ევროპარლამენტარები მოგერინის მოუწოდებენ საქართველოს მთავრობასთან იმუშაოს საარჩევნო რეფორმისთვის

ევროპარლამენტარები მოგერინის მოუწოდებენ საქართველოს მთავრობასთან იმუშაოს საარჩევნო რეფორმისთვის

access_time2019-04-03 15:22:50

ევროპის პარლამენტის წევრების ჯგუფი წერილით მიმართავს ევროკავშირის საგარეო-პოლიტიკურ ლიდერს, ფედერიკა მოგერინის და მას მოუწოდებს საქართველოს ხელისუფლებაზე ზეწოლა მოახდინოს საიმისოდ, რომ ის ჩაერთოს დიალოგში საარჩევნო რეფორმის შესახებ. 2 აპრილით დათარიღებულ წერილში ჯგუფი აღნიშნავს, რომ საქართველოში - ევროკავშირთან ასოცირების ხელშეკრულებით დაკავშირებულ ქვეყანაში - 2018 წელს ჩატარებულ საპრეზიდენტო არჩევნებს ეუთოს სადამკვირვებლო მისიის მხრიდან ერთ-ერთი ყველაზე კრიტიკული შეფასება მოჰყვა 1991 წლის შემდეგ.


"ანგარიშში ასახული იყო მნიშვნელოვანი და კონკრეტული საკითხები, მათ შორის ამომრჩევლის ფართომასშტაბიანი მოსყიდვა, საარჩევნო გადაწყვეტილების გამო სამაგიეროს გადახდის შიში, ისევე, როგორც ზეწოლა საჯარო მოხელეებზე. ამასთან, ISFED-მა, თბილისში განთავსებულმა სადამკვირვებლო ორგანიზაციამ, არჩევნების კონტექსტში ისაუბრა ზეწოლაზე და დევნაზე, განსაკუთრებით ზეწოლაზე ზუგდიდის მეექვსე საჯარო სკოლის დირექტორზე, ქალბატონ ია კერზაიაზე, რამდენიმე დღით ადრე მანამ, სანამ მას ინსულტი დაემართებოდა და გარდაიცვლებოდა. ჩვენთვის, ევროპის პარლამენტის წევრებისთვის და საქართველოს მეგობრებისთვის, ორივე ანგარიში შემაშფოთებელია" - ვკითხულობთ წერილში.


პარლამენტარები იქვე აღნიშნავენ: "უმნიშვნელოვანესია პოლიტიკური სტაბილურობა და ცივილიზებული პოლიტიკური დისკუსიების უზრუნველყოფა, განსაკუთრებით მოახლოვებული, 2020 წლის საპარლამენტო არჩევნების ფონზე. პროცესის სანდო მონაწილეების და ორგანიზაციების უმრავლესობა, კონკრეტულად ვენეციის კომისია და საქართველოს სანდო დამკვირვებლები და არასამთავრობო ორგანიზაციები, მაგალითად ISFED-ი, დიდი ხანია ამბობენ, რომ საქართველოს შერეული საარჩევნო სისტემა, რომელიც სუპერუმრავლესობების შექმნისკენაა მიდრეკილი, წარმოადგენს მნიშვნელოვან სისტემურ პრობლემას. ამჟამინდელი მთავრობის გადაწყვეტილებას, 2020-დან 2024 წლამდე გადაედო სრულად პროპორციული საარჩევნო სისტემის ამოქმედება, დიდი კრიტიკა მოჰყვა ყველა ამ ჯგუფის მხრიდან, განსაკუთრებით სამოქალაქო საზოგადოებისგან. საპრეზიდენტო არჩევნების შემდეგ, საქართველოში პრაქტიკულად ყველა ოპოზიციურმა პარტიამ და სამოქალაქო საზოგადოების სანდო წარმომადგენელმა მთავრობას მოუწოდეს ჩაერთოს დიალოგში, რათა საარჩევნო სისტემაზე კომრომისი უკვე 2020 წელს იქნეს მიღწეული".



