ევროკავშირიდან ბრიტანეთის გასვლა მისთვის უფრო მძიმე გადასატანი იქნება, ვიდრე ევროპის ბლოკისთვის

ევროკავშირიდან ბრიტანეთის გასვლა მისთვის უფრო მძიმე გადასატანი იქნება, ვიდრე ევროპის ბლოკისთვის

access_time2016-11-29 14:59:58

ევროკავშირიდან ბრიტანეთის გასვლა მისთვის უფრო მძიმე გადასატანი იქნება, ვიდრე ევროპის ბლოკისთვის. ამ აზრისაა ევროპის ცენტრალური ბანკის ხელმზღვანელი მარიო დრაგი, რომლის თანახმად, საჭიროა მოლაპარაკების პროცესის გამჭვირვალეობა, რათა გაადვილდეს ბრიტანეთის გასვლა. ამ თემას აშუქებს გაზეთი „ფაინენშალ თაიმსი" ჯიმ ბრუნსდენის სტატიაში, რომელშიც ვკითხულობთ:

 

 


„შესატყვისი შინაარსის განცხადებები ევროპის ცენტრალური ბანკის პრეზიდენტმა გააკეთა ბრიუსელში ევროპარლამენტის წინაშე სიტყვით გამოსვლისას. მარიო დრაგის სიტყვით, ევროკავშირიდან ბრიტანეთის გასვლის, ანუ როგორც მას უწოდებენ „ბრექსიტის" ეკონომიკური შედეგების წინაწარი გათვლა ამ ეტაპზე მეტად ძნელია. თუმცა, როგორც მარიო დრაგიმ აღნიშნა, ერთიანი ბაზარი დიდი სარგებელის მომტანი იყო ბრიტანეთისთვის, რომლის ბანკებმა დააგროვეს დიდძალი ანაბრები კაპიტალის და ლიკვიდობის სახით.

 

 

მაგრამ, თუკი გრძელვადიან პერსპექტივაში მოხდა მატერიალიზაცია ნაკლებად გახსნილი ეკონომიკისა, იქნება ეს ვაჭრობა, მიგრაცია, ან უცხო ინვესტიციები, მაშინ ცხადია, სერიოზული ზიანი მიადგება ბრიტანეთში ინოვაციას, კონკურენციას და აქედან გამომდინარე შრომის ნაყოფიერებასა და ეკონომიკური პროდუქტის გამომუშავებას - განაცხადა მარიო დრაგიმ.

 

 


უნდა აღინიშნოს, რომ ევროპის ცენტრალური ბანკის ხელმძღვანელის განცხადებები გაკეთდა ინტენსიური დებატების ფონზე, რომლებიც მიმდინარეობს ბრიტანეთის მთავრობის ეკონომისტებსა და „ბრექსიტის" მომხრეებს შორის. მთავარი სადავო საკითხია ის შედეგები ქვეყნის ეკონომისთვის, რომლებიც მოჰყვება ევროპის ბლოკის დატოვებას. გასულ კვირაში გამოქვეყნდა წინასწარი საბიუჯეტო ანგარიშგება ფინანსთა სამინისტროს მიერ, რომელიც „ბრექსიტის" მომხრეთა კრიტიკის ობიექტი გახდა ჭარბი პესიმისტური გაწყობის გამო.

 

 

კრიტიკის ქარცეცხლში განსაკუთრებულად მოექცა მარკ კარნი, ინგლისის ბანკის მმართველი, რომელიც ბრიტანეთისთვის წინასწარმეტყვეელებს სერიოზულ ეკონომიკურ კრიზისს. კრიტიკოსთა აზრით, მარკ კარნიმ არამართებულად ჩარია ქვეყნის ცენტრალური ბანკი პოლიტიკურ დებატებში ევროკავშირში წევრობის თაობაზე.

 


 

ბოლო დროს, ბრიუსელში აშკარად შეინიშნება სულ უფრო მზრადი უკმაყოფილება „ბრექსიტის" მიმართ. ასახავს რა ამ განწყობას, მარიო დრაგი მოუწოდებს ბრიტანელებს - მეტი გარკვეულობა შეიტანონ ევროკავშირიდან მათი გასვლის პროცესში - ნათქვამია გაზეთის სტატიაში.

 

 


მასალაში ასევე მოყვანილია ევროპის მთავარი ბანკირის ბოლო გამონათქვამები:

 

 

„ბრიტანეთში გამართულმა რეფერენდუმმა წინა პლანზე წამოწია ევროზონის სუვერენობის საკითხები, ანუ რამდენად გამართლებული იყო კომერციის ზოგიერთი ასპექტის თავმოყრა ევროპის კონტინენტზე ნაცვლად ლონდონის ბიზნეს-ცენტრში.

 

 

ევროპის ცენტრალური ბანკის ხელმძღვანელმა „პოლიტიკური რისკების კოქტეილი" უწოდა იმ საფრთხეებს, რომლებიც გლობალურ ეკონომიკას მიადგა. ამასთან დაკავშირებით, „ბრექსიტის" გარდა, მარიო დრაგიმ მოიხსენია შეერთებულ შტატებში დონალდ ტრამპის პრეზიდენტად არჩევა და ასევე იტალიაში მოახლოებული რეფერენდუმი საკონსტიტუციო ცვლილებაზე რომელზეც ქვეყნის საბანკო სისტემის უახლოესი მომავალია დამოკიდებული. მარიო დრაგის თქმით, წლები დასჭირდება იმ ძირეულ ცვლილებებს რომლებსაც დღევანდელი მსოფლიო გაივლის.

 

 

ბრიუსელში ევროპარლამენტარებს მარიო დრაგიმ მოუწოდა განაგრძონ ეკონომიკური ექსპანსიის პოლიტიკისადმი მხარდაჭერა თუნდაც ეს იყოს სერიოზული გაურკვევლობის პირობებში.

 

 

მარიო დრაგის თანახმად, მომდევნო თვეებში, საერთაშორისო საზოგადოებრიობა გაარკვეულ სიგნალებს მიიღებს ტრამპის ადმინისტრაციისგან ევროკავშირისთვის საჭირბოროტო საკითხებზე" - ნათქვამია გაზეთ „ფაინენშალ თაიმსის" სტატიაში.

 

 


საერთაშორისო მიმომხილველი გიორგი ჩხუბიანიშვილი

 



კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ

კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ
access_time2020-07-05 20:00:36
კორონავირუსის პანდემიამ მსოფლიოს მასშტაბით არნახული ეკონომიკური კრიზისი გამოწვია და მასშტაბებიდან გამომდინარე 2008 წლის ეკონომიკურ კრიზისსაც გადააჭარბა. პანდემიის გამო მსოფლიოს...

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები
access_time2020-07-05 18:30:55
სამუშაო ადგილებზე ახალი კორონავირუსით გამოწვეული ინფექციის გავრცელების თავიდან აცილების მიზნით, განახლდა და დამტკიცდა ახალი რეკომენდაციები. მათ შორისაა რეკომენდაციები ტურ-ოპერატორებისთვის, გიდებისთვის და...

დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში
access_time2020-07-05 11:30:02
აზარტული თამაშების რეგულირებასთან დაკავშირებით პარლამენტის ვიცე-სპიკერი გია ვოლსკი აცხადებს, თუკი ამ ბიზნესს ჩავკეტავთ, იგი იატაკქვეშ გადაინაცვლებს და გაცილებით უფრო მძიმე მაფიოზური სიტუაცია შეიქმნება. როგორ უნდა ავიცილოთ თავიდან მსგავსი სიტუაცია, რომ...


მსგავსი სიახლეები

up