ქართველი მეფუტკრეები თაფლის ექსპორტზე გასატანად ხელისუფლებისგან დახმარებას ითხოვენ

ქართველი მეფუტკრეები თაფლის ექსპორტზე გასატანად ხელისუფლებისგან დახმარებას ითხოვენ

access_time2019-07-23 11:00:03

vedomosti -ის ინფორმაციით, რუსეთში  ფუტკრების 60% დაიხოცა.  რუსული მედიის ინფორმაციით, მწერების მასობრივი დაღუპვის მიზეზი სავარაუდოდ ქიმიკატების და სხვადასხვა მასალების გამოყენება გახდა. ფუტკრების  მასობრივი სიკვდილიანობისგან რუსეთის ზარალი 1 ტრლნ. რუბლს შეადგენს.


ანტიბიოტიკების ხარისხთან დაკავშირებით პრობლემები ჰქონდათ ქართველ მეფუტკრეებსაც, რაზეც კომერსანტი“ არაერთხელ წერდა. 


ამჯერად მედიაპორტალი დაინტერესდა რა მდგომარეობაა ფუტკრის სამკურნალო ანტიბიოტიკების გამოყენების კუთხით საქართველოში? როგორ აისახება რუსეთში განვითარებული მოვლენები ქართველ მეფუტკრეებზე და ჩაანაცვლებს თუ რუსულ თაფლს ქართული თაფლი.

 

საქართველოს მეფუტკრეთა გაერთიანების დამფუძნებელი ალეკო პაპავა აცხადებს, რომ ანტიბიოტიკების მოხმარება მეფუტკრეებში წელს საგრძნობლადაა შემცირებულია და შესაბამისად, ამ მიზეზით ფუტკრების მასიური განადგურება მოსალოდნელი არ არის. 


„ჩვენ მეფუტკრეები არა ერთხელ გავაფრთხილეთ. მათ იციან, რა ზიანი მოაქვს ანტიბიოტიკის მოხმარებას, ამიტომ უმეტესობა აღარ იყენებს. არის ადამიანების კატეგორია, რომელიც წინაპრების ტრადიციას მიყვება და ჩვენს რჩევას არ ითვალისწინებს. აღსანიშნავია ისიც, რომ 2019 წლის 1 იანვრიდან იკრძალება ევროკავშირში აკრძალული ნივთიერებების შემცველი ვეტერინარული პრეპარატების რეგისტრაცია, თუმცა მანამდე შემოტანილი პრეპარატები ვეტაფთიაქებში მაინც იყიდება. სამეგრელოში ძირითადად ფაროსანას წამლობა ხდება, რაც ფუტკარზეც ახდენს გავლენას. მთავრობამ წინა წელთან შედარებით წელს მუშაობა დახვეწა, რეგიონების მიხედვით ჩაგვრთო მეფუტკრეებიც“, - აცხადებს ალეკო პაპავა

 

მისი თქმით, თუ რუსეთიში ანტიბიოტიკების გამო დაიხოცა ფუტკარი, ეს საქართველოზე არ აისახება, რადგან ერთი შორს ვართ და მეორე ეს გადამდები დაავადება არ არის.

 რაც შეეხება თაფლის ექსპორტს რუსეთზეა დამოკიდებული მოხდება თუ არა რუსული თაფლის ქართული თაფლით ჩანაცვლება. საქართველოს მეფუტკრეთა გაერთიანების დამფუძნებელი განმარტავს, რომ შესაძლებელია ქართველი მეფუტკრეებისთვის რუსული ბაზარი საინტერესო აღმოჩნდეს. ამის მიუხედავად პაპავა ამბობს, რომ ქართველი მეფუტკრეები რუსული ბაზრით არ არიან დაინტერესებული, ისინი ევროკავშირის ტერიტორიაზე თაფლის ექსპორტზე არიან კონცენტრირებულები.

