EURO 2020-ის მონაწილე გუნდების ღირებულება €10 მლრდ-ს, საპრიზო ფონდი კი €450 მლნ-ს აჭარბებს

EURO 2020-ის მონაწილე გუნდების ღირებულება €10 მლრდ-ს, საპრიზო ფონდი კი €450 მლნ-ს აჭარბებს

access_time2021-06-11 17:20:07

EURO 2020 ერთწლიანი დაგვიანებით 11 ივნისს სტარტს რომში აიღებს. 24 ქვეყნის გუნდი 1 თვის განმავლობაში ჩემპიონის ტიტულის მოპოვებას ეცდება. 24-დან 2 ქვეყნის, ინგლისისა და საფრანგეთის ნაკრების ფეხბურთელების ჯამური ღირებულება €1 მლრდ-ს აჭარბებს. რეკორდულად €456 მლნ-მდეა გაზრდილი ტურნირის საპრიზო ფონდიც.


ევროპის XVI საფეხბურთო ჩემპიონატს წინამორბედებისგან რამდენიმე მიზეზი გამოარჩევს. 1) მონაწილეთა რაოდენობა 16-დან 24-მდე გაიზარდა; 2) ერთი ან ორი ქვეყნის ნაცვლად თამაშები 11 სახელმწიფოში გაიმართება, (მასპინძე;ლი 12 ქალაქი უნდა ყოფილიყო, მაგრამ დუბლინმა მაყურებლის შესაძლო ვერდასწერების გამო მატჩის ჩატარებაზე უარი განაცხადა) მათგან 3 მხოლოდ მასპინძელი იქნება და არა მონაწილე; 3) პანდემიის მიზეზით თამაშები 1 წლით გადაიდო. რომ არა პანდემია შესაძლოა ჯგუფურ ეტაპზე საქართველოც მომხვდარიყო, გადამწყვეტი თამაშის წინ, ნაკრების წამყვან ფეხბურთელს ხვიჩა კვარაცხელიას კოვიდი დაუდასტურდა და უეაფას გადაწყვეტილებით თამაში იძულებით გამოტოვა.


პირველი ევროპის ჩემპიონატი 1960 წელს გაიმართა. მასში სულ 4 გუნდი მონაწილეობდა, გამარჯვება საბჭოთა კავშირს დარჩა, რომელმაც იუგოსლავია 2:1 დაამარცხა. მატჩის 49-ე წუთზე მეტოქის კარი სლავა მეტრეველმა აიღო და ანგარიში გაათანაბრა, დამატებით დროში, 113-ე წუთზე კი გამარჯვების გოლი ვიქტორ პონდელიკმა მიხეილ მესხის გადაცემის შედეგად გაიტანა.


1980 წელს ტურნირზე მონაწილეთა რაოდენობა 8-მდე, ხოლო 1996 წელს 16-მდე გაიზარდა. ბოლო გაფართოვების შედეგად კი ევრო 2020-ზე მათმა რაოდენობამ 24-ს მიაღწია.


2020 წლის გლობალური ლოკდაუნი სპორტსაც შეეხო. ზოგი ტურნირი საერთოდ ჩაიშალა, ევრო 2020 და ტოკიოს ოლიმპიური თამაშები - 1 წლით გადაიდო. გადაწყვეტილება უეფამ მარტში მიიღო, იმ დროს დღიურ ინფიცირებულთა რაოდენობა 20-25 ათასის ფარგლებში მერყეობდა, დღეს ეს რიცხვი 20-ჯერ მეტია, მაგრამ მსოფლიო უკვე გასული წლის ზაფხულში მიხვდა, რომ პანდემიის სრულ დასრულებამდე ყველაფერს ვერ გააჩერებდა.



თამაშები ცარიელ ტრიბუნებზე არ გაიმართება, მაგრამ ვერც ბოლომდე გაივსება. ბაქო და სანქტ-პეტერბურგი სტადიონების 50%-იან დატვირთვაზე დათანხმდნენ, ფინალური შეხვედრა ლონდონში მეოთხედით შევსებულ სტადიონზე გაიმართება, სხვა ქალაქებშიც ტრიბუნები 25%-დან 45%-მდე დაიტვირთება. გარდა ამისა სავალდებულოდ რჩება პირბადეც.


Tranfermarkt-ის ინფორმაციით ყველაზე ძვირი გუნდი ინგლისის ნაკრებს ჰყავს. მისი ფეხბურთელების ჯამური ღირებულება €1.270 მლრ-ს შეადგენს, რაც $1.595 მლრდ-ს ტოლია, მეორე ადგილზე €1.030 მლრდ-ით საფრანგეთია, სამეულს €937 მლნ-ით გერმანია ასრულებს. ბოლო 24-ე ადგილზე €45 მლნ-ით ფინეთია. ჩრდილოეთ მაკედონია, რომელთანაც საქართველომ გადამწყვეტი მატჩი დათმო ბოლოს წინა 23-ე ადგილზე იმყოფება, მისი ღირებულება €62 მლნ-ა. ჯამში 24-ივე ქვეყნის გუნდების ღირებულება €10.477 მლრდ-ს, $12.782 მლრდ-ს შეადგენს. 1 გუნდის საშუალო ღირებულება €437 მლნ გამოდის.



იმავე Tranfermarkt-ის მონაცემებით ყველაზე ძვირაღირებული ქართველი ფეხბურთელი რუსეთის რუბინში მოთამაშე 20 წლის ხვიჩა კვარაცხელიაა და მისი სატრანსფერო ფასი €18 მლნ-ს შეადგენს. სხვადასხვა წყაროს ინფორმაციით კვარაცხელიას შეძენით ბრიტანული ლიდსი, გერმანული ბაიერნი, იტალიური იუვენტუსი და ნიდერლანდების აიაქსია დაინტერესებული.


11 ივნისიდან 11 ივლისის ჩათვლით 1 ქვეყნის, 11 ქალაქის 11 სტადიონზე 51 შეხვედრა გაიმართება. საქართველოში მატჩების ტრანსლაციას საზოგადოებრივი მაუწყებელი განახორციელებს. გამარჯვებული 11 ივლისს ლონდონის 90 000-იან უემბლის სტადიონზე გამოვლინდება, თუმცა ფინალურ მატჩს მხოლოდ 22 500 ადამიანი დაესწრება.


ჩემპიონატის საპრიზო ფონდი რეკორდულად მაღალია და €456 მლნ-ს შეადგენს. თითოეული მონაწილე საბაზისო €9.25 მლნ-ს მიიღებს, ჯგუფში ყოველ მოგებაზე €1.5 მლნ, ფრედ დასრულებულ შეხვედრაზე კი €750 ათასი დაემატება. მერვედფინალში გასვლის შემთხვევასი ნაკრები დამატებით €2 მლნ-ს მიიღებს, მეოთხედფინალში გასვლის შემდეგ €3.25 მლნს, ნახევარფინალში გასული €5 მლნ-ს, ფინალში დამარცხებული €7 მლნ-ს, ჩემპიონი კი €10 მლნ-ს მიიღებს. იმ შემთხვევაში თუ ჩემპიონატის გამარჯვებულმა ჯგუფურ ეტაპზეც სამივე მატში მოიგო, მის მიერ გამომუშავებული თანხა €34 მლნ-ს მიაღწევს, რაც ამჟამინდელი კურსით $41 მლნ-ს აღემატება.


გიორგი ელიზბარაშვილი




„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up