ევროპარლამენტი ევროკავშირს მოუწოდებს, ალექსანდრე ლუკაშენკოს წინააღმდეგ სანქციები რაც შეიძლება მალე დაწესდეს. ევროპარლამენტის მიერ მიღებულ რეკომენდაციაში ასევე ნათქვამია, რომ ევროკავშირმა ბელარუსთან ურთიერთობებს უნდა გადახედოს.
აღნიშნულ რეკომენდაციას მხარი 602 ევროდეპუტატმა დაუჭირა, 44 - წინააღმდეგ წავიდა, ხოლო 44-მა კი თავი შეიკავა.
დოკუმენტში აღნიშნულია, რომ „ევროკავშირმა დაუყოვნებლივ უნდა დააწესოს ევროკავშირის საბჭოსა და საგარეო საქმეთა მინისტრების მიერ შეთანხმებული სანქციები, მათ შორის ალექსანდრე ლუკაშენკოს წინააღმდეგ“.
„2020 წლის 5 ნოემბერს ალექსანდრე ლუკაშენკოს საპრეზიდენტო ვადის ამოწურვის შემდეგ იგი მეტი აღარ იქნება ლეგიტიმური პრეზიდენტი“, - ნათქვამია ევროპარლამენტის მიერ მიღებულ რეკომენდაციაში.
ევროპარლამენტარები ასევე აღნიშნავენ, რომ სვეტლანა ტიხანოვსკაიას მიერ შექმნილი საკოორდინაციო საბჭო ბელარუსი ხალხის ლეგიტიმური წარმომადგენელია.
23 სექტემბერს მინსკში ალექსანდრ ლუკაშენკოს ინაუგურაციის ცერემონია გაიმართა, რომლის შესახებ მანამდე არაფერი იყო ცნობილი. ღონისძიებას ასობით ბელარუსი საჯარო მოხელე დაესწრო. ცერემონიის კადრები ადგილობრივ მედიაში მხოლოდ ღონისძიების დასრულების შემდეგ გავრცელდა. ბელარუსის ოპოზიციის ლიდერმა, სვეტლანა ტიხანოვსკაიმ კი თავი ბელარუსის ერთადერთ ლეგიტიმურ ლიდერად გამოაცხადა.
ევროკავშირმა ბელარუს მაღალჩინოსნებს სანქციები დაუწესა.
imedinews.ge