ევროპარლამენტის წევრებმა ევროპული საბჭოს პრეზიდენტს წერილით მიმართეს - მოგიწოდებთ, გამოიყენოთ საქართველოში ვიზიტი, რათა წაახალისოთ ქართული პოლიტიკური ძალები, დაუყოვნებლივ განაახლონ დიალოგი

ევროპარლამენტის წევრებმა ევროპული საბჭოს პრეზიდენტს წერილით მიმართეს - მოგიწოდებთ, გამოიყენოთ საქართველოში ვიზიტი, რათა წაახალისოთ ქართული პოლიტიკური ძალები, დაუყოვნებლივ განაახლონ დიალოგი

access_time2021-02-24 11:15:00

ევროპარლამენტის წევრები საქართველოში პოლიტიკურ კრიზისთან დაკავშირებით ევროპული საბჭოს პრეზიდენტ შარლ მიშელს ერთობლივ წერილს უგზავნიან და მოუწოდებენ, თბილისში ვიზიტის დროს პარტიათაშორისი დიალოგის განახლებაზე იმუშავოს.

„საქართველოში, თქვენი უკიდურესად დროული ვიზიტის მოახლოებასთან ერთად, ჩვენ განცხადებაზე ხელმომწერი ევროპარლამენტის წევრები გწერთ, რათა გამოვხატოთ ჩვენი შეშფოთება ევროკავშირის აღმოსავლეთ პარტნიორობის მნიშვნელოვან ასოცირებულ წევრ ქვეყანაში სწრაფად გაუარესებად პოლიტიკურ ვითარებასთან დაკავშირებით.

როგორც საქართველოსთან ევროკავშირის ასოცირების შესახებ შეთანხმების იმპლემენტაციის თაობაზე ევროპარლამენტის 2020 წლის 16 სექტემბრის რეზოლუციაშია აღნიშნული, 2020 წლის ოქტომბრის საპარლამენტო არჩევნებში ველოდით საქართველოს დემოკრატიული ვალდებულებების დადასტურებას. ამის ნაცვლად, არჩეული წევრების ერთი-მესამედი, არჩევნების გაყალბების მიზეზით, უარს ამბობს პარლამენტში შესვლაზე. ადგილობრივმა არასამთავრობო ორგანიზაციამ „საერთაშორისო საზოგადოება სამართლიანი და დემოკრატიული არჩევნებისთვის“ წარმოაჩინა შეუსაბამობა საარჩევნო უბნების პროტოკოლების 8%-ში, სხვა საარჩევნო ხარვეზებთან ერთად.

23 თებერვალს „ერთიანი ნაციონალური მოძრაობის“ ლიდერის, ნიკა მელიას დახურულ სივრცეში, ცრემლსადენი გაზის გამოყენებით დაკავების შემდეგ დაძაბულობამ მმართველ „ქართულ ოცნებასა“ და ოპოზიციურ პარტიებს შორის უკიდურესად სახიფათო დონეს მიაღწია.

ევროკავშირი ვერ უგულვებელყოფს არსებულ ვითარებას, როდესაც ძალის გამოყენება და რევანშიზმი დომინანტური ტენდენცია გახდა, – აღნიშნულია განცხადებაში.

აქვე ნათქვამია, რომ პოლიტიკური პოლარიზაცია და დაძაბულობა საფრთხეს უქმნის სტაბილურობას საზოგადოებასა და ქვეყანაში.


„მეტიც, პოლიტიკური კრიზისი რისკია, რომ საქართველო ასცდეს ევროკავშირთან ასოცირების შეთანხმებით გათვალისწინებულ რეფორმების გზას.

მოგიწოდებთ, გამოიყენოთ თქვენი ვიზიტი, რათა წაახალისოთ ქართული პოლიტიკური ძალები, დაუყოვნებლივ განაახლონ პარტიათაშორისი დიალოგი, რომელიც კონკრეტულ ურთიერთგაგების მემორანდუმამდე უნდა მივიდეს, რომელიც მიმართული იქნება საქართველოში თანამშრომლურ და ინკლუზიურ პოლიტიკურ გარემოზე.

ტემპი და ნება, რომლითაც ქართული პოლიტიკური ელიტა კვლავ ჩაერთვება პარტიათაშორის დიალოგში, ასახავს მათ სწრაფვას, დაადასტურონ საქართველოს გაცხადებული ევროპული მისწრაფებები.

გვჯერა, რომ ამ პროცესში, ქართულ სამოქალაქო სექტორს შეუძლია, მნიშვნელოვანი პოზიტიური გავლენა იქონიოს. შესაბამისად, ჩვენ მოგიწოდებთ, აქტიურად ჩაერთოთ მათთან თქვენი ვიზიტის დროს.

ვიმედოვნებთ, რომ თქვენ გადასცემთ ამ გზავნილს ჩვენ პარტნიორებს და დაარწმუნებთ მათ ევროკავშირის ურყევ მხარდაჭერაში ქართველი ხალხის უსაფრთხო და წარმატებული მომავლისთვის. ჩვენს შესაძლებლობებში, მზად ვართ, მომავალშიც მხარი დავუჭიროთ მედიაციის ძალისხმევას, რომელსაც ამ დრომდე დაუღალავად ახორციელებდა ევროკავშირის დელეგაცია საქართველოში და სხვა დიპლომატიური წარმომადგენლობები“, – ნათქვამია წერილში, რომელსაც ხელს აწერენ: პერტას აუშტრევიჩიუსი, ანდრიუს კუბილიუსი, მარკეტა გრეგოროვა, ვიტოლდ იან ვაშჩიკოვსკი, ვიოლა ფონ კრამონი, მიხაელ გალერი.

1tv.ge

თეგები:
წერილი



მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up