრულა და მეორედ ახლა, როდესაც ხულო-ზარზმის გზის 2 მონაკვეთს რეაბილიტაცია-რეკონსტრუქცია ვერ ჩაუტარა. არადა, TODINI COSTRUZIONI GENERALI S.p.A-სთან ხულო-ზარზმის გზის მშენებლობაზე 110-მილიონიანი ხელშეკრულება მაშინ...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-19 21:30:46
დღის Top-10 საინტერესო ამბავი 1.„საქართველოში რამდენიმე წამყვანი ბანკია, რომლებიც გაცილებით დიდ პორტფელს ფლობენ ვიდრე „ფინკა“ და „კრისტალი“ ერთად, ამიტომ კონკურენციას ვერ...

მიხაილ ხოდორკოვსკი: კრემლმა სასამართლო წააგო

მიხაილ ხოდორკოვსკი: კრემლმა  სასამართლო წააგო
access_time2020-02-19 19:30:28
„კრემლმა წააგო სასამართლო „იუკოსის“ აქციონერებთან. სწორედ კრემლმა და არა რუსეთმა“  -წერს   Twitter-გვერდზე კომპანიის ყოფილი დამფუძნებელი მიხაილ ხოდორკოვსკი.მისი თქმით, ჯერ კიდეც 2005 წელს, ციხეში ყოფნის დროს, მან  თავისი წილები „იუკოსში“ მის პარტნიორს, ლეონიდ ნევზლინს გადასცა, შესაბამისად, მას  ამ საკითხში არავითარი პირადი ფინანსური დაინტერესება არ გააჩნია.   სასამართლოს გადაწყვეტილების გამოცხადების შემდეგ, ნევზლინმა განაცხადა,...

„მარცვლეულის წარმოების განვითარებას საბიუჯეტო რესურსები არ ჰყოფნის“

„მარცვლეულის წარმოების განვითარებას  საბიუჯეტო რესურსები  არ ჰყოფნის“
access_time2020-02-19 16:00:47
მარცვლეულის წარმოების მხრივ ქვეყანაში სერიოზული პრობლემებია. გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი ამბობს, რომ მარცვლეულის წარმოება არის სექტორი, რომელიც სახელმწიფოსგან სათანადო მხარდაჭერას ვერ იღებს. ამ მიმართულების განსავითარებლად სამინისტროს შემუშავებული აქვს შესაბამისი პროექტები, თუმცა საბიუჯეტო რესურსები ყოველთვის საკმარისი არ არის. “ჩვენ ყოველწლიურად დაახლოებით, 50-55 000 ჰექტარი ქერისა და ხორბლის ნათესი ფართობი...


მსგავსი სიახლეები

up