ევროკავშირი ამკაცრებს „ჩრდილოეთ ნაკადი 2“-ის რეალიზების პირობებს

ევროკავშირი ამკაცრებს „ჩრდილოეთ ნაკადი 2“-ის რეალიზების პირობებს

access_time2019-02-11 19:30:51



8 თებერვალს ბრიუსელში შედგა ევროკავშირის მუდმივ წარმომადგენელთა კომიტეტის სხდომა, რომელზეც მხარეებმა შეაჯამეს ახალი, გამკაცრებული მოთხოვნები პროექტ „ჩრდილოეთ ნაკადი2“-ის მიმართ, რომელიც ითვალისწინებს რუსეთიდან ევროპამდე ბალტიის ზღვის ფსკერზე გაზსადენის მშენებლობას.



ამ პროექტის ირგვლივ ევროკავშირში განსხვავებული აზრებია, რადგანაც „ჩრდილოეთ ნაკადი 2“-ის რეალიზება გააძლიერებს რუსეთის საგაზო გავლენას ევროპაში და უკრაინულ სატრანზიტო მილსადენს უფუნქციოდ დატოვებს, შესაბამისად, ეკონომიკურთან ერთად, ეს მწვავე პოლიტიკური საკითხიცაა.



ასევე გაზსადენის აშენებასა კატეგორიულად ეწინაამღდეგება ვაშინგტონი.



8 თებერვალს ევროკავშირში მიღებული გადაწყვეტილება ამკაცრებს პირობებს და აძვირებს პროექტს, თუმცა, არ კრძალავს მის რეალიზებას.



შეთანხმება გახდა შესაძლებელი გერმანიის მიერ შემოთავაზებული კომპრომისის საფუძველზე - სწორედ ბერლინია „ჩრდილოეთ ნაკადი 2“-ის მთავარი ლობისტი, თანაც ამ გაზსადენით გადაქაჩული გაზის მთავარი მომხმარებელი.
კომპრომისი მისაღები აღმოჩნდა საფრანგეთისთვის, რომელიც პირიქით - პროექტის მოწინაამღდეგეა.



„ჩვენ მივაღწიეთ შეთანხმებას, რომელიც შესაძლებელი გახდა გერმანიის და საფრანგეთის თანამშრომლობის წყალობით,“ - განაცხადა ანგელა მერკელმა.



Reuters-ის ინფორმაციით, კომპრომისი გულისხმობს, რომ „ჩრდილოეთ ნაკადი 2“ის მიმართ იმოქმედებს „მესამე ენერგოპაკეტის“ პირობები, ანუ, ტრანსპორტირების და გაყიდვის შეთავსების აკრძალვა, რისი წინაამღდეგი ყოველთვის იყო რუსეთი.




მოწინაამღდეგეები და მომხრეები



„ჩრდილოეთ ნაკადი 2“-ის დაფინანსებაში მონაწილეობს 2 გერმანული კომპანია - Uniper და Wintershall. ამის გარდა, მომხრეთა რიგებში არიან ქვეყნები, საიდანაც კერძო კომპანიებმა ასევე გადაწყვიტეს პროექტში მონაწილეობა - ჰოლანდია, ბრიტანეთი, ავსტრია, და საფრანგეთი, თუმცა, ბოლო პერიოდში პარიზმა შეიცვალა აზრი, მაგრამ საბოლოო ჯამში დათანხმდა ბერლინის წინადადებას.



მომხრეთა შორის ასევე არიან რუსული გაზის სხვა მომხმარებლები - საბერძნეთი, კვიპროსი, ფინეთი, ნორვეგია და ჩეხეთი.
„ჩრდილოეთ ნაკადი 2“-ის მთავარი და ყველაზე აქტიური მოწინაამღდეგეა კიევი და ეს ლოგიკურია, რადგანაც მომავალი გაზსადენის მიზანია ევროპაში ცისფერი საწვავის ტრანსპორტირება უკრაინის გვერდის ავლით.



უკვე არსებული „ჩრდილოეთ ნაკადი 1“-ის წყალობით, რუსეთმა უკრაინული ტრანზიტი 6,7 მლრდ-ით შეამცირა და ამჟამად ის შეადგენს 86 მლრდ კუბურ მეტრს. 2019 წლის ბოლოს იწურება კონტრაქტი რუსეთს და უკრაინას შორის გაზის ტრანზიტის თაობაზე და ახალ გაზსადენზე პრინციპული დასტური მნიშვნელოვანი იქნება მომავალი ხელშეკრულების გაფორმებისთვის.
უკრაინული „ნაფტოგაზის“ პრეზიდენტმა ანდრეი კობოლევმა განაცხადა, რომ „ჩრდილოეთ ნაკადი 2“ და უკრაინის გაზის ტრანზიტის შეწყვეტა საფრთხეს თავად ქვეყნის დამოუკიდებლობას უქმნის.



ამჟამად, უკრაინის ყოველწლიური შემოსავალი გაზის ტრანზიტიდან 3 მლრდ დოლარს შეადგენს .



