ევროპა უკრაინის რეკონსტრუქციას პანდემიის დროინდელი ფინანსური ინსტიტუტის მოდელით გეგმავს

ევროპა უკრაინის რეკონსტრუქციას პანდემიის დროინდელი ფინანსური ინსტიტუტის მოდელით გეგმავს

access_time2022-07-05 15:50:00

ევროპის საინვესტიციო ბანკი (EIB) ახალი სატრასტო ფონდის, EU-Ukraine Gateway-ის შექმნის ინიციატივით გამოდის, რომელიც უკრაინის რეკონსტრუქციისთვის კერძო და სახელმწიფო ინვესტიციებს მიიზიდავს. ამის შესახებ EIB-ის ვიცე-პრეზიდენტმა, ტერეზა ჩერვინსკაიამ შვეიცარიის ლუგანოში გამართულ უკრაინის აღდგენის კონფერენციაზე განაცხადა, რასაც ბანკის ვებგვერდზე გავრცელებული პრესრელიზი ციტირებს.


მასში, ასევე, წერია, რომ EU-Ukraine Gateway Trust Fund ახალი ფინანსური ინსტრუმენტია, რომელიც როგორც ახლო, ისე გრძელვადიან პერსპექტივაში უკრაინის აღდგენასა და ევროკავშირში ქვეყნის გაწევრიანებას შეუწყობს ხელს.


ინიციატივის მიხედვით, ფონდი ევროკავშირის წევრი სახელმწიფოების, სხვა ქვეყნებისა და პარტნიორების კონტრიბუციით შეივსება, რაც დონორებს შორის თანამშრომლობას ხელს შეუწყობს და სახსრების ეფექტურ მართვას უზრუნველყოფს. ფონდი შესაძლოა, რამდენიმე კვირაში ამოქმედდეს და პოლიტიკური ხელმძღვანელობის მოთხოვნებსა და უკრაინის აღდგენის პლატფორმის კონტროლს დაექვემდებარება, რაც ევროკავშირმა განსაზღვრა.


სატრასტო ფონდი, EU-Ukraine Gateway ყოვლისმომცველი ინსტრუმენტი იქნება და მოიცავს საინვესტიციო გრანტებს, რომლებიც ნაწილობრივ სესხებთან შეთავსებით იქნება გაცემული. ფონდი, ასევე, გასწევს ტექნიკურ დახმარებასა და საკონსულტაციო მომსახურებას, რომელიც პროექტების ხარისხის გაუმჯობესებასა და მათ შემდგომ განხორციელებას შეუწყობს ხელს.



Reuters-ის ცნობით, ფონდის დახმარებით EIB უკრაინის რეკონსტრუქციისთვის 100 მლრდ ევროს მიზიდვას გეგმავს. მსგავსი ინსტრუმენტი წარმატებით იქნა გამოყენებული კოვიდპანდემიის დროს მცირე და საშუალო ბიზნესის დაფინანსებისთვის.


EIB-ის მონაცემებით, 24 თებერვლის, ანუ უკრაინაში რუსეთის შეჭრის შემდეგ ბანკის სოლიდარობის ოდენობამ, თითქმის, 4,7 მლრდ ევროს მიაღწია. მარტის დასაწყისში EIB-მა უკრაინის მთავრობას ლიკვიდობის გადაუდებელი საჭიროებების დასაკმაყოფილებლად 668 მლნ ევროს დაფინანსება გამოუყო. ამასთან, 2,5 მლნ ევროს ჰუმანიტარული დახმარების პაკეტი, რომელსაც EIB-ის ინსტიტუტი უწევს კოორდინაციას, ომში დაზარალებულ ადამიანებს პირდაპირ ეხმარება.


EIB-მა, ასევე, 4 მლრდ ევროს საკრედიტო ხაზი უკრაინის მეზობელი ევროკავშირის ქვეყნების მუნიციპალიტეტებისთვის ლტოლვილების მისაღებად გამოყო. ამ თანხის ნახევარი გადეცა პოლონეთს ქვეყნის მთავრობის მიერ შექმნილი დახმარების ფონდის დასაფინანსებლად, რომელსაც პოლონეთის სახელმწიფო ბანკი, Bank Gospodarstwa Krajowego მართავს.


ლუგანოს კონფერენციაზე პრეზიდენტ ვოლოდიმირ ზელენსკიმ უკრაინის აღდგენის ეროვნული გეგმა წარადგინა. გეგმის მიხედვით, ქვეყნის აღდგენას 10 წლის განმავლობაში 750 მლრდ დოლარი დასჭირდება, ხოლო პროექტების საერთო რაოდენობა 850-ია.


bpn.ge






ხელნაკეთი მოსაწვევები & საქორწილო აქსესუარები: მოთხოვნა პანდემიამდელ ნიშნულს უბრუნდება

ხელნაკეთი მოსაწვევები & საქორწილო აქსესუარები: მოთხოვნა პანდემიამდელ ნიშნულს უბრუნდება
access_time2022-08-12 23:55:40
ლიკუნა კოტეტიშვილს საქორწილო აქსესუარების დამზადების იდეა საკუთარი ქორწილის შემდეგ გაუჩნდა. დღეს კი კომპანია მომხმარებელს სხვადსხვა სახის საქორწილო მომსახურებასა და აქსესუარებს სთავაზობს.   როგორც "ხელნაკეთი მოსაწვევები & საქორწილო აქსესუარების" დამფუძნებელი "ბიზნესპარტიორთან" ყვება, ქორწილში მის მიერ დამზადებულმა დეკორაციამ დიდი მოწონება დაიმსახურა და სწორედ აქედან წამოვიდა იდეა ეს ყველაფერი ბიზნესად ექცია.   "პირადად ჩემთვის, ეს არის სფერო,...

