ევროკავშირის სადამკვირვებლო მისია ე.წ. გამყოფ ხაზთან შექმნილ მდგომარეობაზე პრესრელიზს ავრცელებს

ევროკავშირის სადამკვირვებლო მისია ე.წ. გამყოფ ხაზთან შექმნილ მდგომარეობაზე პრესრელიზს ავრცელებს

access_time2019-09-16 19:42:57

ევროკავშირის სადამკვირვებლო მისია ე.წ. სამხრეთ ოსეთის ადმინისტრაციულ სასაზღვრო ხაზთან შექმნილ მდგომარეობასთან დაკავშირებით პრესრელიზს ავრცელებს.

 

პრესრელიზში აღნიშნულია, რომ ევროკავშირის სადამკვირვებლო მისია ყურადღებით აკვირდება სამხრეთ ოსეთის ადმინისტრაციულ სასაზღვრო ხაზზე, ჩორჩანა-წნელისის რაიონში მიმდინარე მოვლენებს.

 

24 აგვისტოს შემდეგ მისია მუდმივად წარმოდგენილია ადგილზე. მედიის მხრიდან სიტუაციისადმი ინტერესის გამო და გავრცელებული ზოგიერთი არაზუსტი ცნობის გასაქარწყლებლად, მისიას სურს, გააზიაროს შემდეგი ინფორმაცია.

 

გამოქვეყნებულ პრესრელიზში ნათქვამია, რომ მიმდინარე წლის იანვრის დასაწყისში მისიამ შენიშნა საღებავებით მონიშნული ხეები წნელისისა და ჩორჩანას შორის რაიონში. მისია აფასებს ამას როგორც „ბორდერიზაციის“ მახასიათებელს. ამის მიუხედავად, აღნიშნულ მონიშვნებზე არც ერთ მოქმედ მხარს პასუხისმგებლობა არ აუღია.

 

20-24 აგვისტოს შორის სოფელ წნელისის შემოგარენში შინაგან საქმეთა სამინისტროს განსაკუთრებულ დავალებათა დეპარტამენტის მიერ შეიქმნა ახალი ქართული სადამკვირვებლო პოსტი. ევროკავშირის სადამკვირვებლო მისიის დასკვნით, პოსტი განთავსებულია ადმინისტრაციული სასაზღვრო ხაზიდან დაახლოებით 240 მეტრში თბილისის მიერ ადმინისტრირებულ ტერიტორიაზე.

 

როგორც ევროკავშირის სადამკვირვებლო მისია აღნიშნავს, სამხრეთ ოსეთის ე.წ. უსაფრთხოების სამსახურმა გასულ კვირას შექმნა ახალი პოზიციები და განათავსა ბორდერიზციის რამდენიმე ნიშანი, მათ შორის „მწვანე ნიშანი“ და დროშები ადმინისტრაციული სასაზღვრო ხაზის თბილისის მიერ ადმინისტრირებულ მხარეზე.


 

აღნიშნული ნიშნები ადმინისტრაციულ სასაზღვრო ზოლს 1,3 კილომეტრითაა დაშორებული. ამავე დროს, საქართველოს შინაგან საქმეთა სამინისტრომ ჩორჩანას ტყის რაიონში ასევე გააძლიერა თავისი ყოფნა.

 

მისია აღნიშნავს, რომ ჩორჩანა-წნელისის რაიონში შეიარაღებული ძალოვანი აქტორების მნიშვნელოვანი წარმომადგენლობაა.

 

„ადმინისტრაციული სასაზღვრო ხაზის გასწვრივ რამდენიმე ახალი პოზიციის შექმნა, ასევე შეიარაღებული პერსონალის კონცენტრაცია დაპირისპირების ალბათობას ზრდის და საფრთხეს უქმნის სტაბილურობას“, – ნათქვამია პრესრელიზში.

 

გამოქვეყნებულ პრესრელიზში აღნიშნულია, რომ ევროკავშირის სადამკვირვებლო მისიის მიერ მართული ცხელი ხაზი აქტიურად გამოიყენება ინფორმაციის გასაცვლელად და საკითხებზე რეაგირებისთვის ადმინისტრაციული სასაზღვრო ხაზის გასწვრივ.

 

ამასთან, ნათქვამია, რომ 29 აგვისტოს შემდეგ ევროკავშირის სადამკვირვებლო მისიამ და ეუთო-მ დაძაბულობის განსამუხტად და დეესკალაციისთვის შესაძლო კონკრეტული გზების განსასაზღვრად, ინციდენტების პრევენციისა და მათზე რეაგირების მექანიზმის ფარგლებში ოთხი რიგგარეშე ტექნიკური შეხვედრა გამართა. ერთ-ერთი ასეთი შეხვედრა ერგნეთში 13 სექტემბერს შედგა, რომელიც პროფესიონალურ ატმოსფეროში გაიმართა, თუმცა პოზიციები ურთიერთსაწინააღმდეგო დარჩა. პოზიტიურია, რომ ყველა მონაწილემ დაადასტურა ზოგიერთი საბაზისო პრინციპის მხარდაჭერა ჩორჩანა-წნელისის რაიონში ესკალაციის თავიდან ასაცილებლად და მზადყოფნა გამოთქვა მშვიდობიანი დარეგულირების გზის მოსაძებნად. მნიშვნელოვანია, რომ ეს ვალდებულებები აისახოს ადგილზე ფაქტობრივ ქმედებებზე.