„ჩრდილოეთ ნაკადი 2“-ის წინაამღდეგ ასევე გამოდიან ბალტიის ქვეყნები, პოლონეთი, შვედეთი, დანია და სლოვაკეთი. მათი ძირითადი არგუმენტებია რუსულ გაზზე ევროპის დამოკიდებულების ზრდა, კონკურენციის შესუსტება და უკრაინის და სლოვენიის ტერიტორიებზე ტრანზიტის შეწყვეტა.


რუსეთზე დამოკიდებულების ზრდის შესახებ საუბრობდა ასევე აშშ-ს პრეზიდენტი დონალდ ტრამპი, რომელმაც 2018 წლს ივლისში მკაცრად გააკრიტიკა გერმანია „ჩრდილოეთ ნაკადი 2“-ის მხარდაჭერის გამო.


აშშ-ს ამ პოზიციას აქვს ასევე ეკონომიკური საფუძველი - ამერიკული კომპანიები ევროპაში გაზის ექსპორტის დაწყებას გეგმავენ.
თავად ევროპაში „ჩრდილოეთ ნაკადი 2“ აღიქმება, როგორც გერმანული პროექტი, რომელიც საგრძნობლად გაზრდის ბერლინის ენერგეტიკულ გავლენას კონტინენტზე - სწორედ ამის გამო იყო პარიზი მზად, უარი ეთქვა პროექტის რეალიზებაზე და სწორედ საფრანგეთის გამოვიდა პირობების გამკაცრების ინიციატივით.


Bloomberg-ის მონაცემებით, ევროკავშირი საბოლოო პოზიციის ჩამოყალიბებას მაისის ბოლომდე გეგმავს. გადაწყვეტილების მისაღებად ახალმა პროექტმა ევროკავშირის 28 ქვეყნიდან 16-ის თანხმობა უნდა მიიღოს.



თუმცა, ყველაზე დიდ რისკს „გაზპრომისთვის“ წარმოადგენს არა უთანხმოება ევროპელებს შორის ( რაც თავისთავად სერიოზული პრობლემაა), არამედ აშშ-ს მხრიდან შესაძლებელი სანქციების დაწესება.



ამ დღეებში აშშ-ს სენატის საგარეო საქმეთა კომიტეტი განიხილავს რეზოლუციის პროექტს „ჩრდილოეთ ნაკადი 2“-ის შეჩერების მოთხოვნით. 2018 წლის დეკემბერში კონგრესმა უკვე მიიღო რეზოლუცია, რომელიც მოუწოდებს ევროპას, უარი თქვას რუსული გაზსადენის მშენებლობაზე და ასევე მოითხოვს პრეზიდენტისგან ამ პროექტის წინაამღდეგ სანქციების შემოღებას.


კონგრესში ასევე უკვე განიხილება რუსეთის მიმართ სანქციების გამკაცრების ახალი პროექტი, რომელიც ითვალისწინებს „ჩრდილოეთ ნაკადთან“ დაკავშირებული ყველა კომპანიისთვის აშშ-სთან თანამშრომლობის აკრძალვას.


ეს გადაწყვეტილება ჯერ არ მიღებულა, თუმცა, იმ შემთხვევაში, თუ გაფართოებული სანქციების პაკეტი შევა ძალაში, მსხვილ ევროპულ კომპანიებს მოუწევთ არჩევანის გაკეთება რუსეთს და აშშ-ს შორის.



სწორედ ესაა მთავარი საფრთხე „ჩრდილოეთ ნაკადი 2“-სთვის. ამ შემთხვევაში „გაზპრომს“ გაზსადენის მშენებლობა თავისი ძალებით მოუწევს, ეს კი ძალიან გაუჭირდება როგორც ფინანსურად, ასევე ტექნოლოგიურადაც.



rbc






გია ხუხაშვილი: თიბისის მიმართ არა სისტემური სახელისუფლებლო შეტევაა, არამედ გარკვული ინტერეს ჯგუფი მოქმედებს

გია ხუხაშვილი: თიბისის მიმართ არა სისტემური სახელისუფლებლო შეტევაა, არამედ გარკვული ინტერეს ჯგუფი მოქმედებს
access_time2019-02-18 21:00:16
„ღირსება ეს არის მთავრი აქტივი, რაც ადამიანს გააჩნია. ვთვლი, რომ ორივე ღირსეულად გამოიყურებოდნენ,“ - ასე აფასებს პოლიტოლოგი გია ხუხაშვილი მამუკა ხაზარაძის და ბადრი ჯაფარიძის დღეს გამართულ ბრიფინგს. ექპერტის თმით,  „თიბისი ბანკის“ სამეთვალყურეო საბჭოს თავმჯდომარემ და მისმა მოადგილემ, მიუხედავად იმისა, რომ თავშეკავებულები იყვნენ  მაინც  ღირსეული კომენტარი გააკეთეს. „ვფიქრობ, მამუკა ხაზარაძის და ბადრი ჯაფარიძის მხრიდან ძალიან ღირსეული კომენტარები იყო...