ბაიდენის მრჩევლები მოითხოვენ მისი 2024 წლის საპრეზიდენტო კამპანიის ადრეულ დაწყებას

ბაიდენის მრჩევლები მოითხოვენ მისი 2024 წლის საპრეზიდენტო კამპანიის ადრეულ დაწყებას
access_time2022-08-12 23:00:51
Reuters-ის სააგენტოს ცნობით, რამდენიმე წყაროს თანახმად, აშშ-ის პრეზიდენტმა, ჯო ბაიდენმა, უნდა გამოაცხადოს თავისი კანდიდატურის ხელახლა წამოყენების შესახებ უფრო ადრე, ვიდრე ჩვეულებრივ, ნოემბრის რბოლამდე კონგრესში, რათა გააქარწყლოს სპეკულაციები დემოკრატების გეგმების შესახებ 2024 წლის საარჩევნო კამპანიის წინ.   ბაიდენი, რომელიც 8 ნოემბრის შუალედური არჩევნების შემდეგ 80 წლის გახდება, სულ უფრო მეტი შეკითხვის წინაშე დგას თავისი პოლიტიკური მომავლის შესახებ, მიუხედავად იმისა, რომ...

„სომხეთმა თხოვნით მიმართა საქართველოს, რომ ლარსის სასაზღვრო-გამშვები პუნქტის ალტერნატივად განხილულიყო საზღვაო ტრანსპორტიც“

„სომხეთმა თხოვნით მიმართა საქართველოს, რომ ლარსის სასაზღვრო-გამშვები პუნქტის ალტერნატივად განხილულიყო საზღვაო ტრანსპორტიც“
access_time2022-08-12 20:02:05
„სომხეთმა თხოვნით მიმართა საქართველოს, რომ ლარსის სასაზღვრო-გამშვები პუნქტის ალტერნატივად განხილულიყო საზღვაო ტრანსპორტიც“ -  ამის შესახებ ინფორმაციას  საზღვაო ტრანსპორტის სააგენტო სოციალურ ქსელში ავრცელებს. „კომერსანტი“ საზღვაო ტრანსპორტის სააგენტოს განცხადებას უცვლელად გთავაზობთ. „საქართველოს სატრანზიტო კორიდორი გადატვირთულ რეჟიმში აგრძელებს მუშაობას.  მიუხედავად იმისა, რომ შესაბამისი სახელმწიფო ორგანოები უწყვეტად, 24-საათიან რეჟიმში მუშაობენ,...

ბუნებრივია საქართველო ამით მიიღებს საკმაოდ კარგ ბენეფიტებს - გია არაბიძე საქართველოს გავლით ყაზახური ნავთობის გატარებაზე

ბუნებრივია საქართველო ამით მიიღებს საკმაოდ კარგ ბენეფიტებს - გია არაბიძე საქართველოს გავლით ყაზახური ნავთობის გატარებაზე
access_time2022-08-12 17:58:05
ბუნებრივია საქართველო ამით მიიღებს საკმაოდ კარგ ბენეფიტებს, როგორ მილსადენიდან ასევე რკინიგზიდან, აცხადებს ექსპერტი ენერგეტიკის საკითხებში გია არაბიძე, რითაც ის ყაზახური ნავთობის, რუსეთის გვერდის ავლით, ბაქო-თბილისი-ჯეიჰანისა და ბაქო-სუფსის ნავთობსადენების გამოყენებით დაწყებას გამოეხმაურა. როგორც...

ლარის კურსი დოლართან მიმართებით გაუფასურდა, ევროსთან კი გამყარდა

ლარის კურსი დოლართან მიმართებით გაუფასურდა, ევროსთან კი გამყარდა
access_time2022-08-12 17:30:06
12 აგვისტოს ვაჭრობის შედეგად აშშ დოლარი გამყარდა და 2.7089 ლარი შეადგინა. კურსი, რომელიც დღეს მოქმედებდა, 2.7016 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -0.73 თეთრი შეადგინა. გაუფასურდა ევრო, რომლის კურსი 2.7880 ლარია. მაშინ როცა დღეს მოქმედი კურსი 2.7916 ლარს შეადგენდა. შესაბამისად, ევროს ცვლილებამ 0.36 თეთრი შეადგინა. გამყარდა თურქული ლირა, რომელიც 0.1508 ლარს შეადგენს, ხოლო გაუფასურდა ფუნტი და 3.2829 ლარი...


მსგავსი სიახლეები

up