ევროპის ავტომობილების მწარმოებელთა ასოციაცია ACEA გამოდის ინიციატივით უმოკლეს ვადებში შეიქმნას მიკროსქემების საწარმოების ქსელი ევროკავშირის ტერიტორიაზე, რათა დასრულდეს აზიაზე დამოკიდებულება. ამის შესახებ აღნიშნულია ორგანიზაციის მიერ ევროკომისიისადმი გაგზავნილ წერილში.
„არსებული კრიზისი ცხადყოფს, რამდენად მოწყვლადია ნახევარგამტარების მიწოდების ჯაჭვი და რამდენად საჭიროა ჩვენი უცხოურ ბაზრებზე დამოკიდებულების მინიმიზება, განსაკუთრებით აზიურისგან. ახლა ჩვენ ვართ უმძიმეს მდგომარეობაში, მაშინ როცა აზიურ ბრენდებს საქმეები უკეთ მისდით, იმიტომ, რომ მათ დალაგებული აქვთ ურთიერთობები ადგილობრივ მწარმოებლებთან. ჩვენ ძალიან დაგვეხმარებოდა ლოკალური მომწოდებლების არსებობა“, - განაცხადა ACEA-ს ხელმძღვანელმა და კომპანია BMW-ს მმართველმა ოლივერ ციპსემ.
როგორც Financial Times წერს, ევროპაში ავტომობილების გაყიდვები სექტემბერში 23%-ით შემცირდა, 1995 წლის დონემდე.
ცოტა ხნის წინ, ცნობილი გახდა, რომ გერმანიასა და საფრანგეთში მიკროსქემების საწარმოს მშენებლობას აპირება ამერიკული კომპანია Intel და ის ამ პროექტში 80 მილიონ ევროს ჩადებს. ექსპერტების ვარაუდით მიკროსქემების დეფიციტი გაგრძელდება როგორც 2022 წელს, ასევე 2023 წელსაც.
bpn.ge