მამუკა ხაზარაძე: საქმე აღარ ეხება „თიბისის“, კონკრეტულ ადამიანებს, ეხება ჩვენს ქვეყანას, პერსპექტივას და მომავალს

მამუკა ხაზარაძე: საქმე აღარ ეხება „თიბისის“, კონკრეტულ ადამიანებს, ეხება ჩვენს ქვეყანას, პერსპექტივას და მომავალს
access_time2019-02-18 18:45:13
საქმე აღარ ეხება „თიბისის“, აღარ ეხება კონკრეტულ ადამიანებს, ეხება ჩვენს ქვეყანას, ჩვენს პერსპექტივას, ჩვენს მომავალს, - ამის შესახებ „თიბისი ბანკის“ სამეთვალყურეო საბჭოს თავმჯდომარემ, მამუკა ხაზარაძემ სპეციალურად გამართულ პრესკონფერენციაზე განაცხადა. როგორც მამუკა ხაზარაძემ აღნიშნა, ერთი წამითაც არ ამოვარდნილა მისი კომპანია იმ სამუშაო გრაფიკიდან, რა გრაფიკზეც ხელი აქვს მოწერილი სახელმწიფოსთან. „ბევრი...

ბადრი ჯაფარიძე: 17 მილიონი დოლარი მსოფლიო ბანკში და თიბისი ბანკის კაპიტალში გადაირიცხა, ეს თუ შეიძლება ფულის გათეთრებად ჩაითვალოს, თქვენ თავად განსაზღვრეთ

ბადრი ჯაფარიძე: 17 მილიონი დოლარი მსოფლიო ბანკში და თიბისი ბანკის კაპიტალში გადაირიცხა, ეს თუ შეიძლება ფულის გათეთრებად ჩაითვალოს, თქვენ თავად განსაზღვრეთ
access_time2019-02-18 18:00:01
„17 მილიონი დოლარი მსოფლიო ბანკში და თი ბი სი ბანკის კაპიტალში გადაირიცხა. თუ ეს შეიძლება ფულის გათეთრებად ჩაითვალოს, თქვენ თავად განსაზღვრეთ,“ - ამის შესახებ თიბისი ბანკის სამეთვალყურეო საბჭოს თავმჯდომარის მოადგილე ბადრი ჯაფარიძემ საგანგებოდ ჩანიშნულ პრესკონფერენციაზე განაცხადა. შეგახსენებთ, საქმე გასულ კვირას ეროვნული ბანკის მიერ გავრცელებულ განცხადებას ეხება სადაც, სებ-ითიბისი ბანკისგან...

აუდიტის სამსახური: „საქნახშირს“ ტყიბულის მუნიციპალიტეტის ბიუჯეტისთვის კუთვნილი 741.7 ლარი არ გადაუხდია

აუდიტის სამსახური: „საქნახშირს“ ტყიბულის მუნიციპალიტეტის ბიუჯეტისთვის კუთვნილი 741.7 ლარი არ გადაუხდია
access_time2019-02-18 16:30:51
სახელმწიფო აუდიტის სამსახური სახელმწიფო და ადგილობრივი ორგანოების მიერ შემოსავლების ადმინისტრირებაში არსებულ კონტროლის სუსტეზე მიუთითებს. სახელმწიფო აუდიტის ანგარიშის მიხედვით, ბუნებრივი რესურსებით სარგებლობისათვის მოსაკრებლის სახით 2016-2017 წლებში შპს „საქნახშირს (ჯი აი ჯი ჯგუფს)“ ტყიბულის მუნიციპალიტეტის ბიუჯეტში უნდა გადაეხადა 2.1 მლნ ლარი, თუმცა აღნიშნულ პერიოდში „საქნახშირის“ მიერ ადგილობრივ ბიუჯეტში გადახდილია, მხოლოდ 1.36 მლნ ლარი. შესაბამისად „საქნახშირს“ ბიუჯეტისთვის კუთვნილი 741.7...

5 მარტს, შესაძლოა, ენგურჰესი გაჩერდეს, აფხაზეთს ჩაბნელება ემუქრება

5 მარტს, შესაძლოა, ენგურჰესი გაჩერდეს, აფხაზეთს ჩაბნელება ემუქრება
access_time2019-02-18 17:00:26
უნდა უყიდოს თუ არა ოფიციალურმა თბილისმა სეპარატისტებს ელექტროენერგია რუსეთიდან 5 მარტისთვის, შესაძლოა, ენგურჰესმა მუშაობა შეაჩეროს წყალსაცავზე წყლის დონის კრიტიკული ვარდნის გამო და ოკუპირებული აფხაზეთი უშუქოდ დარჩეს. ამიტომ თბილისი სოხუმის რეჟიმს მოუწოდებს, ან ელექტროენერგია დროებით რუსეთიდან შემოიტანოს, ან შეამციროს მოხმარება, რომელიც ბოლო წლებში 3-ჯერაა გაზრდილი და იმდენად უკონტროლოა, რომ აფხაზეთი, სადაც...


მსგავსი სიახლეები

up