ევროკომისიამ ახალი წინადადებები წარადგინა, რომელთა მიზანია ევროკავშირის ბაზარზე სახელმწიფოების მხრიდან სუბსიდირებული კომპანიებისთვის წვდომის შეზღუდვაა.
ბრიუსელი უკმაყოფილოა იმით, რომ უცხოური კომპანიები, რომლებიც თავიანთი მთავრობებისგან დოტაციებს იღებენ, კონკურენციას უწევენ ადგილობრივ კერძო კომპანიებს, რომლებსაც ასეთი მხარდაჭერა არ გააჩნიათ.
ევროკომისიის აღმასრულებელი ვიცე-პრეზიდენტის მარგრეტ ვესტაგერის თქმით, 2019 წელს ევროკავშირში ინვესტიციებმა 7 ტრლნ. დოლარი შეადგინა:
„გახსნილობა სამართლიანობას მოითხოვს, ამისთვის კი შიდა კანონმდებლობა, რომელიც კერძო ბიზნესის სუბსიდირების მოცულობებს ზღუდავს, უცხოურ კომპანიებზეც უნდა გავრცელდეს. ბაზარზე წვდომის სამართლიანი წესები განსაკუთრებით მნიშვნელოვანია ეკონომიკების პოსტპანდემიური აღდგენის პროცესში“ - განაცხადა მან.
ინიციატივა ევროკავშირის ქვეყნების პარლამენტის და ევროპარლამენტის განხილვის საგანი უახლოეს პერიოდში გახდება. პროექტი ანიჭებს ევროკომისიას ამა თუ იმ უცხოური კომპანიის საქმიანობაზე სახელმწიფო სუბსიდიების გავლენის შესწავლის უფლებას. დოტაციად შესაძლოა შეღავათიანი სესხი, სახელმწიფო გარანტიები, საგადასახადო შეღავათები, ან პირდაპირი ფინანსური დახმარება ჩაითვალოს.
ამ მექანიზმის ფარგლებში ევროკომისია ევროპული კომპანიების შესყიდვის ან შერწყმის გარიგებებს შეისწავლის იმ შემთხვევაში, თუ ინვესტორის ბრუნვა 500 მლნ. ევროს აღემატება, ხოლო ინვესტიცია - მინიმუმ 50 მლნ. ევროს შეადგენს.
ასევე ევროკავშირის მიერ გამოცხადებულ 250 მლნ. ევროზე მეტი ღირებულების ტენდერებში მონაწილე უცხოურ კომპანიების ფინანსურ ნაკადებს შეისწავლის.
პროექტში ასევე წერია, რომ გამოძიება შესაძლოა „სხვა გარიგებებს და საბაზრო სიტუაციებს შეეხოს“, ხოლო ევროკომისიას უცხოური კომპანიების თავისი ინიციატივით შესწავლის უფლებაც ექნება.
ყველა უცხოური ინვესტორი, რომელიც ზემოთხსენებულ კრიტერიუმებში მოხვდება, ვალდებული იქნება ევროკომისიას სახელმწიფო დოტაციებთან დაკავშირებული მთელი ინფორმაცია მიაწოდოს.
ევროკომისიის დადებით დასკვნის გარეშე გარიგების დადება შეუძლებელი იქნება.
კანონპროექტში ნათქვამია, რომ მაგალითად, ჩინეთი თითქმის ყველა თავის მსხვილ კორპორაციებს ასუბსიდირებს, ხოლო მათი დოტაციების მაჩვენებელი ქვეყნის მშპ-ს 1,3-1,6%-ს შეადგენს. ევროპული კომპანიების თავიანთი ქვეყნების მთავრობებისგან სუბსიდიებს არ იღებენ, რაც მათ არათანაბარ მდგომარეობაში ავტომატურად აყენებს.
ევროკომისიის თავჯდომარის მოადგილის ვალდის დომბროვსკისის თქმით, ევროკავშირის მიდგომა ჩინეთთან საინვესტიციო შეთანხმების გაფორმების თაობაზე უცვლელი რჩება, თუმცა, მისი რატიფიცირება მხარეებს შორის ურთიერთობებზეა დამოკიდებული.
„ევროპული კომპანიები სუბსიდიებს სახელმწფოსგან ან საერთოდ არ იღებენ, ან თუ იღებენ ძალიან მცირე მასშტაბებში. ამ დროს ჩინეთის მთავრობა მილიარდებს ხარჯავს იმ კომპანიების დასახმარებლად, რომლებიც ევროპაში აქტიურად საქმიანობენ. ეს უსამართლობაა და ამით ევროპული ბიზნესი ზარალდება“ - მიიჩნევს ის.
წყარო: kommersant.ru