წერილის დასკვნით ნაწილში ვკითხულობთ: "ვფიქრობთ, რომ საკითხის გარშემო ამგვარი დიალოგი და საბოლოო კომპრომისი აუცილებლად შეამცირებს საქართველოში არსებულ მძლავრ პოლარიზაციას. ამდენად, მოგიწოდებთ, საქართველოს ხელისუფლებასთან სამომავლო კონტაქტის და საქართველოში ევროკავშირის დელეგაციის მეშვეობით საქართველოს მთავრობაზე ზეწოლის მოხდენისკენ საიმისოდ, რომ ის საარჩევნო რეფორმის თაობაზე არსობრივ დიალოგში ჩაერთოს ოპოზიციასთან".


წერილს ხელს აწერენ ანა გომეში (სოციალისტები და დემოკრატები), მიხაელ გალერი (ევროპის სახალხო პარტია), რებეკა ჰარმსი (მწვანეები - ევროპის თავისუფალი ალიანსი), ნატალი გრისბეკი (ლიბერალების და დემოკრატების ალიანსი), ჯული უარდი (სოციალისტები და დემოკრატები), ალინ სმიტი (მწვანეები - ევროპის თავისუფალი ალიანსი), ტუნე კელამი (ევროპის სახალხო პარტია), ბარტ სტაესი (მწვანეები - ევროპის თავისუფალი ალიანსი), ტანია გონზალეს პენიასი (ევროპის გაერთიანებული მემარცხენეები - ჩრდილოეთის მწვანე მემარცხენეები), ჟოზე ინასიო ფარია (ევროპის სახალხო პარტია) და ჟან ლამბერი (მწვანეები - ევროპის თავისუფალი ალიანსი).


რადიო თავისუფლება






სებ–მა მონეტარული პოლიტიკის განაკვეთი 0.5%–ით 10%–მდე გაზარდა

სებ–მა მონეტარული პოლიტიკის განაკვეთი 0.5%–ით 10%–მდე გაზარდა
access_time2021-08-04 12:22:42
საქართველოს ეროვნული ბანკის (სებ) მონეტარული პოლიტიკის კომიტეტმა 4 აგვისტოს სხდომაზე რეფინანსირების განაკვეთის 0.5 პროცენტული პუნქტით გაზრდის გადაწყვეტილება მიიღო. მონეტარული პოლიტიკის განაკვეთი 10.0 პროცენტით განისაზღვრა. ამის შესახებ ინფორმაციას ეროვნული ბანკი ავრცელებს. სებ–ის ცნობით, ბოლო პერიოდში ინფლაცია გლობალური გამოწვევაა და ივლისის თვის ფასების ზრდის მონაცემმა არაერთ ქვეყანაში პროგნოზირებულს გადააჭარბა. საქართველოშიც ივლისის...

ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

როგორ აპატარავებს ინფლაცია ხელფასს

როგორ აპატარავებს ინფლაცია ხელფასს
access_time2021-08-04 13:00:55
ინფლაციის განაკვეთმა ივლისში ბოლო 10 წლის რეკორდი მოხსნა და 11.9%-ს მიაღწია. პირველადი მოხმარების თითქმის ყველა პროდუქტზე, გასული წლის ანალოგიურ პერიოდთან შედარებით, ფასების ორნიშნა პროცენტული ზრდა დაფიქსირდა, რაც იმას ნიშნავს, რომ ის ადამიანები, რომელთა შემოსავალიც ლარში უცვლელად შენარჩუნდა, რეალურად გაღარიბდნენ. 2021 წლის ივლისის 1000 ლარი მსყიდველუნარიანობით გასული წლის ივლისის 895 ლარს გაუტოლდა. საბაზრო ეკონომიკის პირობებში რაიმე ნივთსა თუ მომსახურებას აბსოლუტური...

თემურ ჭყონია: გახარიას ბიზნესწრეებში ცუდი რეპუტაცია არ ჰქონია

თემურ ჭყონია: გახარიას ბიზნესწრეებში ცუდი რეპუტაცია არ ჰქონია
access_time2021-08-04 12:00:55
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.   „ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...


მსგავსი სიახლეები

up