 


„ხარისხით ჩვენ თაფლი რუსულს ჯობს. მათ არ აქვთ მრავალფეროვანი თაფლი, იქ არის წიწიბურასგან, მზესუმზირისგან და მსგავსი ტიპის მცენარეებისგან წარმოებული თაფლი. ქართული თაფლი კი სხვადასხვა მცენარისგან შეგროვებული ნექტრისგანაა წარმოებული. სიმართლე, რომ ვთქვა,  ჩვენ ორიენტირებულები ვართ ევროპის ბაზარზე. უბრალოდ ხელს გვიშლის ანტიბიოტიკების სინჯები და ამ მხრივ მუშაობა მიმდინარეობს. დასანერგია შემოწმების სისტემა, რის შემდეგაც პრობლემა მოიხსნება. სახელმწიფომ  საფუტკრეების კეთილ საიმედოობაზე უნდა მოხდინოს ინსპექტირება, თუმცა ჯერ ამისათვის მზად არ არის, დაახლოებით ერთი ან ორი წელი კიდევ დასჭირდება პრობლემის მოსაგვარებლად. 20 მაისს ინგლისში გამოფენა გაიმართა, სადაც საქართველოდან თაფლის სხვადასხვა სახეობები გაიგზავნა, ქართულმა თაფლმა ევროპის ბაზარზე დიდი მოწონება დაიმსახურა, რაც ჩვენ პოტენციალს კიდევ ერთხელ უსვამს ხაზს“, - განმარტავს ალეკო პაპავა.

 

ევროკავშირის ბაზარზე ადგილის დასამკვიდრებლად, საქართველოს მეფუტკრეთა გაერთიანების დამფუძნებელი სახელმწიფოს როლზე საუბრობს და მისგან დახმარებას ითხოვს.

 

„სახელმწიფოსგან ვითხოვთ სუბსიდირებას, რომ მეფუტკრეებს დაეხმაროს ლაბორატორიული ანალიზების გაკეთებაში. ამ საკითხთან დაკავშირებით სახელმწიფოსთან შეხვედრისთვის ვემზადებით და კონკრეტულ ნაბიჯებს წარვუდგენთ, თუ რა აქვთ გასაკეთებელი იმისთვის, რომ ქართული თაფლი ევროპაში მოხვდეს“, - განაცხადა ელეკო პაპავამ.

 

ალეკო პაპავასგან განსხვავებით ევროკავშირის ბაზრის ათვისება არარეალური ჰგონია საქართველოს მეფუტკრე ფერმერთა გაერთიანების პრეზიდენტს გიორგი კეპაშვილს.

 

„საქართველოში საჭიროა გამკაცრდეს ფუტკრის სამკურნალო პრეპარატების მიმოქცევა. აუცილებელია შემუშავდეს პესტიციდების გამოყენების კონტროლის მექანიზმი. უნდა გამკაცრდეს ანტიბიოტიკების იმპორტი, იმ თვალსაზრისით, რომ მეფუტკრეს, რომელსაც აკლია ცოდნა გარანტირებულად გამიყენოს ხარისხიანი  პრეპარატი. საქართველოში არსებული მეფუტკრეების 95 პროცენტი მოყვარულები არიან, ეს იმას ნიშნავს, რომ ისინი ნაკლებად არიან დაინტერესებულები მეფუტკრეობის განვითარებით. უნდა არსებობდეს ლაბორატორია, რომელიც ყველა 38 კომპონენტზე შეამოწმებს თაფლს. დღეს საქართველოდან ანტიბიოტიკების და პესტიციდების კვლევის მიზნით პროდუქტი ევროპაში იგზავნება. კიდევ ერთი მიზეზი არის ის, რომ პირველადი წარმოება ცუდად კონტროლდება. გარდა ამისა საწარმო უნდა არსებობდეს, რომელსაც შეუძლია აკონტროლოს თაფლის ხარისხი გადამუშავების პროცესში “,  აღნიშნავს გიორგი კეპაშვილი.

 

გიორგი კეპაშვილი აცხადებს, რომ რუსეთისთვის ქართული თაფლი ყოველთვის აქტუალური იყო, თუმცა ამ ბაზარზე ექსპორტის პერსპექტივას ნაკლებად ხედავს. 