 

მისია ასევე აღნიშნავს, რომ ე.წ. სამხრეთ ოსეთის ადმინისტრაციულ სასაზღვრო ხაზზე ორი გამშვები პუნქტი, ოძისი და სინაგური 2019 წლის 4 ოქტომბრის 20:00 საათის შემდეგ დაკეტილი რჩება. არ ყოფილა კონკრეტული მინიშნება, თუ როდის გაიხსნება ისინი, ცხინვალის ე.წ. უსაფრთხოების ძალებმა პუნქტების დაკეტვა ჩორჩანა-წნელისის რაიონში მიმდინარე მოვლენებს დაუკავშირეს.

 

„მისია აღნიშნულ ზომებს განიხილავს როგორც გადაადგილების დამაზარალებელ შეზღუდვას, რაც უარყოფითად აისახება ადმინისტრაციული სასაზღვრო ხაზის ორივე მხარეს მცხოვრებ მოსახლეობაზე, განსაკუთრებით კი აზარალებს ახალგორის ველზე მცხოვრებ მოსახლეობას ან იმ პირებს, ვისაც ახალგორის ველზე რეგულარულად უწევთ მიმოსვლა“, – ნათქვამია პრესრელიზში.

 

ევროკავშირის სადამკვირვებლო მისიის განცხადებით, დახურული გამშვები პუნქტების გავლით ორივე მიმართულებით დღეში 400-მდე გასვლა ხორციელდება.


პირველი არხი





BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას

BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას
access_time2019-10-22 19:30:35
თქვენ გაქვთ კანონი, გაქვთ ინფრასტრუქტურა და ადამიანური კაპიტალი. თუ ამ გზას გაჰყვებით, საქართველო 15 წელიწადში კავკასიის ლიდერი იქნება, - ასე შეაფასა BBC-ის მთავარმა ბიზნეს კორესპონდენტმა ჯო ლაინამმა განვითარების პროცესში საქართველოს მიერ აღებული გეზი. ჯო ლაინამი „აბრეშუმის გზის ფორუმზე“ დასასწრებად თბილისში ჩამოვიდა. ფორუმზე ის ერთ-ერთი პანელის მოდერატორი იყო. დასრულების შემდეგ კი მსოფლიოს ბაზარზე საქართველოს პოზიციონირებისა და განვითარების პერსპექტივის შესახებ...

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ
access_time2019-10-22 17:31:38
კარგი პოლიტიკური კურსი, კარგი რეგულაციები, პირდაპირი ინვესტიციების წახალისებაზე და ქვეყნის პოტენცილაზე ჩინქსინ ჩენი აღნიშნავს. ამბობს, საქართველოში ჩინური კომპანიების ფართო წარმომადგებლობაზე და სურვილზე, მეტი ჩინური კომპანია იყოს წარმოდგენილი, რადგან საქართველოს გზაა ყველა მოკლეა ევროპასა და აზიას შორის. აბრეშუმის გზის ფორუმზე ანაკლიის განვითარების კონსორციუმის გენერალური დირექტორი ანაკლიის პორტის პროექტის ბარიერებზე საუბრობს. ვაპირებთ შეხვედრას...

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი
access_time2019-10-22 16:54:10
„საქართველოში სოკარ ჯორჯია წარმოდგენილია მისი ხელმძღვანელით მაირ მამედოვით, მათ შესანიშნავი პარტნიორობა აქვთ ადგილობრივ ხელისუფლებასთან, სახელისუფლებლო სტრუქტურებთან, - ამის შესახებ აზერბაიჯანის სახელმწიფო ნავთობ კომპანიის (SOCAR) ვიცე-პრეზიდენტმა, იაშარ ლატიფოვმა აბრეშუმის გზის ფორუმზე სიტყვით გამოსვლისას აღნიშნა. თემატურ პანელზე - „ენერგეტიკის ხვალინდელი დღე - განვითარების ტენდენციები, უსაფრთხოება და მდგრადობა აბრეშუმის გზის ენერგეტიკული სარტყელის ფარგლებსა და ფარგლებს გარეთ,...

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“
access_time2019-10-22 15:30:11
„თუ ბიძინა ივანიშვილი პატიობს შეცდომას, ჩვენ რა პრობლემა გვაქვს.  დღეს ასე იტყვის, ხვალ ისე, მთავარია ის იყოს კმაყოფილი.“ - ასე აფასებს მაია ცქიტიშვილის „შეცდომას“ FDI-ს მაჩვენებლებთან დაკავშირებით ექსპერტი გია ხუხაშვილი. ვიცე-პრემიერმა მაია ცქიტიშვილმა „აბრეშუმის გზის ფორუმზე“ განაცხადა, რომ 2018 წელს საქართველომ “ერთ-ერთი ყველაზე დიდი მოცულობის პირდაპირი უცხოური ინვესტიცია (FDI) მიიღო”, თუმცა ეს განცხადება სიმართლეს არ შეესაბამებოდა, რადგანაც 2018...

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“
access_time2019-10-22 14:51:39
„ანაკლიის პორტის პროექტის დაწყება ზედმეტად დაგვიანდა, დიდი იმედი გვაქვს, მომავალი წლიდან ამ პროექტს უკვე დავძრავთ“, – ამის შესახებ საქართველოს ეკონომიკისა და მდგრადი განვითარების მინისტრმა, ნათია თურნავამ განაცხადა.მისი თქმით, ანაკლიის ღრმაწყლოვანი პორტი ეს არის ერთ-ერთი მნიშვნელოვანი სტრატეგიული პროექტი, რომელიც საქართველოს მთავრობის ყველა პრეზენტაციაში მნიშვნელოვან ადგილს იკავებს. „როდესაც ვსაუბრობთ იმაზე, როგორ უნდა გამოვიყენოთ უკეთ შავი ზღვის შესაძლებლობები...


მსგავსი სიახლეები

up