ევა ბოჭორიშვილი: ნეგატიური სცენარისკენ მივდივართ

ევა ბოჭორიშვილი: ნეგატიური სცენარისკენ მივდივართ

access_time2021-04-16 12:20:00

Galt&Taggart-ის კვლევების დეპარტამენტის უფროსი მიიჩნევს, რომ ლარის კურსის ბოლოდროინდელი მერყეობა ბევრ ფაქტორთანაა დაკავშირებული. მათ შორის, მესამე ტალღის მოლოდინი, ჩაკეტვა, პოლიტიკური არასტაბილურობა და ა.შ.


„მთავარი ის არის, რომ ველოდებოდით ტურიზმის აღდგენას და ვაქცინაციის ნელი ტემპიდან გამომდინარე, რომელიც ეპიდვითარებას ართულებს და ლარზეც გავლენას ახდენს, ეს მოლოდინებიც შეიცვალა. ბოლო პროგნოზით 3.5–ის ფარგლებში ველოდებით ლარის კურსის ცვლილებას. ამის მიუხედავად, არსებობს პოზიტიური ფაქტორებიც, ექსპორტი და ფულადი გზავნილები იზრდება, რასაც თავისი დადებითა გავლენა აქვს,“ – აღნიშნავს, ევა ბოჭორიშვილი.


მისივე თქმით, წლის დასაწყისში დადებითი სცენარის მიხედვით, ტურიზმის აღდგენას ელოდნენ, ამ ეტაპზე კი ეს მოლოდინები არ არის გამართლებული და უფრო ნეგატიური სცენარისკენ მივდივართ.


„რაც შეეხება, იმ ფაქტს, რომ ეროვნული ბანკის მიერ სავალუტო აუქციონზე გამოტანილი $40 მლნ დოლარიდან მხოლოდ $25.4 მლნ გაიყიდა, როგორც წინა ჯერზე, $40 მლნ–დან $27 მილონი, ჩვენი აზრით ეს ნიშნავს, რომ ბაზარი არის გაურკვევლობაში და რა მოთხოვნაც არის სავალუტო ბაზარე იმის შესაბამისად იყიდება დოლარი. ლარის მეტად გაუფასურების მოლოდინი რომ იყოს, უფრო მეტი გაიყიდებოდა, მაგრამ წონასწორული კურსი რა არის, ბაზარმა ჯერ არ იცის და დიდ გაურკვევლობაშია. შესაძლოა, ლარის კურსის გამყარებას ელოდებიან.



ამ ეტაპზე, მთავარია წესების დაცვა და ამაზე მაქსიმალური ყურადღების გამახვილება, რადგან ეკონომიკის კიდევ ერთი ჩაკეტვა სიტუაციას გააუარესებს, რაც ლარის კურსზეც უარყოფითად აისახება. შესაძლოა, ვიფიქროთ სასწავლო დაწესებულებების დისტანციურ რეჟიმზე გადაყვანაზე, რომ ბიზნეს აქტივობას ნაკლებად შევეხოთ და წესების დაცვით გააგრძელონ ფუნქციონირება. რა თქმა უნდა, ვაქცინაციის ტემპის გამოსწორება ერთ-ერთი მნიშვენელოვანი საკითხია. მეტ რეკომენდაციას ამ ეტაპზე ვერ ვხედავ,“ – ამბობს Galt&Taggart-ის კვლევების დეპარტამენტის უფროსი.


შეგახსენებთ, რომ ეროვნულმა ბანკის სავალუტო აუქციონზე გამოტანილი 40 მლნ დოლარიდან მხოლოდ 25.4 მლნ დოლარი გაიყიდა. საშუალო შეწონილმა გაცვლითმა კურსმა 3.4353 შეადგინა.


ამ აუქციონის ჩათვლით, 2021 წლის დაწყებიდან დღემდე სებ-ს სულ $212.9 მლნ-ის ინტერვენცია აქვს განხორციელებული.


COVID-ით გამოწვეული არასტაბილურობის ფონზე, ეროვნულმა ბანკმა პანდემიურ 2020 წელს პირდაპირი ინტერვენციების გზით სავალუტო ბაზარს სულ დაახლოებით $916 მლნ დოლარი მიაწოდა.



business-partner.ge




მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ
access_time2021-05-15 15:51:59
ბათუმის განახლებულ საერთაშორისო აეროპორტში დღეს პირველი რეისი შეასრულა ყაზახურმა ავიაკომპანიამ „ეარ ასტანა", რომელმაც რეგულარული რეისების შესრულება განაახლა ალმათი - ბათუმი - ალმათის...

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ნეტო აღრიცხვის პროგრამას აქვს პოტენციალი განახლებადი ენერგიების წახალისება და ათვისება მოახდინოს

ნეტო აღრიცხვის პროგრამას აქვს პოტენციალი განახლებადი ენერგიების წახალისება და ათვისება მოახდინოს
access_time2021-05-15 14:00:10
რადიო „კომერსანტის“ გადაცემაში „პროფესიონალები“  სემეკის ელექტროენერგეტიკის დეპარტამენტის დირექტორის პირველმა მოადგილემ ზვიად გაჩეჩილაძემ ლიბერალური ელექტრო ენერგეტიკული ბაზრის პირობებში აღრიცხვის პოლიტიკის განვითარებაზე ისაუბრა. მისი თქმით, ნეტო აღრიცხვა მასიურად ხელმისაწვდომი პროგრამაა, რომელსაც აქვს პოტენციალი, რომ როგორც მცირე კომერციულ და საშუალო ბიზნესისთვის, ასევე საყოფაცხოვრებო სუბიექტებისთვის განახლებადი ენერგიების წახალისება და ათვისება...


მსგავსი სიახლეები

up