 

„ქართული თაფლი რუსეთის ბაზრისთვის ყოველთვის აქტუალური იყო, თუმცა არ მგონია, რომ რუსეთში მოხდეს ექსპორტის განხორციელება, რადგან ურთიერთობები რუსეთსა და საქართველოს შორის დაძაბულია.  ჩვენი ორგანიზაცია ყოველთვის ცდილობდა რუსეთის ბაზარი აეთვისებინა. შესაძლებელია რუსეთში თაფლზე ფასი გაიზარდოს, მაგრამ ქართულ თაფლის ფასი მაინც მაღალი იქნება რადგან, ჩვენი თაფლი ყველაფრით უკეთესია. თუ ვინმეს სურვილი გაუჩნდება რუსულ ბაზარზე შესვლის, ის მაღალი ხარისხის თაფლით უნდა შევიდეს. გარდა ამისა რუსული ბაზარი ყოველთვის იქნება დაკეტილი ვიდრე საქართველოში არ შეიქმნება ისეთი ლაბორატორია, სადაც თაფლი სრულყოფილად შემოწმდება. რუსეთს თაფლის ხარისხზე თითქმის იგივე მოთხოვნები აქვს როგორიც ევროპას“, - აცხადებს გიორგი კეპაშვილი.

 

საქართველოს მეფუტკრე ფერმერთა გაერთიანების პრეზიდენტი  სახელმწიფოს როლზე საუბრობს და აცხადებს, რომ სახელმწიფო ექსპორტის ხელშეწყობის კუთხით არა ეფექტურად მუშაობს.

 

„როდესაც ვსაუბრობთ, რომ პრეპარატების მიმოქცევა არ ხორციელდება ეს არის სახელმწიფოს პრეროგატივა. როდესაც ვსაუბრობთ, რომ საქართველოში არ არის ლაბორატორია რომელიც სრულყოფილად გამოიკვლევს თაფლს და ხელისუფლება ხედავს, რომ კერძო სექტორმა საკითხი არ განავითარა აუცილებელია სახელმწიფოს ჩარევა. როდესაც ხედავს, რომ პირველადი წარმოება მოიკოჭლებს და ხშირია შემთხვევები, როდესაც თაფლში გადაჭარბებული ანტიბიოტიკია, უნდა გაითვალისწინოს, რომ ამის კონტროლის ბერკეტები მხოლოდ სახელმწიფოს გააჩნია. მთავრობა აქტიურად უნდა მონაწილეობდეს პროცესების მართვაში და გარემოს შექმნაში, რათა მოხდეს პროდუქტის ექსპორტი“, - განაცხადა გიორგი კეპაშვილმა.

 

 ბაჩო ადამია






დღის Top-10 საინტერესო ამბავი

დღის Top-10 საინტერესო ამბავი
access_time2020-07-08 21:30:06
დღის Top-10 საინტერესო ამბავი 1.აშშ-ს ეს დამოკიდებულება ცოტა გადაჭარბებულია -ბიზნესი ამერიკის კონგრესის განცხადებაზე კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“ ხელმძღვანელი ირაკლი იაშვილი „კომერსანტთან“...

ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება
access_time2020-07-08 20:00:35
ევროპამ კორონავირუსის პანდემია დაძლია, კარანტინი მოხსნა და საზღვრების გახსნისთვის ემზადება.მიზანია ნორმალური ცხოვრების აღდგენა და გაჩერებული ეკონომიკის ამოქმედება. ჩამოშლის სტადია შეჩერებულია, ეკონომიკური აქტიურობა აღდგენას იწყებს, თუმცა ეკონომისტები ფულის თვლას იწყებენ იმაზე, თუ ასწლეულის უმსხვილესი კრიზისიდან გამოსვლისთვის  რა თანხები იქნება საჭირო. ოპტიმისტები  რამდენიმე მიზეზის გამო უმცირესობაში...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...


მსგავსი სიახლეები

up