იმპორტის $1.5 მლრდ-იანი კლების ხარჯზე, საქართველოს უარყოფითი სავაჭრო ბალანსი $1.056 მლრდ-ით $4.663 მლრდ-მდე შემცირდა, თუმცა სახელმწიფოთა აბსოლუტურ უმრავლესობასთან სვაჭრო სალდო კვლავ დეფიციტურია. 

ევროკავშირთან ასოცირების ხელშეკრულებას 2014 წლის ივნისში მოეწერა ხელი. 2015 წელს ექსპორტმა ევრო გაერთიანებაში $645 მლნ შეადგინა, 2020 წელს - $717 მლნ, მაქსიმალურ $819 მლნ-იან მაჩვენებელს 2019 წელს მიაღწია. იმავე პერიოდში ჩინეთში ექსპორტი $126 მლნ-დან $476 მლნ-მდე გაიზარდა. ჩინეთთან თავისუფალი ვაჭრობის ხელშეკრულების ამოქმედებიდან - 2018 წლიდან დღემდე კი $202 მლნ-დან $476 მლნ-მდე. გეოგრაფიული თუ კულტურული სიახლოვის მიუხედავად ევროპას ჩინეთთან შედარებით ბევრად უფრო მკაცრი მოთხოვნები გააჩნია.

ევროკავშირთან ვაჭრობა იყო და დღემდე რჩება დეფიციტური. ევროპის კავშირში 2020 წელს ექსპორტმა $717 მლნ შეადგინა, ხოლო ევროკავშირიდან საქართველოში იმპორტმა $1.2 მლრდ-ით მეტი - $1.921 მლრდ.

28-დან 25 სახელმწიფოში საქართველოს უარყოფითი სავაჭრო ბალანსი აქვს. დადებითი სალდო კი მხოლოდ სამთან - ბულგარეთთან, ლიეტვუასთან და ესტონეთთან გააჩნია.

ყველაზე დიდი - 467 მლნ-იანი სავაჭრო ბრუნვა გერმანიასთან გააჩნია, მეორე ადგილზე $422 მლნ-ით ბულგარეთია, სამეულს $216 მლნ-ით იტალია ასრულებს. ბრუნვა $100 მლნ-ს აღემატება აგრეთვე საფრანგეთთან, ნიდერლანდებთან, ესპანეთთან, პოლონეთთან და რუმინეთთან. ხორვატიასთა, კვიპროსთან, მალტასთან დალუქსემბურგთან კი $10 მლნ-ზე ნაკლებია.
ბრიტანეთი ოფიციალურად ევროკავშირის წევრი აღარაა, თუმცა შესადარისობის გასამარტივებლად 2020 წელსაც იმავე ჯგუფსია შეყვანილი, ისევე როგორც უკრაინა დსთ-ში.